شينجياڭ: قارتتاردى كۇتىمگە الۋ قۇرىلىمدارىنىڭ قىزمەت وتەۋ وبيەكتىلەرى قارجى كىرىس - شىعىسىن ەگجەي - تەگجەيلى سۇراستىرۋعا ۇقىقتى

شينجياڭ ۇيعۇر اۆتونوميالى رايوندىق حالىق ىستەرى مەڭگەرمەسى تورابىنىڭ حابارىنا نەگىزدەلگەندە، 10 – ايدىڭ 23 – كۇنى، شينجياڭ ۇيعۇر اۆتونوميالى رايوندىق حالىق ىستەرى مەڭگەرمەسى، شينجياڭ ۇيعۇر اۆتونوميالى رايوندىق دامۋ جانە رەفورما كوميتەتى، شينجياڭ ۇيعۇر اۆتونوميالى رايوندىق قوعام حاۋىپسىزدىگى مەڭگەرمەسى، شينجياڭ ۇيعۇر اۆتونوميالى رايوندىق قازىنا مەڭگەرمەسى قاتارلى 7 تاراۋ بىرلەسىپ حابارلاندىرۋ جاريالاپ، «شينجياڭ ۇيعۇر اۆتونوميالى رايونىنىڭ زەينەتكەرلىك قۇرىلىمدارىنىڭ الدىن الا اقى الۋىن باسقارۋ ءادىسىن (سىناق رەتىندە اتقارىلادى)» (تومەندە قىسقارتىلىپ «ءادىس» دەپ اتالادى) باسىپ تاراتتى.

«ادىستە» مىنالار تالاپ ەتىلدى: قارتتاردى كۇتىمگە الۋ قۇرىلىمدارى تۇتىنۋشىلاردىڭ ينفورماتسياسىن باسقارۋ ءتۇزىمىن ورناتىپ جانە كەمەلدەندىرىپ، «جۇڭحۋا حالىق رەسپۋبليكاسىنىڭ بۇعالتىرلىق زاڭىنىڭ» قاتىستى تالاپتارى بويىنشا ءتۇرلى الدىن الا الىنعان قارجىنىڭ كىرىس - شىعىسىن باسقارۋى ءارى كىرىس - شىعىستى ەگجەي - تەگجەيلى ەستەلىككە الىپ، قىزمەت وتەۋ وبيەكتىلەرىنىڭ جەكەلىك ينفورماتسيا ارحيۆىنە ەنگىزۋى كەرەك، سونىمەن بىرگە، ينفورماتسيانىڭ شىندىعى، دۇرىستىعى جانە حاۋىپسىزدىگىنە كەپىلدىك ەتۋ كەرەك. قىزمەت وتەۋ وبيەكتىسى جانە ونىڭ قامقورشىسى، ۋاكىلى قىزمەت وتەۋ وبيەكتىسىنىڭ جەكەلىك ينفورماتسيا ارحيۆى مەن قارجى كىرىس - شىعىسىن ەگجەي - تەگجەيلى ۇعىسۋعا جانە سۇراستىرۋعا ۇقىقتى، قارتتاردى كۇتىمگە الۋ قۇرىلىمىنىڭ ءارقانداي سەبەپپەن قاتىستى ينفورماتسيالاردى بەرۋدەن باس تارتۋىنا بولمايدى.

كەلۋ قاينارى: حالىق تورابى