تۇرعىن ءۇي جانە قالا – اۋىل قۇرىلىسى مينيسترلىگى: 8155 قىستاق جۇڭگوداعى ءداستۇرلى قىستاقتاردى قورعاۋ تىزىمدىگىنە ەنگىزىلدى 

ءتىلشىنىڭ 10 – ايدىڭ 13 – كۇنى تۇرعىن ءۇي جانە قالا – اۋىل قۇرىلىسى مينيسترلىگىنەن ۇعىسۋىنشا، قازىر ەلىمىزدە ماڭىزدى قورعاۋ قۇنىنا يە 8155 قىستاق جۇڭگوداعى ءداستۇرلى قىستاقتاردى قورعاۋ تىزىمدىگىنە ەنگىزىلگەن. كەلەسى قادامدا، تۇرعىن ءۇي جانە قالا – اۋىل قۇرىلىسى مينيسترلىگى جەر – جەردەن ءداستۇرلى قىستاقتاردى قورعاۋ جانە پايدالانۋ قىزمەتىن اناعۇرلىم ويداعىداي ىستەپ، قورعاۋدى باستى ورىنعا قويۋعا تاباندى بولىپ، جۇڭگوداعى ءداستۇرلى قىستاقتاردى انىقتاۋ جانە باعالاۋ قاتارلى ءبىرقىدىرۋ قىزمەتتەردى ورىستەتۋدى تالاپ ەتكەن.

تۇرعىن ءۇي جانە قالا – اۋىل قۇرىلىسى مينيسترلىگى مىنانى بىلدىرگەن: جەر – جەر ءداستۇرلى قىستاقتاردى قورعاۋ جانە ودان پايدالانۋ بارىسىندا، باستان – اياق قورعاۋدى ءبىرىنشى ورىنعا قويۋى، جاپپاي شاعىپ، جاپپاي سالۋ، شىن قۇرىلىستارى شاعىپ، جالعان قۇرىلىستاردى سالۋ، قۇرىلىستاردىڭ باسقارۋ – جوندەۋسىز قالۋى، پايدالانۋدى ۇيلەسىمسىز بولۋى قاتارلى كورنەكتى ماسەلەلەردى باتىل جونگە سالۋى، ءداستۇرلى قىستاقتاردى جۇڭحۋانىڭ وركەنيەت بەلگىلەرى جۇيەسىنە ەنگىزۋدى ىلگەرىلەتىپ، جۇڭگوداعى ءداستۇرلى قىستاقتاردى انىقتاۋ جانە باعالاۋ قىزمەتىن ۇيىمداستىرىپ ورىستەتۋى كەرەك. سونىمەن بىرگە، كادەگە جاراتىپ پايدالانۋدى اناعۇرلىم ىلگەرىلەتىپ، ءداستۇرلى قىساقتار شوعىرلى، تۇتاسپالى ورنالاسقان وڭىرلەردى قورعاۋ جانە پايدالانۋدان ۇلگى كورسەتۋدى ۇزدىكسىز ورىستەتىپ، اۋىل – قىستاقتارداعى نەگىزدىك قۇرىلعىلار مەن الەۋمەتتىك قىزمەت وتەۋ قۇرىلعىلارىنداعى جەتەرسىزدىكتەردى تولىقتاۋ كەرەك.

تۇرعىن ءۇي جانە قالا – اۋىل قۇرىلىسى مينيسترلىگى مىنانى بىلدىرگەن: جەر – جەر ءداستۇرلى قىستاقتاردا دەمالۋعا جانە ساياحاتتاۋعا قىزمەت وتەۋ، مادەنيەت جاسامپازدىعى قاتارلى كاسىپ سالالارىن بەلسەندى دامىتۋى، ”جوبالاۋدى اۋىل – قىستاققا جەتكىزۋدى“ ۇزدىكسىز ورىستەتىپ، قۇرىلىستىڭ ساپاسى مەن حاۋىپسىزدىگىن جانە قونىستانۋ ساپاسىن جوعارىلاتۋدى تالاپ ەتكەن. سونىمەن بىرگە، مادەنيەتكە مۇراگەرلىك ەتۋدى اناعۇرلىم كورنەكتىلەندىرىپ، قىستاق تاريحىن، قىستاق شەجىرەسىن جازۋدى ىلگەرىلەتىپ، ءداستۇرلى قىستاقتارداعى ”مادەنيەت مانەرىنىڭ“ اناعۇرلىم كۇشتى بولۋىنا شارت – جاعداي ازىرلەۋى كەرەك.

(باس ستانسيا ورتالىق تەلەۆيزيا ءتىلشىسى تان جىنحۋا)

كەلۋ قاينارى: حالىق تورابى