توساتتان تۋىلعان وقيعالارعا، قوعامداعى حالىق تۇرمىسىنا قاتىستى سالالارعا ساياتىن وسەك – اياڭ تاراتقان تىركەلگىلەردەن 8583 تىركەلگىنى انىقتاپ ءبىرجاقتى ەتتى 

ءتىلشىنىڭ ورتالىقتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسىنەن ۇعىسۋىنشا، جۋىردا ينتەرنەتتەگى ءىشىنارا تىركەلگىلەر جوقتان ويدىرىپ شىعارۋ، بىلدىرتپەي اۋىستىرۋ، بۇرىنعىنى قوقسىتۋ قاتارلى تاسىلدەر ارقىلى الەۋمەتىك ساياسات، قوعامداعى حالىق تۇرمىسى، توساتتان تۋىلعان وقيعالار قاتارلى جاقتاردا وسەك – اياڭ قۇراستىرىپ، توراپتاستاردىڭ ويىن الجاستىرىپ، الەۋمەتتىك ۇرەي تۋدىرىپ، قوعامنىڭ جاراسىمدىلىعى مەن ورنىقتىلىعىنا ىقپال جاساعان. ينتەرنەت ينفورماتسياسى تاراۋلارى ينتەرنەت تەكشەلەرىن باقىلاۋ – تەكسەرۋ جانە ءبىرجاقتى ەتۋ تەبىنىن ۇزدىكسىز ارتتىرۋعا جەتەلەپ، وسەك – اياڭدى العاش رەت تاراتقان تىركەلگىلەردى دەر كەزىندە تاۋىپ جانە توقتاتىپ، قاتىستى زاڭ – تۇزىمگە قايشىلىق جاساعان 8583 تىركەلگىنى ءبىرجاقتى ەتكەن.

ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسى ءىشىنارا تيپتىك دەلولار جونىندە جالپى حابارلاندىرۋ شىعارعان، مۇندا، ”توڭازىتقىشتى اۆتوموبيلدىڭ ىشىنەن الداپ ساتىلعان 15 بالا بايقالدى“ دەگەن وسەك – اياڭ، ”شەتەلدەن ءوز قاراجاتىمەن وقيتىندار سيلىق قاراجاتى قاتارلى التى ءتۇرلى ساياساتتىڭ قولداۋىنا يە بولادى“ دەگەن وسەك – اياڭ، ”ەكى ولشەمدى كودتى جايمالاۋ ارقىلى ’2024 – جىلعى جەكەلىك ەڭبەك قوسىمشا قاراجاتىنا‘ يە بولاسىز“ دەگەن وسەك – اياڭ، ”چۇڭچيڭدە باعدار شام ىستىقتان وتالىپ كەتتى“ دەگەن وسەك – اياڭ ت.ب. قامتىلعان.

كەلۋ قاينارى: حالىق تورابى