ۇيلەسىمدى جاستا ۇيلەنۋدى جانە بالالى بولۋدى، ساپالى بالالى بولۋدى جانە بالانى ساپالى تاربيەلەۋدى دارىپتەپ، ەرلى – زايىپتىلاردى بالا تاربيەلەۋ جاۋاپكەرشىلىگىن بىرگە ارقالاۋعا شابىتتاندىرادى 

انار بۇلت \ شينجياڭ گازەتىنىڭ حابارى. جۇڭگو اقپارات تورابىنىڭ حابارلاۋىنشا، 10 – ايدىڭ 19 – كۇنى، مەملەكەتتىك كەڭەستىڭ كەڭسە مەڭگەرمەسى «بالالى بولۋعا قولداۋ كورسەتۋ ساياساتتىق جۇيەسىن كەمەلدەندىرۋدى جەدەلدەتىپ، بالالى بولۋعا ءتيىمدى قوعامدىق قۇرىلىستى ىلگەرىلەتۋ تۋرالى ءبىرقىدىرۋ شارالاردى» (تومەندە قىسقارتىلىپ «ءبىرقىدىرۋ شارالار» دەپ اتالادى) جاريالاپ، 4 ءتۇرلى جاقتان بالالى بولۋعا قولداۋ كورسەتۋ شارالارىن ورتاعا قويدى.

«ءبىرقىدىرۋ شارالاردا» مىنالار ايقىندالعان: جاڭا تيپتى ۇيلەنۋ جانە بالالى بولۋ مادەنيەتىن بەلسەندى قالىپتاستىرۋ كەرەك. جۇڭحۋا ۇلتىنىڭ ءداستۇرلى تاماشا ءمورالىن ساۋلەلەندىرىپ، بالالى بولۋدى قۇرمەتتەيتىن قوعامدىق قۇندى دارىپتەپ، ۇيلەسىمدى جاستا ۇيلەنۋ مەن بالالى بولۋدى، ساپالى بالالى بولۋدى جانە بالانى ساپالى تاربيەلەۋدى دارىپتەپ، ەرلى – زايىپتىلاردى بالا تاربيەلەۋ جاۋاپكەرشىلىگىن بىرگە ارقالاۋعا شابىتتاندىرۋ كەرەك. بەلسەندى ۇيلەنۋ – ماحابباتتاسۋ كوزقاراسىن، بالالى بولۋ كوزقاراسىن، وتباسى كوزقاراسىن كۇش سالا دارىپتەپ، وتباسى، وتباسى تاربيەسى، وتباسى ستيلى قۇرىلىسىن كۇشەيتىپ، سوتسياليستىك وتباسىلىق وركەنيەتتىڭ جاڭا جوسىنىنىڭ قالىپتاسۋىن ىلگەرىلەتۋ كەرەك. جاستاردىڭ ماحابباتتاسۋىنا، دوستاسۋىنا قاتىستى ءتۇرلى فورماداعى الەۋمەتتىك يگىلىك سيپاتتى تەكشەلەردى قۇرۋ كەرەك. ۇيلەنۋ مەن وتباسى ىستەرىنە جەتەكشىلىك ەتۋ، ۇيلەنگەندەرگە كۋالىك ءبىتىرىپ بەرۋ، تويدى وركەنيەتتى دە قاراپايىم وتكىزۋ قاتارلى جاقتاردا ەرەكشەلىككە يە قىزمەت وتەۋدى بەلسەندى ورىستەتۋ كەرەك. ۇيلەنۋ سالتىنا رەفورما جاساۋ مەن ەسكى ادەت – عۇرىپتاردى وزگەرتۋدى تىڭعىلىقتى ىلگەرىلەتىپ، ۇيلەنۋ تويىن شەكتەن تىس كولەمدى وتكىزۋ، قالىىڭمالدى وتە كوپ الۋ قاتارلى كۇنى وتكەن ناشار سالتتاردى وزگەرتىپ، بەلسەندى دە العاباسار ۇيلەنۋ سالتى مادەنيەتىن جەتىلدىرۋ كەرەك.

كەلۋ قاينارى: حالىق تورابى