جۇڭگو گۋاڭدا توبى جارنا سەرىكتىگىنىڭ بۇرىنعى باس جوراسى لي شياۋپىڭنىڭ پارا الۋ دەلوسى جونىندە ءبىرىنشى سوت اشىلدى

شينحۋا اگەنتتىگىنىڭ 10 – ايدىڭ 28 - كۇنى حاربيننەن بەرگەن حابارى. 10 – ايدىڭ 28 –كۇنى حيلۇڭجياڭ ولكەسى داچيڭ قالالىق ورتا دارەجەلى حالىق سوت مەكەمەسى جۇڭگو گۋاڭدا توبى جارنا سەرىكتەستىگى پارتكومىنىڭ بۇرىنعى شۋجيى، باس جوراسى لي شياۋپىڭنىڭ پارا الۋ دەلوسىنا ءبىرىنشى سوتتا اشىق سوت اشتى.

داچيڭ قالالىق حالىق پروكۋراتۋراسى بىلاي دەپ ارىز - شاعىم بەردى: 1994 – جىلدان 2021 – جىلعا دەيىن ايىپكەر لي شياۋپىڭ جۇڭگو ونەركاسىپ - ساۋدا بانكەسى حىنان ولكەسى جىڭجوۋ قالالىق بولىمشە بانكەسى پارتكومىنىڭ شۋجيى، بانكە باستىعى، جۇڭگو ونەركاسىپ - ساۋدا بانكەسى بەيجيڭ قالالىق بولىمشە بانكەسى پارتكومىنىڭ شۋجيى، بانكە باستىعى، جۇڭگو ونەركاسىپ - ساۋدا بانكەسى شەكتى جارنا سەرىكتىگى پارتكومىنىڭ مۇشەسى، ورىنباسار بانكە باستىعى، اتقارۋشى القاسى، ساۋداگەر شاقىرۋ مەكەمەسى توبى شەكتى سەرىكتىگى پارتكومنىڭ ورىنباسار شۋجيى، باس مەڭگەرۋشىسى، ورىنباسار باس القاسى، جۇڭگو گۋاڭدا توبى جارنا سەرىكتىگى پارتكومىنىڭ شۋجيى، باس القاسى قاتارلى مىندەتىندەگى قولايلىلىقتار مەن قىزمەت ۇقىعى نەمەسە ورنى قالىپتاستىرعان قولايلى شارت – جاعدايدان پايدالانىپ، كوپتەگەن ورىندار مەن جەكەلەردىڭ سەرىكتەستىكتىڭ قارجىسىن اينالىمعا ءتۇسىرۋ، قارىز اقشا بەرۋ، كاسىپتى كوتەرمەگە الۋ، جۇمىسشى - قىزمەتكەرلەردى قابىلداۋ سياقتى ىستەرىنە كومەكتەسىپ، جوعارىدا ايتىلعان ورىندار مەن جەكەلەردىڭ بەرگەن مال - مۇلكىن تىكەلەي نەمەسە باسقالار ارقىلى قابىلداعان، جالپى حالىق اقشاسىنا سىندىرعاندا 60 ميلليون 430 مىڭ يۋاننان اسقان. پروكۋراتۋرا ورگانى پارا الۋ قىلمىسى بويىنشا لي شياۋپىڭنىڭ قىلمىستىق ىستەر جاۋاپكەرشىلىگىن قۋزاستىرۋدى ۇسىنىس ەتتى.

پروكۋراتۋرا ورگانى قاتىستى دالەل - سىپاتتاردى كورسەتتى، ايىپكەر لي شياۋپىڭ مەن ونىڭ اقتاۋشىسى فاكت كورسەتتى، ايىپتاۋشى مەن اقتاۋشى ەكى جاق سوتتىڭ باسقارۋىندا تولىق پىكىر ايتتى، لي شياۋپىڭ سوڭعى ءسوزىن سويلەدى، سوت ۇستىندە قىلمىسىن تانىپ، وكىنەتىندىگىن ءبىلدىردى.

ەڭ سوڭىندا سوت ءۇزىلىس جاساعانىن، سوت ۇكىمىن سوڭىنان جاريالايتىندىعىن ايتتى.

حالىق قۇرىلتايى ۋاكىلدەرىنەن، ساياسي كەڭەس مۇشەلەرىنەن جانە ءار سالا بۇقاراسىنان 20 نەشە ادام سوت تەرگەۋىن سىرتتاي تىڭدادى.

كەلۋ قاينارى: حالىق تورابى