مەملەكەتتىك ءدارى – دارمەكتى باقىلاۋ – باسقارۋ مەڭگەرمەسى: 20 توپتاعى بەزەنۋ بۇيىمدارىنىڭ قۇرامىنان تيىم سالىنعان شيكىزاتتار انىقتالدى 

ورتالىق تەلەۆيزيا تورابىنىڭ حابارى: مەملەكەتتىك ءدارى – دارمەكتەردى باقىلاۋ – باسقارۋ مەڭگەرمەسى تورابىنىڭ حابارلاۋىنشا، 2024 – جىلى مەملەكەتتىك بەزەنۋ بۇيىمدارىنان ۇلگى الىپ تەكسەرۋ جۇرگىزۋ قىزمەتى بارىسىندا، جىجياڭ ولكەلىك ازىق – تۇلىك، ءدارى – دارمەكتى تەكسەرۋ – زەرتتەۋ مەكەمەسى قاتارلى ورىندار تەكسەرۋ جۇرگىزۋ ارقىلى ءونىم بەلگىسىنە گۋاڭجوۋ ۋەينييا بەزەنۋ بۇيىمدارى شەكتى سەرىكتەستىگى وندىرگەن دەپ جازىلعان مەيسيۋە شاشتى كۇتىمدەۋ جانە بوياۋ مايى (قوڭىر) قاتارلى 20 توپتاعى (رەت) بەزەنۋ بۇيىمداردىڭ بەلگىلەمەگە ۇيلەسپەيتىنىن بايقاعان، بۇل بۇيىمداردان «بەزەنۋ بۇيىمدارىنىڭ حاۋىپسىزدىگىنە قويىلاتىن تەحنيكالىق ولشەمدە (2015 – جىلعى نۇسقا)» بەلگىلەنگەن تيىم سالىنعان شيكىزاتتار بايقالعان.

«بەزەنۋ بۇيىمدارىن باقىلاۋ – باسقارۋ ەرەجەسى»، «بەزەنۋ بۇيىمدارىن ءوندىرۋ – تيجارات ەتۋدى باقىلاۋ – باسقارۋ ءادىسى»، «بەزەنۋ بۇيىمدارىنان ۇلگى الىپ تەكسەرۋ جۇرگىزۋدى باسقارۋ ءادىسى» قاتارلى بەلگىلەمەلەرگە ساي، مەملەكەتتىك ءدارى – دارمەكتى باقىلاۋ – باسقارۋ مەڭگەرمەسى بەيجيڭ قالاسى مەن گۋاڭدۇڭ ولكەسىندەگى ءدارى – دارمەكتى باقىلاۋ – باسقارۋ تاراۋلارىنان اتالعان بەلگىلەمەلەرگە ۇيلەسپەيتىن بەزەنۋ بۇيىمدارىنا قاتىستى تىزىمگە الدىرۋشىنىڭ، ەستەلىككە الدىرۋشىنىڭ، امانات بويىنشا وندىرگەن كاسىپورىننىڭ ۇستىنەن زاڭ بويىنشا دەلو تۇرعىزۋدى، قاتىستى كاسىپورىنداردى زاڭ بويىنشا حاۋىپ – قاتەردى تەجەۋ شارالارىن اتقارۋعا ءارى ءوزىن – ءوزى رەتكە سالۋعا جانە وزگەرتۋگە بۇيىرۋدى تالاپ ەتكەن. ءارقايسى ولكەلەردەگى (اۆتونوميالى رايون، توتە قاراستى قالا) ءدارى – دارمەكتى باقىلاۋ – باسقارۋ تاراۋلارى قاتىستى بەزەنۋ بۇيىمدارىن تيجارات ەتۋشىلەردى اتالعان بەزەنۋ بۇيىمدارىن تيجارات ەتۋدى توقتاتۋعا، زات كىرگىزگەن كەزدەگى تەكسەرۋ ەستەلىگى قاتارلى جاعدايلاردى زاڭ بويىنشا انىقتاۋعا، زاڭعا قايشى ونىمدەردىڭ تەگىن تەكتەۋگە؛ زاڭعا قايشى ارەكەتتەر بايقالسا، زاڭ بويىنشا قاتاڭ انىقتاپ ءبىرجاقتى ەتۋگە؛ قىلمىس كۇمانىن قالىپتاستىرعانداردى زاڭ بويىنشا قوعام حاۋىپسىزدىگى ورگاندارىنا جوتكەپ بەرۋگە بۇيىرادى.

كەلۋ قاينارى: حالىق تورابى