شينجياڭداعى شەكارا وتكەلدەرىندەگى ادامداردىڭ بارىس ـ كەلىسى مەن شەكارا اتتاعان تاسىمال مولشەرى تاريحتاعى ەڭ جوعارى دەڭگەيگە جەتتى

ءتىلشىنىڭ شينجياڭ شەكارادان كىرىپ ـ شىعۋ شەكارا قورعانىس تەكسەرۋ باس پۋنكتىنەن ۇعسۋىنشا، بيىل الدىڭعى 3 توقساندا شينجياڭ ۇيعۇر اۆتونوميالى رايونىنداعى شەكارا وتكەلدەرىندە ادامداردىڭ بارىس ـ كەلىسى مەن شەكارا اتتاعان تاسىمال مولشەرى ءۇرتىس ارتىپ، تاريحتاعى ەڭ جوعارى دەڭگەيگە جەتكەن. وسى باس پۋنكتتەگى كوشى – قون ىستەرىن باسقارۋ ساقشىلارى شەكارادان كىرىپ ـ شىعۋشىلارعا جيىنى 2 ميلليون 356 مىڭ ادام ـ رەت قىزمەت وتەگەن، مۇندا قاتىناس قۇرالدارى 945 مىڭنان استام رەت بولىپ، 448 مىڭ ادام ـ رەت ۆيزاسىز شەكارادان كىرگەن، بۇل 2023 ـ جىلداعىدان %104.5، %57.1 جانە %425.9 ارتقان.

شينجياڭ شەكارادان كىرۋ ـ شىعۋ شەكارا قورعانىسى تەكسەرۋ باس پۋنكتىنىڭ ورىنباسار باستىعى ليۋ پىڭنىڭ تانىستىرۋىنشا، ”ءبىر بەلدەۋ، ءبىر جولدى“ بىرگە گۇلدەندىرۋدىڭ اناعۇرلىم جوعارى ساپالى، اناعۇرلىم جوعارى دەڭگەيدەگى جاڭا دامۋدى جۇزەگە اسىرۋىنا، سونداي ـ اق شەكارادان كىرىپ ـ شىعۋعا قولايلى قاتىستى ساياساتتاردىڭ شىعارىلۋىنا بايلانىستى، دۇنيە ءجۇزىنىڭ جەر ـ جەرىنەن كەلگەن ادامداردىڭ شينجياڭعا كەلىپ قارجى قوسۋى، ساۋدا جاساۋى، ساياحاتتاۋى بارعان سايىن كوبەيىپ كەلەدى. وتكەلدەردىڭ ساندى مالىمەتتەرى ۇزدىكسىز جاڭالاندى. قورعاس، الاتاۋ ساعاسى شەكارالىق تەكسەرۋ پۋنكتى تەمىر جول شەكارا وتكەلىندەگى جۇڭگو ـ ەۆروپا، ورتا ازيا سياقتى جۇك تاسىمال كەزەكشى پويەزدەرىنىڭ جوعارى ونىمدىلىكپەن قاتىناۋىنا كەپىلدىك ەتتى، تەمىر جول شەكارا وتكەلىندەگى پويەزداردىڭ قاتىناۋ مولشەرى بۇكىل ەلدەگى تەمىر جول شەكارا وتكەلدەرىندە الدىڭعى ورىندى يەلەدى. ءۇرىمجى شەكارالىق تەكسەرۋ پۋنكتى اۋە، پورت، شەكارا وتكەلدەرىنىڭ اۋە جەلىسىن ۇزدىكسىز جيىلەتۋگە دەم بەرىپ، شەكارادان كىرىپ ـ شىققان ادامداردى تەكسەرۋ سانى 500 مىڭ ادام ـ رەتتەن استى. 9 ـ ايدىڭ 3 ـ كۇنى، جۇڭگو مەن قىرعىزستاننىڭ ۋاكىلدەرى بەدەل وتكەلىندە شەكارا وتكەلىن ۋاقىتشا اشىق ۇستاۋ، كەدەننەن وتكىزۋ سالتىن وتكىزىپ، شەكارادان ادام، زات، قاتىناس قۇرالدارىنىڭ كىرىپ – شىعۋىن جۇزەگە اسىردى.

كەلۋ قاينارى: حالىق تورابى