بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2024.10.17 10:37 كەلۋ قاينارى : حالىق تورابى
بيىل شينجياڭدا نەگىزدىك الەۋمەتتىك دەنساۋلىق ساقتاۋعا قىزمەت وتەۋدەگى شىعىمعا قاتىستى قوسىمشا قاراجاتتىڭ كىسى باسىنا شاققانداعى مولشەرى 2023 – جىلعى 89 يۋان نەگىزىندە تاعى 5 يۋان ارتتىرىلىپ، 94 يۋانعا جوعارىلاتىلدى.
شينجياڭ ۇيعۇر اۆتونوميالى رايوندىق دەنساۋلىق ساقتاۋ – سالاماتتىق كوميتەتى تورابىنىڭ حابارلاۋىنشا، اۆتونوميالى رايوندىق دەنساۋلىق ساقتاۋ – سالاماتتىق كوميتەتى مەن اۆتونوميالى رايوندىق قازىنا مەڭگەرمەسى بىرگە «2024 – جىلعى الەۋمەتتىك دەنساۋلىق ساقتاۋعا قىزمەت وتەۋدى ويداعىداي ىستەۋ جونىندەگى ۇقتىرۋدى» باسىپ تاراتقان.
«ۇقتىرۋدا» مىنالار ايقىندالعان: قوسىمشا قاراجاتتىڭ كىسى باسىنا شاققانداعى ولشەمىن ۇزدىكسىز جوعارىلاتۋ كەرەك. 2024 – جىلى نەگىزدىك الەۋمەتتىك دەنساۋلىق ساقتاۋعا قىزمەت وتەۋدەگى شىعىمعا قاتىستى بەرىلەتىن قوسىمشا قاراجاتتىڭ كىسى باسىنا شاققانداعى ولشەمى 94 يۋانعا جوعارىلاتىلادى. جاڭادان ارتقان قاراجات پەن 2020 — 2023 – جىلدار ارالىعىندا ارتقان نەگىزدىك الەۋمەتتىك دەنساۋلىق ساقتاۋعا قىزمەت وتەۋ سالاسىنداعى قازىنالىق قوسىمشا قاراجاتتى قارتتار، جوعارى قان قىسىمى جانە 2 – تيپتى قانتتى نەسەپ اۋرۋى قاتارلى سوزىلمالى اۋرۋى بار ناۋقاستار، اۋىل – قىستاقتاعى ايەلدەر اراسىنداعى ”ەكى ءتۇرلى راكتى“ تەكسەرتۋشىلەر قاتارلى تيىمدىلىككە كەنەلۋشىلەردىڭ كولەمىن كەڭەيتۋ قاتارلى جاقتارعا جۇمساۋ جالعاستىرىلادى.
2024 – جىلدان باستاپ، يممۋنيتەت جوسپارىنداعى ۆاكسينا ەكتىرۋگە قاتىستى قوسىمشا قاراجاتتى تاراتۋ ولشەمى ءبىر دوزاسىنا 10 – 12 يۋانعا رەتتەلەدى. سونىمەن بىرگە، تۋبەركۋلەز اۋرۋىنان ساقتانۋ جانە ونى ەمدەۋ قىزمەتىنىڭ ساپاسى جوعارىلاتىلىپ، كۇماندى ناۋقاستاردى ەمحانا جوتكەۋگە تانىستىرۋعا قاتىستى قوسىمشا قاراجات ءبىر ادامعا 80 يۋانعا رەتتەلەدى؛ جالپىلىق ەمدەۋ بويىنشا ەمدەلگەن ناۋقاستاردىڭ (ەتيولوگيالىق ناتيجەسى بولىمدى بولعان، ەتيولوگيالىق ناتيجەسى بولىمسىز بولعان جانە قىسقا مەرزىمدىك ەمدەلۋدى قابىلداعان ەتيولوگيالىق ناتيجەسى جوق ناۋقاستاردى قامتيدى)، ۇزاق مەرزىم ەمدەلەتىن ناۋقاستار جانە كوپ ءتۇرلى دارىگە ءتوزىمدى اۋرۋعا شالدىققان ناۋقاستاردىڭ جاعدايىن ءبىلۋ جانە ولاردى باسقارۋعا قاتىستى قوسىمشا قاراجات ولشەمى ايىنا 150 يۋانعا رەتتەلگەن. جاڭادان ارتقان سوزىلمالى توسىلمالى وكپە اۋرۋىنا شالدىققان ناۋقاستاردىڭ سالاماتتىعىنا قىزمەت وتەۋ نىسانىنا قاتىستى قوسىمشا قاراجات ولشەمىن بەرۋدە ءاربىر ناۋقاسقا جىلىنا 200 يۋاندىق ولشەمدى ويلاستىرۋعا بولادى.
كەلۋ قاينارى: حالىق تورابى
