ماڭىزدى ەسكەرتۋ! مەملەكەتتىك ۇكىمەت قىزمەتكەرى ەمتيحانىندا اتالمىش جەتەكشىلىك ەتۋ كۋرسى ورنالاستىرىلماعان 

ءتىلشىنىڭ 10 – ايدىڭ 14 – كۇنى مەملەكەتتىك ۇكىمەت قىزمەتكەرى ەمتيحانى مەڭگەرمەسىنەن ۇعىسۋىنشا، ورتالىقتاعى ورگاندار مەن ولارعا توتە قاراستى قۇرىلىمدارعا 2025 – جىلى ەمتيحان ارقىلى ۇكىمەت قىزمەتكەرىن قابىلداۋعا تىزىمدەۋ الدا باستالادى، جيىنى 39 مىڭ 700 ادام قابىلدانادى. مەملەكەتتىك ۇكىمەت قىزمەتكەرى مەڭگەرمەسى مىنانى بايسالدىلىقپەن ەسكەرتەدى: شىنشىلدىق — سوتسياليزمنىڭ وزەكتى قۇن كوزقاراسىنىڭ ماڭىزدى مازمۇنى، كىسىلىكتىڭ وزەگى، شارۋاشىلىق قۇرۋدىڭ نەگىزى، ۇكىمەت قىزمەتكەرى بولۋدىڭ نەگىزگى شارتى، بارشا ەمتيحان بەرۋشىلەردىڭ ەمتيحان بەرۋدى تاڭداعان ساتتەن باستاپ شىنشىل بولۋ تالابىن سانالىلىقپەن امالياتتا ايگىلەۋىن، تىزىمدەلۋدە، ەمتيحان بەرۋدە، شارتقا بويسۇنۋدا شىنشىل بولۋىن ءۇمىت ەتەمىز.

وسى رەتكى ەمتيحانعا قابىلداۋ بارىسىندا جەتەكشىلىك ەتۋدە پايدالاناتىن كىتاپ باسپادان شىعارىلمايدى نەمەسە ارنايى بەلگىلەنبەيدى، ەمتيحانعا جەتەكشىلىك ەتۋ كۋرسى ورنالاستىرىلمايدى نەمەسە ءارقانداي قۇرىلىمعا نەمەسە جەكەگە ەمتيحانعا جەتەكشىلىك ەتۋ كۋرسىن وتكىزۋى جونىندە ورنالاستىرۋ جاسالمايدى. قوعامداعى ۇكىمەت قىزمەتكەرى ەمتيحانىنا قاتىستى كۋرس، تور بەتى جانە باسىلىم قاتارلىلاردى پايدالانعان كەزدە، بارشا ەمتيحان بەرۋشىلەردىڭ ساقتىقتى ارتتىرۋىن، بايسالدى بولۋىن، الدانىپ قالۋدان، ۇقىق – مۇددەسىنىڭ زيانعا ۇشىراۋىنان ساقتانۋىن ءۇمىت ەتەمىز. ۇكىمەت قىزمەتكەرى ەمتيحانىنا قاتىستى ىستەردى باسقاراتىن تاراۋلار قاتىستى تاراۋلارمەن بىرگە باقىلاۋ – باسقارۋ قىزمەتىن كۇشەيتىپ، ەمتيحاندا قارالىق ىستەۋگە سوققى بەرىپ، بەلگىلەمەگە قايشى ارەكەتتەردى انىقتاپ، ءادىل دە ادىلەتتى، حاۋىپسىز دە ءتارتىپتى ەمتيحان ورتاسىن جاراتادى.

كەلۋ قاينارى: حالىق تورابى