بيىكتەن زات لاقتىرىپ، جولدان وتكەن ادامدى ۇرىپ ولتىرگەن جوۋ X كە ءولىم جازاسى اتقارىلدى 

ءتىلشىنىڭ بۇگىن سوت مەكەمەسىنەن ۇعىسۋىنشا، ەڭ جوعارى حالىق سوتى مەكەمەسى ايىپكەر جوۋ X تىڭ حاۋىپتى تاسىلمەن الەۋمەتتىك حاۋىپسىزدىككە زيان جەتكىزگەندىكتەن ءولىم جازاسىنا ۇكىم ەتىلگەنىن قايتا قاراۋ دەلوسىنا زاڭ بويىنشا كەسىم شىعارىپ، جوۋ X تى ءولىم جازاسىنا ۇكىم ەتۋدى تۇراقتاندىرىپ، دەرەۋ اتقاراتىن بولدى. ەڭ جوعارى حالىق سوتى تۇسىرگەن ءولىم جازاسىن قايتا قاراۋ كەسىمىنە نەگىزدەلگەندە، جوۋ X كە ءولىم جازاسى بۇگىن اتقارىلادى.

2023 – جىلى 6 – ايدا، جيلين ولكەسى چاڭچۇن قالاسىنداعى كەشكى بازارداعى جەڭىل تاعامدار كوشەسىندە 28 جاستاعى شياۋلوۋ ەسىمدى بويجەتكەنگە جوۋ X بيىكتەن لاقتىرعان كەرپىش ءتيىپ، شياۋلوۋ باقىتقا قارسى قازا بولادى. كەرپىش لاقتىرعان ەر ادام وسىنىڭ الدىندا دا بيىك قابات ۇيدەن سىرتقا قاراي 5 ليترلىك سۋ قۇيىلعان ەكى شەلەكتى، قاقپاعى اشىلماعان ءۇش بوتەلكە كولانى لاقتىرىپ، بۇل زاتتار ەكى ادامعا تيگەن. سول جىلى 12 – ايدىڭ 13 – كۇنى، چاڭچۇن قالالىق حالىق سوتى مەكەمەسى جوۋ X تى ءولىم جازاسىنا ۇكىم ەتىپ، ساياسي ۇقىعىنان ومىرلىك ماحرۇم ەتكەن؛ ونى زياندالۋشىنىڭ وتباسىنداعىلارعا جەرلەۋ اقىسى قاتارلى قاراجاتتار رەتىندە 40 مىڭ يۋاننان استام تولەم بەرۋگە بۇيىرعان.

كەلۋ قاينارى: حالىق تورابى