قوعام حاۋىپسىزدىگى مينيسترلىگى: جاڭا تۇردەگى مال – مۇلىككە سۇعاناقتىق جاساۋ قىلمىسىنا جاپپاي سوققى بەرىلەدى جانە جونگە سالىنادى

ءتىلشىنىڭ تاياۋدا اشىلعان قوعام حاۋىپسىزدىگى ورگاندارىنىڭ ۇرلىق، توناۋشىلىق، الدامكوستىك قىلمىستارىنا سوققى بەرۋ قىزمەتى جونىندەگى مەملەكەتتىك ناق مايدان ماجىلىسىنەن ۇعىسۋىنشا، بيىل جىل باسىنان بەرى بۇكىل ەلدەگى قوعام حاۋىپسىزدىگى ورگاندارى سىلەيتە سوققى بەرىپ، كوپ ءتۇرلى شارانى قاتار قولدانىپ، ۇرلىق، توناۋشىلىق، الدامكوستىك قاتارلى كوپ تۋىلاتىن قىلمىستارعا سوققى بەرۋدىڭ تەگەۋرىندى كۇيىن باستان ـ اياق ساقتاپ، كورنەكتى ونىمدىلىككە قول جەتكىزگەن.

ماجىلىستە مىنالار اتاپ كورسەتىلدى: كەزەكتە ۇرلىق، توناۋشىلىق، الدامكوستىك قىلمىستارىنا سوققى بەرۋدەگى ءدوپ كەلىپ وتىرعان كۇردەلى جاعداي مەن جاڭا جاعداي، جاڭا ماسەلەلەرگە قاراتا، زاڭ بويىنشا قاتاڭ سوققى بەرۋ باعىتىنان اۋىتقىماي، ۇيگە ۇرلىققا ٴتۇسۋ، كوشە ۇرلىعى، اۆتوكولىك ۇرلاۋ، الدامشىلىق ىستەۋ سياقتى كوپ تۋىلاتىن، مال - مۇلىككە قول سۇعۋ قىلمىستارىن بار كۇشپەن تەجەپ، مال - مۇلىككە سۇعاناقتىق جاسايتىن جاڭا تۇردەگى قىلمىستارعا جاپپاي سوققى بەرۋ جانە ونى جونگە سالۋ كەرەك.

ءماجىلىس مىنالاردى تالاپ ەتتى: جالپىلىق مەنشىككە جاتپايتىن كاسىپورىنداردىڭ مال ـ مۇلكىنە سۇعاناقتىق جاساۋ، مينيسترلىك، كوميتەت، ورتالىق كاسىپورىن، مەملەكەت مەنشىگىندەگى كاسىپورىنداردىڭ اتىن جامىلىپ الدامشىلىق ىستەۋ، توڭعازىتىلعان ۇلتتىق مال ـ مۇلىكتى بوساتۋ دەگەن اتپەن الدامشىلىق ىستەۋ، ”اقشا اۋىستىرعىشتار“ جانە سودان تۋىنداعان قىلمىس سياقتى ارناۋلى ارەكەتتەرگە سوققى بەرۋدى، جونگە سالۋدى ىشكەرىلەي ىلگەرىلەتىپ، ەگجەي ـ تەگجەيلى تەكسەرۋگە، پارمەندى سوققى بەرۋگە شىنايى كەپىلدىك ەتۋ كەرەك. ۇيىمدىق باسشىلىقتى كۇشەيتىپ، جاۋاپكەرشىلىكتى قاتاڭ تياناقتاندىرىپ، ءبىرتۇتاس جوسپارلاپ سايكەستىرۋدى كۇشەيتىپ، ماڭدايشالىق اسىپ قۋزاۋ، شوعىرلى شايقاس جانە ساقتانۋ، ۇگىتتەۋ سياقتى قىزمەتتەردىڭ سەرپىنىن اناعۇرلىم ارتتىرىپ، ءتۇرلى مىندەتتەردى جوعارى ساپامەن ورىنداۋعا شىنايى كەپىلدىك ەتۋ كەرەك.

كەلۋ قاينارى: حالىق تورابى