ءبىر التىن، ءبىر كۇمىس، ءبىر مىس مەدال! مەملەكەتتىك ەرلەر بوكس اعا جۇلدەگەرلىك جارىسىندا شينجياڭ كومانداسى مول تابىسقا قول جەتكىزدى

10 - ايدىڭ 27 – كۇنى، 2024 - جىلعى مەملەكەتتىك ەرلەر بوكس اعا جۇلدەگەرلىك جارىسى حاينان ولكەسىنىڭ بايشا ليزۋ اۆتونوميالى اۋدانىنداعى مەملەكەتتىك وڭتۇستىك جاتتىعۋ بازاسىندا جابىلدى. شينجياڭ بوكس كومانداسى وسى رەتكى جارىستا ءبىر التىن مەدال، ءبىر كۇمىس مەدال، ءبىر قولا مەدال جانە 5 بەسىنشى بولۋداي ناتيجەگە قول جەتكىزدى.

مەملەكەتتىك اعا جۇلدەگەرلىك جارىسى — ەل ىشىندەگى بوكىستىڭ ەڭ جوعارى دەڭگەيدەگى جارىسى، وسى رەتكى جارىس ءارى ەرلەر بوكس نىسانىنىڭ وسى جىلعى اياقتالۋ جارىسى. 2025 - جىلعى 15 - كەزەكتى مەملەكەتتىك سپورت جارىسىنىڭ بوكس ءتۇرىنىڭ دايىندىق جارىسىنىڭ باستاۋ الدىندا تۇرعان جاعدايدا، وسى رەتكى اعا جۇلدەگەرلىك جارىسىنا ەل ىشىندەگى ءارقايسى ولكەلەردىڭ بارلىعى نەگىزگى كۇشتەرىن شىعاردى، 37 كوماندا، 600 دەن استام سپورتشى جارىسقا قاتىناستى.

شينجياڭ بوكس كومانداسى وسى رەت 16 سپورتشى جىبەردى، توقتاربەك تاڭاتقان ۇلى قاتارلى 3 ادام جارىستان كەيىن جارىستان سوڭعى قالپىنا كەلۋ جانە جارالانۋ، اۋرۋ سەبەپتى جارىسقا قاتىناسپادى، باسقا ءبىرىنشى شەپتەگى نەگىزگى كۇشتەر تۇگەلدەي جارىسقا قاتىناستى.

ابدىرەشيت راميلا 92 كيلوگرامنان جوعارى دارەجە ىشىندە ىلگەرىندى - كەيىندى شاندۇڭدىق سپورتشى ۋاڭ شىشين، حىناندىق سپورتشى گى شىچاڭ قاتارلى سپورتشىلاردى جەڭىپ، شەشۋشى جارىسقا ءساتتى قادام تاستادى. شەشۋشى جارىستا، كونە ارىپتەسى حيلۇڭجياڭدىق سپورتشى ۋاڭ جىباۋمەن كەزدەستى، ابدىرەشيت جارىس مايدانىندا بەلسەندى دە ىرىقتى بولىپ، ەكىنشى كەزدەسۋدە قارسىلاسىن ۇرىپ جىعىپ، ەڭ سوڭىندا مۇلدە باسىمدىلىقپەن اتالعان دارەجە بويىنشا التىن مەدالدى قانجىعالادى.

بۇدان سىرت، ونىڭ ارىپتەسى ەلقۇت قاھار 75 كيلوگرامدىق دارەجە بويىنشا شەشۋشى جارىستا حىناندىق سپورتشى جاۋ مىڭياڭنان جەڭىلىپ، ءبىر كۇمىس مەدالعا يە بولدى. ەرداۋلەت مەيرانبەك 71 كيلوگرامدىق دارەجە بويىنشا ءبىر قولا مەدالعا يە بولدى.

كەلۋ قاينارى: حالىق تورابى