مۇزداتىلعان ۇلتتىق مال – مۇلىكتى بوساتۋ تۇرىندەگى الدامكوستىك قىلمىسىنا سوققى بەرەدى ءارى جونگە سالادى 

جۇمىسشىلار گازەتىنىڭ ءتىلشىسى جوۋ چيان حابارلايدى. 10 – ايدىڭ 25 – كۇنى، قوعام حاۋىپسىزدىگى مينيسترلىگى بۇكىل ەلىمىزدەگى قوعام حاۋىپسىزدىگى ورگاندارىنىڭ مۇزداتىلعان ۇلتتىق مال – مۇلىكتى بوساتۋ تۇرىندەگى الدامكوستىك قىلمىستارىنا ارناۋلى سوققى بەرۋ جانە ونى جونگە سالۋ ارەكەتىن ورىستەتۋ شارالارى مەن ونىمدىلىگى تۋرالى جاعداي جونىندە حابارلاندىرۋ شىعاردى ءارى قوعامداعىلارعا مۇزداتىلعان ۇلتتىق مال – مۇلىكتى بوساتۋ تۇرىندەگى ەكىنشى توپتاعى 50 نەشە الدامكوستىك نىساندى جانە الدامكوستىككە ساياتىن APP دەتالدارىنىڭ اتىن جاريالادى.

بيىل 2 – ايدا، قوعام حاۋىپسىزدىگى مينيسترلىگى بۇكىل ەلىمىزدەگى قوعام حاۋىپسىزدىگى ورگاندارىنىڭ مۇزداتىلعان ۇلتتىق مال – مۇلىكتى بوساتۋ تۇرىندەگى الدامكوستىك قىلمىسىنا سوققى بەرۋ ارناۋلى ارەكەتىن ورىستەتۋى جونىندە ورنالاستىرۋ جاساعان. قازىرگە دەيىن، قاتىستى دەلولاردان جيىنى 574 دەلو انىقتالعان، قىلمىستىق توپتاردان 247 توپ تالقاندالعان، قىلمىس كۇماندىلارىنان 4385 ادام تۇتقىندالعان، دەلوعا قاتىستى انىقتالعان قاراجات سوماسى 12 ميلليارد 950 ميلليون يۋان بولعان. قىزمەت بارىسىندا، قوعام حاۋىپسىزدىگى مينيسترلىگى ”جۇڭگولىقتاردىڭ بىرگە بايۋى“ قاتارلى 26 رەتكى ماڭىزدى دەلونى بىتىرۋگە بەلگى قويىپ قۋزاۋ سالعان، قىلمىستىق توپتاردىڭ ۇيىمدىق قۇرىلىمى مەن پەردە ارتىنداعى قارجىلاندىرۋشىلارى، ۇيىمداستىرۋشىلارى قاتارلى تىرەكتىلەرىن تۇبەگەيلى انىقتاعان، الدامكوستىككە ساياتىن APP دەتالدارىن زەرتتەپ جاساۋ، ىسكە قوسۋ، جالپىلاستىرۋ جانە قاراجاتتى جوتكەۋ، اقشا جىلىستاتۋ قاتارلى قاتىستى قىلمىستىق ارەكەتتەرگە زاڭ بويىنشا سوققى بەرگەن.

ۇعىسۋعا قاراعاندا، جۋىرداعى جىلداردان بەرى، مۇزداتىلعان ۇلتتىق مال – مۇلىكتى بوساتۋ تۇرىندەگى الدامكوستىك قىلمىستاردى وتكىزۋشىلەر ءتاسىلىن جاڭالاعان، قىلمىستىق ەلەمەنتتەر مەملەكەتتىڭ ساياساتىنان پايدالانىپ، مەملەكەتتىك نىسانداردى اتقارۋ دەگەن اتپەن جالعان نىسان قۇراستىرىپ، مەملەكەتتىڭ، ۇلتتىڭ اتىن جامىلىپ، مەملەكەت ورگاندارىنىڭ قۇجاتى، كۋالىگى، تاڭباسى قاتارلىلاردى جالعاننان جاساپ، ”ارماندى ىسكە اسىرۋ ارەكەتى“، ”گۇلدەنگەن جۇڭحۋا“، ”جۇڭگولىقتاردىڭ بىرگە بايۋى“ قاتارلى نىسانداردى جالعاننان قۇراستىرىپ، ينتەرنەت ارقىلى كەلىسىمشارتقا قول قويۋ، تاۋار ساتىپ الۋ ارقىلى قارجىلاندىرۋعا قاتىناسۋ نەمەسە ”نىساندى باستاۋ قاراجاتىن“ تاپسىرۋ، ”مۇشەلەردىڭ تىزىمدەلۋ قاراجاتى“ قاتارلى ءتۇرلى فورمالار ارقىلى ءبىر توپ جۇرتشىلىقتى شىرعالاپ، الدامكوستىك ىستەگەن.

كەلۋ قاينارى: حالىق تورابى