بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2024.10.15 13:32 كەلۋ قاينارى : حالىق تورابى
تاياۋدا، حالىقارالىق قىسقى سپورت كورمەسىنىڭ ۋيچات تەكشەسى ”2024 حالىقارالىق قىسقى سپورتتىڭ الدىڭعى قاتارلى ماركاسى“ ٴتىزىمىن جاريالادى، مۇنىڭ ىشىندە شينجياڭنىڭ 3 جەرى ”2024 ـ جىلعى قىسقى ساياحاتتىڭ ءۇتىمدى نىسانالى جەرى“ قاتارىنا ەنگىزىلدى.
تىزىمدىكتە كورسەتىلۋىنشە، شينجياڭنان تاڭدالعان ءۇش جەر جەكە - جەكە گەنارال تاۋى حالىقارالىق قار شاڭعى دەمالىس رايونى، كوكتوعاي حالىقارالىق قار شاڭعى دەمالىس رايونى، جىبەك جولى تاۋلى ءوڭىر دەمالىس رايونى.
گەنارال تاۋى حالىقارالىق قار شاڭعى دەمالىس رايونى التاي قالا رايونىنا ورنالاسقان، ەلىمىزدەگى بىردەن - ءبىر قالا ىشىندەگى اسقار تاۋ قار شاڭعى الاڭى، قاتىناسى قولايلى، تابيعي قار جاۋاتىن جەر، قازىر 72 قار شاڭعى جولى سالىنىپ بولدى، جالپى ۇزىندىعى 70 كيلومەتر، قار شاڭعى جولىنىڭ ەڭ بيىك جەرى 460 مەتر، 8 اسپا اربا، 8 سىرعىمالى جول بار، ساعاتتىق تاسىمال قۋاتى 16 مىڭ ادامعا جەتەدى.
كوكتوعاي حالىقارالىق قار شاڭعى دەمالىس رايونى كوكتوعاي اۋدانى كوكتوعاي مەملەكەتتىك 5A دارەجەلى كورىنىس رايونىنا ورنالاسقان، قازىر ازيا بويىنشا ەڭ ەرتە اشىلعان، قار مەزگىلى ەڭ ۇزاق قار شاڭعى الاڭى. جالپى ۇزىندىعى 121 كيلومەتر كەلەتىن 80 قار شاڭعى جولى بار. قار شاڭعى الاڭىنىڭ تەڭىز دەڭگەيىنەن ەڭ بيىك جەرى 3100 مەتر، ەڭ ۇلكەن تىك ٴتۇسۋ پارقى 1350 مەتر بولىپ، بۇكىل ەل بويىنشا جەر ءتۇزىلىسى ەڭ باي قار شاڭعى الاڭى دەپ اتالعان.
جىبەك جولى تاۋلى ءوڭىر دەمالىس رايونى ءۇرىمجى قالاسىنىڭ وڭتۇستىگىنەن 38 كيلومەتر قاشىقتىقتا، قار شاڭعى جولىنىڭ اۋدانى ءبىر ميلليون 700 مىڭ شارشى مەتر، جۇڭگونىڭ قار شاڭعى جولى اۋماعى ەڭ ۇلكەن قار شاڭعى دەمالىس رايونى، قىسقى ورتاشا تەمپەراتۋراسى نولدەن تومەن 10 سەلتسي گرادۋس بولىپ بولىپ، ”جۇڭگوداعى ەڭ جىلى قار شاڭعى دەمالىس ورنى“ دەپ اتالعان، قار شاڭعى جولدارى جۇڭگونىڭ ەڭ باسەكەلى قار - مۇز جولى بويىنشا بىرىنشىلىكتى (شۋانزاڭ جولى)، ەكىنشىلىكتى (اي ۋىن جولى)، تورتىنشىلىكتى (ەرەكشە جول) العان.
