دەلوعا قاتىستى سوما 2 ميلليون يۋاننان اسادى! ءۇرىمجى ساقشى جاعى ەرەكشە ءىرى قىلمىستىق توپتىڭ كابەل سىمىن ۇرلاۋىنا قاتىستى دەلونى تەكسەرىپ انىقتادى 

ءۇش اي بويى مۇقيات ورنالاستىرۋ جاساۋ جانە جىنتىكتەي تەكسەرۋ ارقىلى ءۇرىمجى قالالىق قوعام حاۋىپسىزدىگى مەكەمەسى گانچۋانباۋ بولىمشە مەكەمەسى جۋىردا بۇكىل شينجياڭنىڭ جەر – جەرىندە قاشىپ ءجۇرىپ دەلو تۋدىرعان ەرەكشە ءىرى قىلمىستىق توپتىڭ كابەل سىمىن ۇرلاۋىنا قاتىستى دەلونى انىقتاپ، قىلمىستىق توپتىڭ مۇشەلەرىنەن 11 ادامدى ءساتتى قولعا ءتۇسىرىپ، ۇرلانعان 20 نەشە توننا كابەل سىمىن تەكسەرىپ انىقتاعان، دەلوعا قاتىستى سوما 2 ميلليون يۋاننان اسقان.

بيىل 6 – ايدىڭ 28 – كۇنى، گانچۋانباۋ بولىمشە مەكەمەسىنىڭ قاراستىلىعىنداعى رايونداعى ءمالىم كاسىپورىننىڭ قىزمەتكەرى اتالعان ساقشى بولىمشەسىنە دەلو مالىمدەپ، كاسىپورىننىڭ ءمالىم كوشەنىڭ استىنداعى كابەل قۇدىعىنا جاتقىزعان قۇنى 585 مىڭ يۋان كەلەتىن كابەل سىمى ۇرلانعانىن ايتادى.

دەلونى دەرەۋ انىقتاۋ ءۇشىن، گانچۋانباۋ بولىمشە مەكەمەسى دەرەۋ ارناۋلى دەلو گرۋپپاسىن قۇرادى ءارى الىمدى كۇشتەردى جىبەرىپ كومەكتەسۋ جونىندە ءوتىنىش تاپسىرادى.

حالىق ساقشىلارىنىڭ ءۇش ايدان استام ۋاقىت ۇزدىكسىز قىزمەت ىستەۋىنىڭ ارقاسىندا، دەلونىڭ دەرەگى بارعان سايىن ايقىندالا تۇسەدى، چىن X پەن سۋ X اتاماندىعىنداعى ءوڭىر اتتاپ ۇرلىق ىستەيتىن توپ بىرتىندەپ بايقالعان.

بىرنەشە تاۋلىك بويى كۇزەتۋ ارقىلى 7 – ايدىڭ 13 – كۇنى حالىق ساقشىلارى فۋكاڭ قالاسىنان قىلمىس كۇماندىسى چىن X تى قولعا تۇسىرگەن، تەرگەۋ ارقىلى يگەرگەن دەرەكتەر كوبەيىپ، شينجياڭ، شانشي قاتارلى جەرلەردەگى باسقا 10 قىلمىس كۇماندىسى دا قولعا تۇسەدى.

تەرگەۋ بارىسىندا، قازىرگە دەيىن باستاپقى قادامدا انىقتالعان جاعدايعا قاراعاندا، اتالعان قىلمىستىق توپ كابەل قياتىن قايشى قاتارلى دەلو تۋدىراتىن قۇرالداردى ساتىپ الىپ، ىلگەرىندى – كەيىندى ءۇرىمجى قالاسى گانچۋانباۋ ەكونوميكالىق – تەحنيكالىق كوركەيتۋ رايونى، دابانچىڭ رايونى، سانجى، شاۋەشەك قاتارلى جەرلەردە قاشىپ ءجۇرىپ 20 نەشە رەت دەلو تۋدىرعان.

قازىر ءۇرىمجى قالالىق قوعام حاۋىپسىزدىگى مەكەمەسى بۇكىل شينجياڭداعى وسى دەلوعا قاتىستى جەرلەردەگى قوعام حاۋىپسىزدىگى ورگاندارىمەن سايكەسە وتىرىپ، دەلوعا قاتىستى دەرەكتەردى ىشكەرىلەي ىزدەستىرۋدە.

كەلۋ قاينارى: حالىق تورابى