وسى اپتانىڭ العاشقى مەزگىلىندە بۇكىل شينجياڭنىڭ باسىم كوپ جەرىندە جاۋىن – شاشىن بولادى، تەمپەراتۋرا ۇزدىكسىز تومەندەيدى

10 – ايدىڭ 28 – كۇنى، ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا (10 – ايدىڭ 28 – كۇنىنەن 11 – ايدىڭ 3 - كۇنىنە دەيىن) شينجياڭدا ءبىر رەت ورتاشا، ءالسىز سۋىق اعىس بولادى، اپتانىڭ باسىندا بۇكىل شينجياڭنىڭ باسىم كوپ جەرىندە جاۋىن - شاشىن بولىپ، تەمپەراتۋرا ءۇرتىس تومەندەيدى، سولتۇستىك شينجياڭنىڭ باسىم كوپ جەرىنىڭ، قۇمىل قالاسىنىڭ سولتۇستىگىنىڭ ەڭ تومەنگى اۋا تەمپەراتۋراسى 5 تە 8 سەلتسي گرادۋس تومەندەيدى، اپتا سوڭىندا اۋا تەمپەراتۋراسى باياۋ جوعارىلايدى. اۋا رايى تاراۋلارى مىنانى ەسكەرتتى: وسى اپتادا اۋا تەمپەراتۋراسى ءۇرتىس تومەندەپ، كۇندىز بەن ءتۇننىڭ تەمپەراتۋرا پارقى ءبىرشاما زور بولادى، تاڭەرتەڭ، كەشتە كۇن ءبىرشاما شىتقىل بولادى، بۇقارا اۋا تەمپەراتۋراسىنىڭ وزگەرىسىنە قاراي كيىم – كەشەكتى دەر كەزىندە قالىڭ كيىپ، سۋىق ٴتيىپ تۇماۋراتۋدان ساقتانۋ كەرەك. بۇدان سىرت، كۇز ماۋسىمى قۇرعاق بولاتىندىقتان، المۇرت، اق ساڭىراۋقۇلاق، تۇڭعيىق تامىرى قاتارلى وكپەگە پايدالى جەمەكتىكتەردى كوبىرەك تۇتىنۋى كەرەك.

الدىن الا مالىمەتتە كورسەتىلۋىنشە، 10 - ايدىڭ 28 - كۇنىنەن 31 - كۇنىنە دەيىن، سولتۇستىك شينجياڭنىڭ باسىم كوپ بولەگى جانە وڭتۇستىك شينجياڭنىڭ باتىس بولەگىندەگى تاۋلى وڭىرلەر، اقسۋ ايماعىنىڭ باتىس بولىگىندەگى سولتۇستىك تاۋلى وڭىرلەر، بايىنعولىن موڭعۇل اۆتونوميالى وبلىسىنىڭ سولتۇستىك تاۋلى ءوڭىرى، قۇمىل قالاسىنىڭ سولتۇستىك بولەگى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى (تاۋلى وڭىردە قار جاۋادى)، مۇنىڭ ىشىندە ىلە اڭعارى، بۇراتالا موڭعۇل اۆتونوميالى وبلىسى، تارباعاتاي ايماعىنىڭ سولتۇستىگى، التاي ايماعى، ءۇرىمجى قالاسىنىڭ تاۋلى ءوڭىرى، سانجى حۇيزۋ اۆتونوميالى وبلىسىنىڭ تاۋلى ءوڭىرى، قاشقار ايماعىنىڭ وڭتۇستىگىندەگى تاۋلى وڭىرلەر، قۇمىل قالاسىنىڭ سولتۇستىگىندەگى تاۋلى وڭىرلەر قاتارلى جەرلەردىڭ ءبىر ءبولىم وڭىرلەرىندە ورتاشادان باستاپ قالىڭ جاڭبىر جاۋادى نەمەسە قار جاۋادى، تاۋلى وڭىرلەردىڭ ءىشىنارا جەرلەرىندە قالىڭ قار جاۋادى. جوعارىدا ايتىلعان وڭىرلەر مەن شىعىس شينجياڭدا باتىس سولتۇستىكتەن 5 بال شاماسىندا جەل سوعادى، جەل وتتەرىندە جەل كۇشى 9 بال اينالاسىندا بولادى، وتكىنشى جەل 10 دا 11 بال بولادى. وسى اپتانىڭ باسقا كەزدەرىندە بۇكىل شينجياڭنىڭ جەر – جەرىندە نەگىزىنەن كۇن اشىق بولادى.