ەلىمىز ”قاراۋشى قاجەت ەتپەيتىن كۇتىمدەۋ قىزمەتى“ نىسانىن جاڭادان ارتتىرادى 

شينحۋا اگەنتتىگىنىڭ ءتىلشىسى شۇي پىڭحاڭ 10 – ايدىڭ 26 – كۇنى بەيجيڭنەن حابارلايدى. مەملەكەتتىك ەمدەۋدى قامتاماسىزداندىرۋ مەڭگەرمەسى جۋىردا كۇتىمدەۋ ءتۇرى بويىنشا نىسان ەنگىزۋ باعدارناماسى (سىناق رەتىندە اتقارىلادى) مەن كۇتىمدەۋ باعاسىن جاقسارتۋ – رەتكە سالۋ ساياساتى جونىندەگى ۇقتىرۋدى جاريالاپ، ”قاراۋشى قاجەت ەتپەيتىن كۇتىمدەۋ قىزمەتىنىڭ“ باعاسىنا ساياتىن نىساندى جاڭادان قوستى، باعا جونىندە ۇكىمەت جەتەكشىلىك ەتىپ باسقارۋ ءتۇزىمىن اتقارادى، 2024 – جىلدىڭ سوڭىنان بۇرىن، ءارقايسى ولكەلەر نىسان ەنگىزۋ باعدارناماسىن تياناقتاندىرعان سوڭ، تۇيىندە سىناق ەتەتىن جەرلەردە قاراۋشى قاجەت ەتپەيتىن كۇتىمدەۋ قىزمەتىنە اقى الۋدىڭ ولشەمى ىسكە قوسىلادى.

ءتىلشىنىڭ 10 – ايدىڭ 26 – كۇنى مەملەكەتتىك ەمدەۋدى قامتاماسىزداندىرۋ مەڭگەرمەسىنەن ۇعىسۋىنشا، جۋىرداعى جىلداردان بەرى، تيانجين، جىجياڭ، فۋجيان قاتارلى جەرلەردە قاراۋشىنى قاجەت ەتپەيتىن كۇتىمدەۋ نەمەسە قاراۋشىسىز ناۋقاس بولمەسى تۇيىندە سىناق ەتىلدى، اتاپ ايتقاندا، ەمدەۋ قۇرىلىمدارىنىڭ كاسىپتىك ەمدەۋمەن شۇعىلداناتىن كۇتىمدەۋشى قىزمەتكەرلەرى ەمحاناعا جاتقان ناۋقاستىڭ تۇرمىسىنا 24 ساعات بويى قىزمەت وتەيدى، ناۋقاستىڭ وتباسىنداعىلاردىڭ وزدەرىنىڭ قاراۋىنىڭ قاجەتى جوق، وتباسىنداعىلاردىڭ وزدەرىنىڭ كۇتىمدەۋشى ۇسىنىس ەتۋىنىڭ دە قاجەتى جوق. مەملەكەتتىك ەمدەۋدى قامتاماسىزداندىرۋ مەڭگەرمەسى جەرگىلىكتى ورىنداردىڭ ىزدەنىس جاساۋ بارىسىندا قول جەتكىزگەن تاجىريبەلەرىن قابىلداپ، نىسان ەنگىزۋ باعدارناماسىندا ”قاراۋشىنى قاجەت ەتپەيتىن كۇتىمدەۋ قىزمەتىنىڭ“ باعاسىنا ساياتىن نىساندى ايىرىم بەلگىلەپ، ۇكىمەت جەتەكشىلىك ەتەتىن باعا بويىنشا باسقارۋدى اتقارادى.

مەملەكەتتىك ەمدەۋدى قامتاماسىزداندىرۋ مەڭگەرمەسىنىڭ قاتىستى جاۋاپتىسىنىڭ تانىستىرۋىنشا، قازىرگى كەزەڭدە ”قاراۋشى قاجەت ەتپەيتىن كۇتىمدەۋ قىزمەتى“ تەك ەرەكشە دارەجەلى، 1 – دارەجەلى ناۋقاستارعا عانا باعىتتالادى، ۋاقىتشا ەمدەۋدى قامسىزداندىرۋ كولەمىنە ەنگىزىلمەيدى، ناۋقاستار مەن ونىڭ وتباسىنداعىلاردىڭ ەمدەۋ قۇرىلىمدارى دايىنداعان ”قاراۋشى قاجەت ەتپەيتىن كۇتىمدەۋ قىزمەتىن“ دەربەس تاڭداۋىنا بولادى، قوعامداندىرىلعان، بازارلاندىرىلعان بازار باعاسى بويىنشا كۇتىمدەۋشى ۇسىنىس ەتۋىنە دە بولادى.

كەلۋ قاينارى: حالىق تورابى