بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2024.10.22 12:19 كەلۋ قاينارى : حالىق تورابى
10 – ايدىڭ 18 – كۇنى، سىرتقى ىستەر مينيسترلىگىنىڭ مالىمدەمەشىسى ماۋ نيڭ كەزەكتى تىلشىلەر جينالىسىن باسقاردى. ءبىر ءتىلشى ا ق ش – تىڭ تاياۋدا ۋكراينا ماسەلەسىنەن پايدالانىپ جۇڭگو كاسىپورىندارىن جازالاۋىنا قاتىستى مازمۇندار جونىندە سۇراۋ قويدى.
ماۋ نيڭ بىلاي دەدى: جۇڭگو ا ق ش ـ تىڭ جۇڭگو كاسىپورىندارىن زاڭسىز سىڭار جاقتى جازالاۋىنا باتىل قارسى تۇرادى، ا ق ش ـ تىڭ قيسىنسىز جازعىرۋى مەن قىسىم جاساۋىن استە قابىلدامايدى. مەن مىنانى باسا دارىپتەيمىن: جۇڭگو ۋكراينا داعدارىسىن تۋدىرۋشى جانە ىسكە قاتىستى جاق ەمەس، باستان ـ اياق تاتۋلىققا ءناسيحاتتاپ، كەلىسسوزدى جەبەۋگە تاباندى بولىپ، ساياسي جولمەن شەشۋدى ىلگەرىلەتۋدە سىندارلى رول اتقارادى.
جۇڭگو رەسەي مەن ۋكراينا قاقتىعىسىنداعى ءارقانداي ءبىر جاقتى جان العىش قارۋمەن قامداپ كورگەن ەمەس، ارميا مەن حالىق بىردەي پايدالاناتىن زاتتاردى، جۇيەدەن ۇشقىشسىز ۇشاقتاردى ەكسپورت ەتۋدى قاتاڭ باسقارىپ - تىزگىندەپ، حالىقتىق ۇشقىشسىز ۇشاقتاردى اسكەري ىستەرگە پايدالانۋعا قارسى تۇردى. ءبىز ا ق ش - تى ۋكراينا ماسەلەسىنەن پايدالانىپ جۇڭگو جاققا كۇيە جاعىپ قىسىم جاساۋدى، جۇڭگونىڭ ناقتى تۇلعاسى مەن جەكە ادامدارىنا زاڭسىز سىڭار جاقتى جازالاۋ مەن قاراستىلىعىنان القىپ باسقارۋ شاراسىن قولدانۋدى دەرەۋ توقتاتۋعا قۋزايمىز. جۇڭگو جاق بارلىق قاجەتتى شارالاردى قولدانىپ، جۇڭگو كاسىپورىندارى مەن ازاماتتارىنىڭ ورىندى، زاڭدى ۇقىق - مۇددەسىن باتىل قورعايدى.
كەلۋ قاينارى: حالىق تورابى
