بيىل قىستا شينجياڭنىڭ سولتۇستىگىندە ءبىر مەزگىل تەمپەراتۋرا قاتتى تومەندەپ، كۇشتى قار جاۋۋى مۇمكىن

10 – ايدىڭ 29 – كۇنى تۇستەن كەيىن، جۇڭگو اۋا رايى مەكەمەسى كەزەكتى اقپار جاريالاۋ ءماجىلىسىن اشىپ، 10 – ايداعى بۇكىل ەلدىڭ اۋا رايى ەرەكشەلىگىن، 11 – ايداعى كليمات بەتالىسىن مەجەلەۋ جانە اۋا رايىنا قىزمەت وتەۋ ەسكەرتۋىن جاريالادى. اقپار جاريالاۋ ءماجىلىسىنىڭ حابارىنا قاراعاندا، بيىل قىس ماۋسىمىندا شينجياڭنىڭ سولتۇستىك بولەگى قاتارلى جەرلەردە ءبىر مەزگىل تەمپەراتۋرا قاتتى تومەندەپ، كۇشتى قار جاۋۋى مۇمكىن، الدىن الا ساقتانۋدى كۇشەيتۋ كەرەك.

11 - ايداعى كليمات بەتالىسى جونىندەگى بولجام: شينجياڭنىڭ سولتۇستىگىندە جاۋىن – شاشىن كوبىرەك بولۋى مۇمكىن، تەمپەراتۋرانىڭ تومەندەۋى مەن جاۋىن - شاشىننىڭ قاتىناس، ەنەرگيا، ەلەكتر قۋاتى، دەنساۋلىق اقاۋسىزدىعىنا جاسايتىن ىقپالىنان ساقتانۋعا تۋرا كەلەدى، قاتىستى تاراۋلاردىڭ تاسجول، تەمىر جول، اۋەجاي جانە قالا قاتىناسىن جونگە سالۋ جانە شۇعىل جاعدايعا توتەپ بەرۋ قىزمەتىن كۇشەيتۋىن ۇسىنىس ەتەمىز. تومەن تەمپەراتۋرالى، جاۋىن – شاشىندى اۋا رايى تىنىس جۇيەسى مەن قان اينالىسى جۇيەسىندەگى اۋرۋلاردى كوپ پايدا قىلادى نەمەسە حاۋىپ - قاتەر تۋدىرادى، ءالسىز ادامدار جەلدەن ساقتانىپ، جىلۋ ساقتاۋ شارالارىن ويداعىداي ىستەۋ كەرەك.

مەجەمەن بيىل قىستا (2024 – جىلى 12 - ايدان 2025 – جىلى 2 – ايعا دەيىن) بۇكىل ەلدەگى باسىم كوپ وڭىرلەردىڭ اۋا تەمپەراتۋراسى جىل بويى ۇقساس مەزگىلدەگىدەن جوعارى بولادى، ءبىراق ماۋسىم ىشىندەگى اۋا تەمپەراتۋراسىنىڭ ورلەۋى كورنەكتى بولىپ، تەمپەراتۋرانىڭ مەزەتتىك كۇشتى تومەندەۋ مۇمكىندىگى زور بولادى. بيىل قىستا، شينجياڭنىڭ سولتۇستىگىندە ءبىر مەزگىل تەمپەراتۋرا قاتتى تومەندەپ، كۇشتى قار جاۋۋى مۇمكىن، اۋىل شارۋاشىلىق تاراۋلارىنىڭ قۇرىلعىلى اۋىل شارۋاشىلىعى مەن مال شارۋاشىلىعىنىڭ ۇسىك اپاتىنان، قار اپاتىنان جانە بوران اپاتىنان ساقتانۋدى كۇشەيتۋىن، قاتىناس تاراۋلارىنىڭ تومەن تەمپەراتۋراعا، كۇشتى قارلى بوران اپاتى حاۋىپ - قاتەرىنە توتەپ بەرۋ جوباسىن ويداعىداي جاساۋىن، قاتىستى تاراۋلاردىڭ اپاتتى باقىلاۋ، ساقتاندىرۋ ينفورماتسياسىنا نەگىزدەلىپ، جابدىقتاردى دايىنداپ، مۇز تازالاۋ، جولدىڭ قارىن تازالاۋ سياقتى قورعاۋ، جوندەۋ قىزمەتىن دەر كەزىندە ويداعىداي ىستەۋىن ۇسىنىس ەتەمىز. ءىشىنارا وڭىرلەردە جىلۋمەن قامداۋ، ەنەرگيا ىستەتۋ قاجەتى تاريحتاعى ۇقساس مەزگىلدەگىدەن جوعارى بولۋى مۇمكىن، سونداي - اق ەنەرگيا پايدالانۋدىڭ كەزەڭدىك شىرقاۋ شەگى جارىققا شىعۋى مۇمكىن، قىس ماۋسىمىندا سۋىقتان ساقتانىپ، جىلۋمەن قامداۋعا قاجەتتى ەنەرگيا جانە زات زاپاسى قىزمەتىن الدىن الا ويداعىداي ىستەۋدى ۇسىنىس ەتەمىز.

كەلۋ قاينارى: حالىق تورابى