بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2024.10.15 13:33 كەلۋ قاينارى : حالىق تورابى
شينجياڭدا كونە تاسىمال جۇك اۆتوكولىكتەرىن كەرەكتەن شىعارۋعا، جاڭالاۋعا قوسىمشا قاراجات بەرىلەدى، شارتقا ۇيلەسەتىن اۆتوكولىكتەرگە ەڭ جوعارى بولعاندا 140 مىڭ يۋان بەرىلەدى.
10 - ايدىڭ 11 - كۇنى تۇستەن كەيىن، شينجياڭ ۇيعۇر اۆتونوميالى رايونى قاتىناس - تاسىمال سالاسىنداعى كەڭ كولەمدى جابدىقتاردى جاڭالاۋ، بانكە مەن كاسىپورىندى ۇشتاستىرۋ ءماجىلىسىن اشتى، مۇنداعى ماقسات ‐ فينانس، قامسىزداندىرۋ قۇرىلىمدارى مەن اۆتوكولىك تاسىمال كاسىپورىندارىنا بايلانىس كوپىرىن سالۋ.
ماجىلىستە كونە جۇك اۆتوكولىكتەردىڭ كەرەكسىز ەتىلۋىنە، جاڭالانۋىنا قوسىمشا قاراجات بەرۋ كولەمى مەن ناقتى ەرەجەسى ايقىندالدى. بيىل 12 - ايدىڭ 31 - كۇننەن بۇرىن، مەرزىمنەن بۇرىن كەرەكسىز ەتىلگەن مەملەكەتتىڭ 3 - دارەجەلى جانە ودان تومەن لاس گاز شىعارۋ ولشەمىندەگى ديزەل ماتورلى جۇك اۆتوكولىكتەرىن (ورتا، اۋىر تيپتەگى) كەرەكتەن شىعارعان، مەرزىمنەن بۇرىن كەرەكتەن شىعارعان ٴارى جاڭادان مەملەكەتتىك 6 – دارەجەلى لاس گاز شىعارۋ ولشەمىندەگى جۇك اۆتوكولىگىن نەمەسە جاڭا ەنەرگيالى جۇك اۆتوكولىگىن ساتىپ العاندارعا، تەك قالانىڭ سۋىق تىزبەگىنە ىستەتىلەتىن شارتقا سايكەس كەلەتىن جاڭا ەنەرگيالى جۇك اۆتوكولىكتەرىن (ورتا، اۋىر تيپتەگى) جاڭادان ساتىپ العاندار كەرەكتەن شىعارىپ جاڭالاسا قوسىمشا قاراجات بەرىلەدى. الدىن الا كەرەكتەن شىعارعان ديزەل موتورلى جۇك اۆتوكولىكتەرىنە ورتا جانە اۋىر تۇرپاتتى اۆتوموبيلدەردىڭ تۇرىنە، سونداي - اق الدىن الا كەرەكتەن شىعارعان تۇرلىشە جىل شەگىنە قاراي 10 مىڭ يۋاننان 45 مىڭ يۋانعا دەيىن قوسىمشا قاراجات بەرىلەدى. جاڭادان ساتىپ الىنعان تاسىمال جۇك اۆتوكولىكتەرىنىڭ ىشىندە مەملەكەتتىڭ 6 – دارەجەلى لاس گاز شىعارۋ ولشەمىندەگى جاڭادان ساتىپ العان ديزەل موتورلى جۇك اۆتوكولىكتەرىنە (ورتا، اۋىر تيپتەگى) بەرىلەتىن قوسىمشا قاراجات سوماسى 25 مىڭ يۋاننان 65 مىڭ يۋانعا دەيىن بولادى، جاڭا ساتىپ الىنعان جاڭا ەنەرگيالى تاسىمال جۇك اۆتوكولىكتەرىنە بەرىلەتىن قوسىمشا قاراجات ولشەمى 35 مىڭ يۋاننان 95 مىڭ يۋانعا دەيىن بولادى.
كونە جۇك اۆتوكولىكتەرىن كەرەكتەن شىعارىپ جاڭالاۋعا قوسىمشا قاراجات بەرىلىپ قانا قالماستان، جاڭادان اۆتوكولىك ساتىپ العاندا، فينانس قامسىزداندىرۋ قۇرىلىمدارى مەن اۆتوكولىك ساتاتىن كاسىپورىندار دا سايكەستى قارىز اقشا بەرىپ قولداۋ كورسەتەدى جانە اۆتوكولىك ساتىپ الۋعا تيىمدىلىك جاسايدى.
كەلۋ قاينارى: حالىق تورابى
