قارلى بۇرقاسىندا تاۋ قويناۋىنا قامالىپ قالعان 4 ادامدى 300 كيلومەتر جول باسىپ كەلىپ قۇتقاردى

10 – ايدىڭ 20 - كۇنى ساعات 16 دا، شينجياڭ بايىنعولىن وبلىسى حىجيڭ اۋداندىق قوعام حاۋىپسىزدىگى مەكەمەسىنىڭ شارلاۋشى ەرەكشە ساقشى ۇلكەن اترەتى قولباسشىلىق ەتۋ ورتالىعى بالعىنتاي قالاشىعى گورىنعول سايىندا جەرگىلىكتى ءبىر مالشى مەن 3 ساياحاتشى قارلى بوران سەبەبىنەن تاۋ قويناۋىندا قامالىپ قالدى، مۇنىڭ ىشىندە 3 جاستاعى بالانىڭ جاعدايى توتەنشە قاتەرلى دەگەن مالىمدەۋدى تاپسىرىپ الادى.

ساقشىعا مالىمدەۋدى تاپسىرىپ العاننان كەيىن، حالىق ساقشىلارى اۆتوكولىكپەن 300 كيلومەتر جول باسىپ ناق مايدانعا شۇعىل جەتتى، ناق مايدانعا جەتكەن سوڭ، حالىق ساقشىلارى اۆتوكولىكتىڭ ەسىگىن قار باسىپ، اشىلماي قالعانىن بايقايدى، كوپشىلىك تەك تەمىر مانامەن قاردى يتەرىپ، قاتىپ قالعان اۆتوكولىكتىڭ ەسىگىن بار كۇشپەن تارتىپ اشادى، ەسىكتى اشقاننان كەيىن قامالىپ قالعان ادامداردىڭ ماشينا ورىندىعىنا بۇكتەتىلىپ قالعاندىعىن، بالانىڭ توڭعاننان قاتتى دىرىلدەپ كەتكەندىگىن بايقايدى. مۇنى كورگەن حالىق ساقشىسى دەرەۋ ساقشى ىشىگىن شەشىپ، بالانى باۋىرىنا باسىپ، دەرەۋ ساقشى اۆتوكولىگىنە اپارادى. ەڭ سوڭىندا باس – اياعى 5 ساعات ۋاقىتتا قامالىپ قالعان 4 ادام قۇتقارىلادى، دەر كەزىندە قۇتقارىلعاندىقتان، قامالىپ قالعان 4 ادامنىڭ دەنساۋلىق جاعدايى جاقسى.

كەلۋ قاينارى: حالىق تورابى