چاۋشيان كورەيا ارمياسىنىڭ چاۋشياننىڭ اۋە كەڭىستىگىنە سۇعاناقتىق جاساۋ ۋاقيعاسىنا جاۋاپتى ەكەنىن تۇراقتاندىردىق دەگەندى ايتتى

شينحۋا اگەنتتىگىنىڭ 10 – ايدىڭ 15 – كۇنى سەۋلدەن بەرگەن حابارى. چاۋشيان ورتالىق اگەنتتىگىنىڭ 10 – ايدىڭ 15 – كۇنى بەرگەن حابارىنا قاراعاندا، چاۋشيان ەڭبەك پارتياسى ورتالىق كوميتەتىنىڭ ورىنباسار كوميتەت باستىعى جين يۇيجىڭ سول كۇنى مالىمدەمە جاريالاپ بىلاي دەدى: ”كورەيا ارمياسى چاۋشياننىڭ استاناسىنىڭ اۋە كەڭىستىگىنە سۇعاناقتىق جاساپ، ۇقىققا سۇعاناقتىق جاساۋ ارانداتۋ ارەكەتىن تۋدىرۋشى. بۇل جونىندە ءبىز شىنايى دالەل - سىپات يگەردىك. ارانداتۋشىلار، ءسوزسىز، اۋىر بوداۋ بەرەدى“.

چاۋشيان ورتالىق اگەنتتىگىنىڭ 10 - ايدىڭ 15 – كۇنى ەرتەرەك بەرگەن حابارىنا قاراعاندا، چاۋشيان ەڭبەك پارتياسىنىڭ باس شۋجيى، مەملەكەت ىستەرى كوميتەتىنىڭ باستىعى جين جىڭىن 10 - ايدىڭ 14 - كۇنى مەملەكەت قورعانىسى جانە حاۋىپسىزدىك ءماجىلىسىن اشقان، سونداي - اق ماجىلىستە چاۋشيان جاقتىڭ ”قاتاڭ ساياسي، اسكەري تۇرعىسىن“ بايىمداعان.

چاۋشيان سىرتقى ىستەر مينيسترلىگى كەشتە مالىمدەمە جاريالاپ، كورەيانىڭ ۇشقىشسىز ۇشاعىنىڭ چاۋشياننىڭ اۋە كەڭىستىگىنە سۇعاناقتىق جاساعاندىعىن جازعىرىپ، بۇل اۋىر قىلمىستىق ارەكەت دەدى. كورەيا قورعانىس مينيسترلىگىنىڭ ءمانساپتىسى جين لۇڭشيان سول كۇنى كورەيا ارمياسىنىڭ چاۋشيانعا ۇشقىشسىز ۇشاق جىبەرمەگەندىگىن ايتتى.

كەلۋ قاينارى: حالىق تورابى