مەملەكەت بويىنشا اۋىل -  قىستاقتاردا قۇمار ويناۋعا سوققى بەرۋ جانە ونى جونگە سالۋ قىزمەتى جونىندەگى جۇمىس باسىنداعى ءماجىلىس اشىلدى 

حالىق تورابىنىڭ تىلشىلەرى لياڭ چيۋپيڭ، حاۋ پيڭ 10 – ايدىڭ 12 – كۇنى حابارلايدى. قوعام حاۋىپسىزدىگى مينيسترلىگىنىڭ اماندىق قورعاۋدى باسقارۋ مەڭگەرمەسى ورتالىق كوميتەتتىڭ ۇگىت بولىمىندەگى، ورتالىق كوميتەتتىڭ ساياسي – زاڭ كوميتەتىندەگى، ءادىليا مينيسترلىگىندەگى، اۋىل شارۋاشىلىعى جانە اۋىل – قىستاق مينيسترلىگىندەگى، مادەنيەت جانە ساياحات مينيسترلىگىندەگى، مەملەكەتتىك دەنە تاربيە باس مەڭگەرمەسىندەگى قاتىستى مەڭگەرمە – مەكەمەلەرمەن بىرگە جىجياڭ ولكەسىنىڭ نيڭبو قالاسىندا مەملەكەت بويىنشا اۋىل – قىستاقتاردا قۇمار ويناۋعا سوققى بەرۋ جانە ونى جونگە سالۋ قىزمەتى جونىندەگى جۇمىس باسىنداعى ءماجىلىستى اشىپ، تيپتىك تاجىريبەلەر مەن ادىستەردى قورىتىندىلادى جانە جالپىلاستىردى، اۋىل – قىستاقتاردا قۇمار ويناۋعا ىشكەرىلەي سوققى بەرۋ جانە ونى جونگە سالۋ، اۋىل – قىستاقتى جاپپاي گۇلدەندىرۋدى ىلگەرىلەتۋگە حاۋىپسىز دە ورنىقتى الەۋمەتتىك اماندىق قورعاۋ ورتاسىن جاراتۋ قىزمەتى جونىندە ورنالاستىرۋ جاسادى.

تانىستىرۋعا قاراعاندا، جۋىرداعى جىلداردان بەرى، جەر – جەردەگى قوعام حاۋىپسىزدىگى ورگاندارى ”پاكتىك ستيلى“ جەلىلەس ارناۋلى ارەكەتىن ۇزدىكسىز ىشكەرىلەي ىلگەرىلەتىپ، اۋىل – قىستاقتاعى قۇمار ويناۋ سىندى زاڭعا قايشى قىلمىستىق ارەكەتتەرگە قاتاڭ سوققى بەرۋ، ونى قاتاڭ جونگە سالۋ جاعىنداعى جوعارى قىسىمدى كۇيدى ساقتاۋ نەگىزىندە، پارتكوم ۇگىت ءبولىمى، ساياسي – زاڭ كوميتەتى جانە ءادىليا، اۋىل شارۋاشىلىعى جانە اۋىل – قىستاق، مادەنيەت جانە ساياحات، دەنە تاربيە قاتارلى جاقتارداعى تاراۋلارمەن بەلسەندى سەلبەسىپ، حالىق جۇرتشىلىعىنىڭ اڭىسى كۇشتى بولعان اۋىل – قىستاقتاعى قۇمار ويناۋ ماسەلەسىنە نازاردى شوعىرلاندىرىپ، ساقتانۋ مەن جونگە سالۋدى ۇزدىكسىز تەرەڭدەتىپ، كەزەڭدىك ونىمدىلىككە قول جەتكىزدى. جىل باسىنان بەرى، اۋىل – قىستاقتاردا قۇمار ويناۋعا سوققى بەرۋ جانە ونى جونگە سالۋ قىزمەتىندە ”ەكىنىڭ سانى ارتۋ، ەكىنىڭ سانى ازايۋ“ سىندى بەتالىس جارىققا شىقتى، اتاپ ايتقاندا، اۋىل – قىستاقتاعى سوققى بەرىلگەن قۇمار ويناۋ توبىنىڭ سانى، زاڭعا قايشىلىق جاساعان قىلمىس كۇماندىلارىنان قولعا تۇسىرىلگەندەردىڭ سانى سايكەستى مەزگىلدەگىدەن ارتقان، ەلىمىز بويىنشا اۋىل – قىستاقتاردا قۇمار ويناۋعا قاتىستى قىلمىستىق ىستەر دەلوسىنىڭ سانى، حاۋىپتى جاعدايدىڭ سانى ۇزدىكسىز ازايعان، اۋىل – قىستاقتاعى قۇمار ويناۋعا قاتىستى زاڭعا قايشى قىلمىستىق ىستەر بەلگىلى دەڭگەيدە تەجەلگەن، اۋىل – قىستاقتاعى قوعامدىق ستيل مەن اماندىق قورعاۋ ورتاسى ۇزدىكسىز جاقسارعان.

كەلۋ قاينارى: حالىق تورابى