وسى اپتادا بۇكىل شينجياڭنىڭ باسىم كوپ ءبولىم وڭىرلەرىندە كۇن كەيدە اشىق، كەيدە بۇلتتى بولادى

ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا (10 – ايدىڭ 21 – كۇنىنەن 27 – كۇنىنە دەيىن) بۇكىل شينجياڭنىڭ باسىم كوپ وڭىرلەرىندە كۇن كەيدە اشىق، كەيدە بۇلتتى كوپ بولىپ، جەل كۇشى زور بولمايدى. وسى مەزگىلدە، ءبىر رەت ءالسىز سۋىق اعىس شينجياڭعا ىقپال جاساپ، تەمپەراتۋرا ءسال تومەندەيدى.

10 - ايدىڭ 23 - كۇنى كۇندىزدەن 24 - كۇنى تۇنگە دەيىن سولتۇستىك شينجياڭنىڭ باسىم كوپ بولەگى، وڭتۇستىك شينجياڭنىڭ باتىس بولىگىندەگى تاۋلى وڭىرلەر، بايىنعولين وبلىسىنىڭ سولتۇستىگىندەگى تاۋلى وڭىرلەر قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى، مۇنىڭ ىشىندە ىلە اڭعارى، بۇراتالا وبلىسىنىڭ باتىس بولىگى، تارباعاتاي ايماعىنىڭ سولتۇستىك بولەگى، التاي ايماعىنىڭ سولتۇستىك بولەگى، شىعىس بولەگى، وڭتۇستىك شينجياڭنىڭ باتىسىنداعى تاۋلى رايوندار قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ جاڭبىر نەمەسە قار جاۋادى، تاۋلى وڭىرلەردىڭ ءىشىنارا جەرلەرىندە قالىڭ قار جاۋادى. جوعارىدا ايتىلعان كوپ ءبولىم وڭىرلەر مەن شىعىس شينجياڭدا باتىس سولتۇستىكتەن 5 بال اينالاسىندا جەل سوعادى، جەل وتتەرىندەگى جەل كۇشى 10 بالعا جەتەدى.

10 ـ ايدىڭ 23 ـ كۇنى كۇندىزدەن 24 – كۇنى كۇندىزگە دەيىن ىلە اڭعارى، بۇراتالا وبلىسىنىڭ باتىس بولەگىندەگى تاۋلى وڭىرلەر، تارباعاتاي ايماعىنىڭ سولتۇستىك بولەگىندەگى تاۋلى وڭىرلەر، التاي ايماعىنىڭ سولتۇستىك بولەگىندەگى، شىعىس بولەگىندەگى تاۋلى وڭىرلەردەگى جالپى قار مولشەرى زور بولىپ، تاۋلى وڭىردەگى قالىڭ قاردىڭ جول قاتىناسى، ەگىن، مال شارۋاشىلىق ءوندىرىسى، ساياحات سياقتىلارعا ءتيىمسىز ىقپالىنان ساقتانۋ قاجەت.

شينجياڭ اۋىل شارۋاشىلىق اۋا رايى ستانسياسىنىڭ ەسكەرتۋىنشە، وسى اپتادا اۋا رايى شارت ـ جاعدايى بۇكىل شينجياڭنىڭ باسىم كوپ جەرىندەگى ەگىن، مال شارۋاشىلىق وندىرىسىنە ءبىرشاما ءتيىمدى. سولتۇستىك شينجياڭداعى ەگىنشىلىك رايوندارى ءتيىمسىز اۋا رايىنان اۋلاق بولىپ، كۇزگى داقىلداردى جيناۋدى جانە كەپتىرۋدى مىقتى يگەرۋ، سونداي - اق ەگىس اتىزدارىن كۇزدە اۋدارىپ، قىستا سۋارۋدى دەر كەزىندە ورىستەتۋ، قۇرىلعىلى اۋىل شارۋاشىلىعىندا بوراننان ساقتانىپ، بەكەمدەۋ قىزمەتىن جاقسى ىستەۋ كەرەك. مال شارۋاشىلىق رايوندارى مالدىڭ سۋىقتان ساقتانۋ، جىلۋ ساقتاۋ جانە ۇستەپ ازىقتاندىرۋ قىزمەتىن كۇن ىلگەرى جاقسى ىستەپ، كوشى - قون قارقىنىن ۇيلەسىمدى ورنالاستىرۋ كەرەك.

كەلۋ قاينارى: حالىق تورابى