مەملەكەتتىك ءدارى – دارمەكتى باقىلاۋ – باسقارۋ مەڭگەرمەسى 49 توپتاعى بەزەنۋ بۇيىمدارىنىڭ بەلگىلەمەگە ۇيلەسپەيتىنىن تۇراقتاندىردى 

جۇڭگو اقپارات تورابىنىڭ 10 – ايدىڭ 22 – كۇنى بەرگەن حابارى. مەملەكەتتىك ءدارى – دارمەكتى باقىلاۋ – باسقارۋ مەڭگەرمەسى تورابىنىڭ حابارلاۋىنشا، مەملەكەتتىك ءدارى – دارمەكتى باقىلاۋ – باسقارۋ مەڭگەرمەسى جۋىردا بەلگىلەمەگە ۇيلەسپەيتىن 49 توپتاعى بەزەنۋ بۇيىمدارى جونىندەگى ۇقتىرۋدى (2024 – جىلعى 40 – ءنومىرلى) جاريالاعان. ناقتى مازمۇنى مىناداي:

مەملەكەت بويىنشا 2024 – جىلى بەزەنۋ بۇيىمدارىنان ۇلگى الىپ تەكسەرۋ جۇرگىزۋ قىزمەتى بارىسىندا، فۋجيان ولكەلىك ازىق – تۇلىك، ءدارى – دارمەك ساپاسىن تەكسەرۋ – زەرتتەۋ مەكەمەسى قاتارلى ورىندار تەكسەرۋ جۇرگىزۋ ارقىلى ءونىم بەلگىسىنە گۋاڭجوۋ شيەحى بيولوگيالىق ءدارى – دارمەك عىلىم – تەحنيكا شەكتى سەرىكتەستىگى وندىرگەن دەپ جازىلعان بانشياۋجياڭ تەرىنى اعارتۋ جانە كۇنگە قاقتالۋدان ساقتانۋ سۇيىقتىعى قاتارلى 49 توپتاعى (رەت) بەزەنۋ بۇيىمداردىڭ بەلگىلەمەگە ۇيلەسپەيتىنىن بايقاعان.

«بەزەنۋ بۇيىمدارىن باقىلاۋ – باسقارۋ ەرەجەسى»، «بەزەنۋ بۇيىمدارىن ءوندىرۋ – تيجارات ەتۋدى باقىلاۋ – باسقارۋ ءادىسى»، «بەزەنۋ بۇيىمدارىنان ۇلگى الىپ تەكسەرۋ جۇرگىزۋدى باسقارۋ ءادىسى» قاتارلى بەلگىلەمەلەرگە ساي، مەملەكەتتىك ءدارى – دارمەكتى باقىلاۋ – باسقارۋ مەڭگەرمەسى شاڭحاي قالاسىنداعى، گۋاڭدۇڭ ولكەسىندەگى، يۇننان ولكەسىندەگى ءدارى – دارمەكتى باقىلاۋ – باسقارۋ تاراۋلارىنان اتالعان بەلگىلەمەلەرگە ۇيلەسپەيتىن بەزەنۋ بۇيىمدارىنا قاتىستى تىزىمگە الدىرۋشىنىڭ، ەستەلىككە الدىرۋشىنىڭ، اماناتتاپ تاپسىرۋ بويىنشا وندىرگەن كاسىپورىننىڭ ۇستىنەن زاڭ بويىنشا دەلو تۇرعىزىپ، قاتىستى كاسىپورىنداردى زاڭ بويىنشا حاۋىپ – قاتەردى تەجەۋ شارالارىن اتقارۋعا ءارى وزدەرىن رەتكە سالۋعا جانە وزگەرتۋگە بۇيىرۋدى تالاپ ەتكەن. ءارقايسى ولكەلەردەگى (اۆتونوميالى رايون، توتە قاراستى قالا) ءدارى – دارمەكتى باقىلاۋ – باسقارۋ تاراۋلارى قاتىستى بەزەنۋ بۇيىمدارىن تيجارات ەتۋشىلەردى اتالعان بەزەنۋ بۇيىمدارىن تيجارات ەتۋدى توقتاتۋعا، زات كىرگىزگەن كەزدەگى تەكسەرۋ ەستەلىگى قاتارلى جاعدايلاردى زاڭ بويىنشا انىقتاۋعا، زاڭعا قايشى ونىمدەردىڭ تەگىن تەكتەۋگە؛ زاڭعا قايشى ارەكەتتەر بايقالسا، زاڭ بويىنشا قاتاڭ انىقتاپ ءبىرجاقتى ەتۋگە؛ قىلمىس كۇمانىن قالىپتاستىرعانداردى زاڭ بويىنشا قوعام حاۋىپسىزدىگى ورگاندارىنا جوتكەپ بەرۋگە بۇيىرادى.

ارنايى وسى ۇقتىرۋ شىعارىلدى.

كەلۋ قاينارى: حالىق تورابى