قىزمەت ىستەگەنىنە 4 اي بولماعان جاڭا ساقشى 24 قىلمىس كۇماندىسىن ۇستاعان 

”توقتا، قاشپا!“ دەپ ايقايلادى ول، قىلمىس كۇماندىسىن 7 كيلومەتر جەرگە دەيىن قۋىپ بارىپ، اقىرى قولعا ءتۇسىردى.

سۋرەتتە: ياڭ رىنجيە جۇرتشىلىق بەرگەن سيلىق جالاۋشانى تاپسىرىپ الۋدا.

10 – ايدىڭ 13 – كۇنى، يۇننان ولكەسى يۇيشي قالالىق قوعام حاۋىپسىزدىگى مەكەمەسى جياڭچۋان بولىمشە مەكەمەسى جيۋشي ساقشى باسقارماسىنىڭ حالىق ساقشىسى جۇرتشىلىقتىڭ ساقشىعا مالىمدەۋىن تاپسىرىپ الادى، مالىمدەۋشى جيۋشي قالاشىعى ليۋشىمۋ قىستاعىنداعى عيباداتحانانىڭ ماڭىنداعى ايەلدەر دارەتحاناسىنا ءبىر ەر ادامنىڭ ۇرلانىپ قاراپ جاتقانىن ايتىپ، ساقشى جاقتىڭ ءبىرجاقتى ەتۋىن تالاپ ەتەدى.

ساقشىعا مالىمدەۋدى تاپسىرىپ العان سوڭ، جاڭا عانا قىزمەتكە قاتىناسقانىنا 4 اي بولماعان حالىق ساقشىسى ياڭ رىنجيە مەن قىزمەتتەستەرى دەرەۋ ءىس تۋىلعان جەرگە بارعان، قىلمىس كۇماندىسى حالىق ساقشىسىن كورە سالىپ، دارەتحانانىڭ تەرەزەسىنىڭ داۋالىنان اسىپ قاشا جونەلەدى، ياڭ رىنجيە مەن قىزمەتتەسى اقىلداسقان سوڭ، قىلمىس كۇماندىسىن قۋالاي جونەلەدى، 7 كيلومەترگە دەيىن قۋالاعان سوڭ، اقىرى قىلمىس كۇماندىسىن قولعا تۇسىرەدى.

حالىق ساقشىسى كومەككە كەلگەن سوڭ، قىلمىس كۇماندىسىنىڭ الەۋمەتتىك اۋماقتاعى ەسىرتكى تۇتىنۋشى لي X ەكەنىن بايقايدى، لي X تالاي رەت موتوتسيكل ۇرلاپ قاشىپ جۇرگەن، قوعام حاۋىپسىزدىگى ورگاندارى ونى قۋعىنداۋ ۇستىندە بولاتىن.

سۋرەتتە: وسىنىڭ الدىندا ءبىر رەتكى دەلونى انىقتاعاندىقتان، ياڭ رىنجيە جۇرتشىلىق ۇسىنعان سيلىق تۋدى قابىلداعان.

ياڭ رىنجيە بيىل 6 – ايدا جاڭادان قىزمەتكە قابىلدانعان 25 جاسقا تولماعان جاس ساقشى، قازىر يۇيشي قالالىق قوعام حاۋىپسىزدىگى مەكەمەسى جياڭچۋان بولىمشە مەكەمەسى جيۋشي باسقارماسىنىڭ پراكتيكانت حالىق ساقشىسى، قىزمەتكە قاتىناسقانىنا 4 ايعا تولماسا دا، ىلگەرىندى – كەيىندى 37 دەلونى ءبىتىرىپ، قىلمىس كۇماندىلارىنان 24 ادامدى قولعا تۇسىرگەن.

ياڭ رىنجيە، جارايسىڭ، سەنى ماداقتاپ، ساعان قوشامەت بىلدىرەمىز.

كەلۋ قاينارى: حالىق تورابى