ساقشىعا مالىمدەگەننەن كەيىن قولفوننىڭ توگى تاۋسىلعان! حالىق ساقشىلارى 20 نەشە كيلومەتر جول باسىپ، ونى جانە قويلارىن ىزدەپ تاپتى

10 - ايدىڭ 18 - كۇنى ساعات 19 دان 30 مينۋت وتكەندە، شىڭگىل اۋداندىق قوعام حاۋىپسىزدىگى مەكەمەسىنىڭ اقدالا ساقشى بولىمشەسى بۇقارا چۇي *تىڭ شۇعىل كومەك سۇراۋ تەلەفونىن تاپسىرىپ الادى. ” ساقشى بولىمشەسى مە؟ قويلارىمدى ايداپ بارا جاتقانىمدا جولدان اداسىپ قالدىم، قولفونىمدا توك قالمادى، مەنى قۇتقارىڭدار!“ تەلەفوندى قابىلداعان ساقشى ماڭايىنداعى جەر بەلگىلەرىن ەگجەي-تەگجەيلى سۇراۋعا ۇلگىرمەي جاتىپ، قارسى جاقتىڭ تەلەفونىنىڭ سوندىرىلگەندىگىن بايقايدى.

سول كەزدە اقدالا قالاشىعىندا جاڭبىر ارالاس قار جاۋعانىنا ءبىر كۇن بولعان، كەشتە تەمپەراتۋرا كۇرت تومەندەپ، دالانى تۇمان باسقان بولاتىن.

شىڭگىل اۋداندىق قوعام حاۋىپسىزدىك مەكەمەسىى اقدالا ساقشى بولىمشەسىنىڭ ورىنباسار باستىعى بولات قابدوللا جاعدايدان حابار تاپقاننان كەيىن، دەرەۋ ارەكەت قولداندى. ءبىر جاعىنان، چۇي *تىڭ ۇيىندەگىلەرمەن بايلانىس جاساپ، ولاردىڭ مال جاياتىن جەرلەرىن سۇراسا، ەندى ءبىر جاعىنان، ءوزى توپ باستاپ قاراستى رايونداعى مالشىلار ۇنەمى جۇرەتىن كوش جولىنان ىزدەۋگە شىعادى.

كوپ وتپەي، چۇي *تىڭ ۇيىندەگىلەر ونىڭ مال جاياتىن جولىن ايتىپ بەرەدى. الايدا چۇي *تىڭ قاي جەردە جولدان بۇرىلىپ كەتكەندىگى بەلگىسز، ىزدەۋ - قۇتقارۋ گرۋپپاسى الما-كەزەك جاياۋ ءجۇرۋ جانە اۆتوكولىككە وتىرۋ تاسىلىمەن ەكى ساعات ىزدەۋ-قۇتقارۋ جۇرگىزگەنىمەن، ەشقانداي ناتيجە بولمايدى. سونىمەن ىزدەۋ-قۇتقارۋ گرۋپپاسى باسقا امال ويلاسىپ، اگدالا قالاشىعىنىڭ باتىس وڭتۇستىگىندەگى كوكتوعاي اۋدانى قىزىلشىلىك اۋىلىنا قاراي ىزدەۋ-قۇتقارۋ جۇرگىزۋدى ۇيعارادى. شىن ەڭبەكتىك ءتاتتى جەمىسى بولادى دەمەكشى، ىزدەۋ - قۇتقارۋ گرۋپپاسى ءۇرتىس 5 ساعات بويى ىزدەۋ ارقىلى 20 نەشە كيلومەتر جول باسقاننان كەيىن، كوكتوعاي اۋدانى قىزىلشىلىك اۋىلىنىڭ شىعىس جاعىنداعى ءشول دالادان چۇي * پەن ونىڭ قويلارىن تاۋىپ الادى. حالىق كومەكشى ساقشىلارى چۇي *تى دەرەۋ اۆتوكولىككە اپارىپ جىلتادى، ىلە-شالا 15 شاقىرىم جاياۋ ءجۇرىپ، قويلارىن كوكتوعاي اۋدانى قىزىلشىلىك اۋىلىنداعى ءبىر اق ەدىل مالشىنىڭ ۇيىنە جەتكىزىپ بەرەدى.

70 نەشە قويدىڭ جىلى قوراعا كىرگەنىن كورگەن چۇي * كوزىنە ىستىق جاس الىپ: ”سىزدەرگە كوپ راحىمەت! ەگەر سىزدەر بولماساڭىزدار، مەن تالاي جىل جاپا-ماشاقاتپەن باققان قويلارىمنان ايىرىلىپ قالاتىن ەدىم، مەن دە وسى ءشول دالادا ءولۋىم مۇمكىن ەدى.“. - دەدى.

كەلۋ قاينارى: حالىق تورابى