ەڭ جوعارى بولعاندا 200 مىڭ يۋان سيلىق بەرىلەدى! شينجياڭ ەمدەۋدى قامسىزداندىرۋ سالاسىنداعى زاڭ – تۇزىمگە قايشى ىستەردىڭ دەرەكتەرىن اشىق جينايدى 

حالىق تورابىنىڭ ءتىلشىسى حان تيڭ 10 – ايدىڭ 22 – كۇنى حابارلايدى. ەمدەۋدى قامسىزداندىرۋ جاعىنداعى ىىستەر كىشى - گىرىم ءىس ەمەس، حالىقتىڭ ءىسى جۇرەكتە بولۋ كەرەك. حالىق جۇرتشىلىعىنىڭ باقىلاۋ رولىن تولىق ساۋلەلەندىرۋ، ەمدەۋدى قامسىزداندىرۋ سالاسىنداعى الدامكوستىك ىستەپ، ەمدەۋدى قامسىزداندىرۋ قاراجاتىن الداپ الۋ ارەكەتىنە قاتاڭ سوققى بەرۋ ءۇشىن، شينجياڭ ۇيعۇر اۆتونوميالى رايوندىق ەمدەۋدى قامتاماسىزداندىرۋ مەكەمەسى جۋىردا حالىق تورابىنىڭ ”باسشىلارعا ءسوز قالدىرۋ تاقتاسى“ ارقىلى ەمدەۋدى قامسىزداندىرۋ جاعىنداعى زاڭ – تۇزىمگە قايشى ارەكەتتەردىڭ دەرەكتەرىن اشىق جيناۋدى ورىستەتتى، سونىمەن بىرگە، بارشا جۇرتشىلىقتىڭ ەمدەۋدى قامسىزداندىرۋ جاعىنداعى مامىلەگە ساياتىن ساياساتتار، تۋىت قامسىزداندىرۋى، ەمدەۋدى قامسىزداندىرۋدى ءبىتىرۋ جاعىندا قىزمەت وتەۋ، ءدارى – دارمەك باعاسى، مەردىگەر شاقىرۋ جانە ساتىپ الۋ قاتارلى جاقتارداعى ۇسىنىس – پىكىرىن جيناپ، ەمدەۋدى قامسىزداندىرۋ جاعىنداعى حالىققا ءتيىمدى ساياساتتاردى تياناقتاندىرۋدى اناعۇرلىم ىلگەرىلەتىپ، حالىق جۇرتشىلىعىنىڭ تابىس سەزىمىنىڭ اناعۇرلىم جاقسارۋىنا، باقىت سەزىمىنىڭ اناعۇرلىم باياندى بولۋىنا، حاۋىپسىزدىك سەزىمىنىڭ اناعۇرلىم قامتاماسىزداندىرىلۋىنا شارت – جاعداي ازىرلەيدى.

ەمدەۋدى قامسىزداندىرۋ جاعىندا زاڭ – تۇزىمگە قايشى ىستەردىڭ دەرەكتەرىن جيناۋدا مىنالار ايقىن تۇراقتاندىرىلعان: بەلگىلەنگەن ەمدەۋ قۇرىلىمىنىڭ باسقالاردى بىرەۋدىڭ اتىن جامىلۋ نەمەسە جالعاندىق ىستەۋ ارقىلى ەمدەلۋگە، ءدارى – دارمەك ساتىپ الۋعا، جالعان ىسپات ماتەريالدارىن تاپسىرۋعا شىرعالاعانى، وعان سەلبەسكەنى، نەمەسە باسقالارمەن استاسىپ، قاراجات تالونىن جالعاننان جاساعانى، ەمدەۋدى قامسىزداندىرۋ قورىنان قاراجات الداپ العانى قاتارلى زاڭعا قايشى ارەكەتتەردى اشكەرەلەگەن جاعدايدا، تەكسەرۋ ارقىلى شىندىق ەكەنى دالەلدەنسە، اشكەرەلەۋشىگە ەڭ كوپ بولعاندا 200 مىڭ يۋان اشكەرەلەۋ سيلىعى بەرىلەدى. بوتەن نيەتپەن اشكەرەلەگەندەردىڭ، باسقالارعا كۇيە جاعىپ، جالا جاپقانداردىڭ زاڭدىق جاۋاپكەرشىلىگى قۋزاستىرىلادى.

سونىمەن بىرگە، شينجياڭ ۇيعۇر اۆتونوميالى رايوندىق ەمدەۋدى قامسىزداندىرۋ مەكەمەسى اۆتونوميالى رايوندىق، سونداي – اق، ايماق – وبلىستارداعى، قالالارداعى ەمدەۋدى قامتاماسىزداندىرۋ مەكەمەلەرىنىڭ اشكەرەلەۋ تەلەفونىن جاريالادى.

كەلۋ قاينارى: حالىق تورابى