يۇي حۋايىڭنىڭ بالا الداپ ساتۋىنا قاتىستى قايتا قارالعان دەلوعا ءبىرىنشى رەتكى سوتتىڭ ۇكىمى شىعارىلدى 

شينحۋا اگەنتتىگىنىڭ ءتىلشىسى ۋاڭ جۇن حابارلايدى. 10 – ايدىڭ 25 – كۇنى، گۇيجوۋ ولكەسى گۇيياڭ قالالىق ورتا دارەجەلى حالىق سوتى مەكەمەسى گۇيجوۋ ولكەلىك جوعارى دارەجەلى حالىق سوتى مەكەمەسى قايتا قاراۋعا جولداعان ايىپكەر يۇي حۋايىڭنىڭ بالا الداپ ساتۋى تۋرالى دەلوعا ءبىرىنشى رەتكى سوتتا اشىق ۇكىم جاريالادى، ايىپكەر يۇي حۋايىڭ بالا الداپ ساتۋ قىلمىسى بويىنشا ءولىم جازاسىنا ۇكىم ەتىلدى، ساياسي ۇقىعىنان ومىرلىك ماحرۇم ەتىلدى ءارى ونىڭ جەكەلىك مال – مۇلكى تۇگەلدەي ءمۇسادىرالاندى.

ءبىرىنشى رەتكى سوتتا، گۇيياڭ قالالىق حالىق پروكۋراتۋراسى مىناداي ايىپتاما كوتەردى: ايىپكەر يۇي حۋايىڭ زاڭسىز مۇددەنى كوزدەپ، 1993- جىلدان 2003 – جىلعا دەيىنگى ارالىقتا گۇڭ XX (قازا بولعان)، ۋاڭ XX (باسقا دەلو بويىنشا ءبىرجاقتى ەتىلگەن) تەرمەن بىرگە گۇيجوۋ، يۇننان، چۇڭچيڭ قاتارلى جەرلەردە قاشىپ ءجۇرىپ، الداپ ساتۋعا ۇيلەسەتىن بالالاردى ىزدەگەن، يۇي حۋايىڭ جيىنى 17 بالانى الداپ ساتقان. الەۋمەتتىك ارىز – شاعىم ورگانى بالا الداپ ساتۋ قىلمىسى بويىنشا يۇي حۋايىڭنىڭ قىلمىستىق ىستەر جاۋاپكەرشىلىگىن قۋزاستىرۋدى وتىنگەن.

2023 – جىلى 7 – ايدا، گۇيياڭ قالالىق ورتا دارەجەلى سوت مەكەمەسى سوت اشىپ، ايىپكەر يۇي حۋايىڭنىڭ بالا الداپ ساتۋى دەلوسى تۋرالى تەرگەۋ جۇرگىزگەن، سول جىلى 9 – ايدا، گۇيياڭ قالالىق ورتا دارەجەلى حالىق سوتى ۇكىمدى اشىق جاريالاپ، ايىپكەر يۇي حۋايىڭدى بالا الداپ ساتۋ قىلمىسى بويىنشا ءولىم جازاسىنا ۇكىم ەتىپ، ساياسي ۇقىعىنان ماڭگىلىك ماحرۇم ەتكەن ءارى ونىڭ جەكەلىك مال – مۇلكىن تۇگەلدەي ءمۇسادىرالاعان. سوت مەكەمەسى تەرگەۋ ارقىلى مىنانى انىقتاعان: ايىپكەر يۇي حۋايىڭ 1993 – جىلدان 1996 – جىلعا دەيىنگى ارالىقتا گۇڭ XX (قازا بولعان) پەن بىرگە زاڭسىز پايدانى كوزدەپ، گۇيجوۋ ولكەسى، چۇڭچيڭ قالاسى قاتارلى جەرلەردە قاشىپ ءجۇرىپ، الداپ ساتۋعا ۇيلەسەتىن بالالاردى ىزدەگەن، ماقساتتارى ورىندالعان سوڭ، ەكەۋى بالانى حىبەي ولكەسىنىڭ حاندان قالاسىنا الداپ اپارىپ، ۋاڭ XX (باسقا دەلو بويىنشا ءبىرجاقتى ەتىلدى)، ياڭ XX (باسقا دەلو بويىنشا ءبىرجاقتى ەتىلدى) لاردىڭ تانىستىرۋى بويىنشا، بالا ساتىپ الاتىنداردى ىزدەپ، ساۋدا جاساپ، وسى ارقىلى پايداعا كەنەلگەن، وسى ارالىقتا جيىنى 11 بالانى الداپ ساتقان. ايىپكەر يۇي حۋايىڭ سوت ۇستىندە جوعارىلاپ ارىزداناتىنىن بىلدىرگەن.

2023 – جىلى 11 – ايدا، گۇيجوۋ ولكەلىك جوعارى دارەجەلى حالىق سوتى ارىزدانۋشى يۇي حۋايىڭنىڭ بالا الداپ ساتۋى دەلوسى تۋرالى زاڭ بويىنشا اشىق سوت اشىپ تەرگەۋ جۇرگىزگەن. 2024 – جىلى 1 – ايدا، گۇيجوۋ ولكەلىك جوعارى دارەجەلى حالىق سوتى يۇي حۋايىڭنىڭ بالا الداپ ساتۋى دەلوسى جونىندە ەكىنشى رەتكى سوتتا كەسىم جاساپ، قايتا قاراۋعا جولداعان، سوت مەكەمەسى بىلاي دەپ قاراعان: اسىلگى ۇكىمدە اسىلگى تەرگەۋدەگى ايىپكەر يۇي حۋايىڭنىڭ باسقا بالالاردى دا الداپ ساتقانى تۋرالى قىلمىس فاكتتەرى ەسكەرىلمەي قالعان، كەيبىر فاكتتەر انىق ەمەس، جوعارىلاپ ارىزدانۋشى يۇي حۋايىنىڭ بارلىق قىلمىس فاكتتەرىن انىقتاپ، قايتا تەرگەۋ جۇرگىزۋ كەرەك.

كەلۋ قاينارى: حالىق تورابى