شينجياڭ حىجيڭ اۋدانىندا توسىننان قارلى بۇرقاسىن بولىپ، ءىشىنارا جولدارداعى قاردىڭ قالىڭدىعى 10 سانتيمەترگە جەتتى

10 – ايدىڭ 17 – كۇنى ساعات 17 دەن باستاپ سۋىق اۋانىڭ اسەرىنەن، شينجياڭ حىجيڭ اۋدانىنىڭ سولتۇستىك بولەگىندەگى تاۋلى رايونداردا توسىننان قارلى بۇرقاسىن بولىپ، ءبىر ءبولىم جول بولەكتەرىندە قاتتى بوراننىڭ قاردى ۇردەۋىنەن (جەل كۇشى 8 دە 10 بالعا جەتتى) كورىنۋ دارەجەسى 20 مەترگە جەتپەي قالدى، جولعا قار – مۇز قاتىپ، جولداعى قاردىڭ قالىڭدىعى 10 سانتيمەترعا جەتكەندىكتەن، وڭتۇستىك شينجياڭ مەن سولتۇستىك شينجياڭدى جالعايتىن كۇرە تامىر بولعان مەملەكەتتىك تاسجول 218 - جەلىسىنىڭ 412 كيلومەتردەن 442 كيلومەترگە (اكىن اسۋى) دەيىنگى جول بولەگىندە اۆتوكولىك قاتىناۋ شارت – جاعدايى بولماي قالعان.

حىجيڭ اۋداندىق قوعام حاۋىپسىزدىگى مەكەمەسى قاتىناس ساقشى ۇلكەن اترەتى قار - مۇز اۋا رايى جاعدايىنا قاراتا ناشار اۋا رايىنا شۇعىل توتەپ بەرۋ جوباسىن اتقارىپ، ساقشى كۇشىن بەلسەنە ورنالاستىردى ءارى قوس باعىتتا قاتىناس باسقارۋ شاراسىن قولداندى، سونىمەن بىرگە، تاسجول، اۋا رايى، اقپارات قۇرالدارى سياقتى تاراۋلارمەن بىرلەسىپ، قاتىناستى سايكەستىرۋ، ساقتاندىرۋ، ەسكەرتۋ قىزمەتىن ويداعىداي ىستەپ، بۇقارانىڭ ءجۇرىس - تۇرىس حاۋىپسىزدىگىن بار كۇشپەن قامتاماسىزداندىردى.

ساقتىق سيگنالىن بەرۋ، باسقارۋ دەر كەزىندە ىسكە قوسىلعاندىقتان، قاراستى رايوندا ناشار اۋا رايى سەبەبىنەن تۋىلعان قاتىناس شىرعالاڭى جانە اۆتوكولىكتەردىڭ، ادامداردىڭ قامالىپ قالۋ جاعدايى بولمادى.

كەلۋ قاينارى: حالىق تورابى