دۇنيە جۇزىلىك دەنساۋلىق ساقتاۋ ۇيىمى دۇنيە جۇزىلىك دەنساۋلىق ساقتاۋ سالاسىنداعى شۇعىل قىزمەت اترەتىن قۇرىپ، مايمىل شەشەگى ىندەتىنە توتەپ بەرەدى 

شينحۋا اگەنتتىگىنىڭ ءتىلشىسى زىڭ يان 10 – ايدىڭ 30 – كۇنى جەنەۆادان حابارلايدى. دۇنيە جۇزىلىك دەنساۋلىق ساقتاۋ ۇيىمى 10 – ايدىڭ 29 – كۇنى اقپاراتتىق مالىمدەمە جاريالادى، اتالعان ۇيىم جانە ونىڭ سەلبەستىك سەرىكتەرى 10 – ايدا تۇڭعىش رەت دۇنيە جۇزىلىك دەنساۋلىق ساقتاۋ سالاسىنداعى شۇعىل قىزمەت اترەتىن قۇرىپ، مايمىل شەشەگى ىندەتىنىڭ ىقپالىنا ۇشىراپ جاتقان ەلدەرگە قولداۋ كورسەتكەن.

مالىمدەمەدە تانىستىرۋعا قاراعاندا، دۇنيە جۇزىلىك دەنساۋلىق ساقتاۋ سالاسىندعى شۇعىل قىزمەت اترەتى كاسىپتىك قىزمەتكەرلەردەن ۇيىمداسقان، ونى ۇيىمداستىرۋداعى ماقسات — قاتىستى مەملەكەتتەردىڭ دەنساۋلىق ساقتاۋ سالاسىنداعى شۇعىل جاعدايلارعا توتەپ بەرۋ قۋاتىن كۇشەيتۋ ءارى قاتىستى مەملەكەتتەر مەن دەنساۋلىق ساقتاۋ سالاسىندعى شۇعىل جاعدايعا توتەپ بەرۋ تورىنا سايكەسەتىن تەكشە ازىرلەۋ.

مايمىل شەشەگى ىقپال جاساعان 8 مەملەكەتتىڭ شۇعىل جاعدايعا توتەپ بەرۋ قۋاتىنا ساراپتاما جۇرگىزۋ ارقىلى دۇنيە جۇزىلىك دەنساۋلىق ساقتاۋ ۇيىمىنىڭ شۇعىل قىزمەت اترەتى قازىرگە دەيىن كۇشەيتۋدى قاجەت ەتەتىن 22 سالانى تۇراقتاندىرعان، بۇل سالالار ەپيدەميولوگيالىق باقىلاۋ، تاجىريبەحانا قۋاتى، جۇعىمدالۋدان ساقتانۋ جانە تەجەۋ، حاۋىپ – قاتەر تۋرالى ءوزارا حابارلاسۋ جانە الەۋمەتتىك اۋماقتىڭ قاتىناسۋى قاتارلى جاقتاردى قامتيدى. 10 – ايدىڭ 17 – كۇنىنە دەيىن، دۇنيە جۇزىلىك دەنساۋلىق ساقتاۋ ۇيىمى مايمىل شەشەگى ىندەتىنىڭ ىقپالىنا ۇشىراعان مەملەكەتتەرگە 56 مامان جىبەرگەن.

دۇنيە جۇزىلىك دەنساۋلىق ساقتاۋ ۇيىمىنىڭ شۇعىل نىسانداردى اتقارۋعا جاۋاپتى باس مەڭگەرۋشىسى مايكەل رياننىڭ ايتۋىنشا، دۇنيە جۇزىلىك دەنساۋلىق ساقتاۋ ۇيىمى مەن ونىڭ سەلبەستىك سەرىكتەرى قازىر كونگو (كينشاسا) جانە باسقا مەملەكەتتەرگە ناۋقاستاردى انىقتاۋ، ناۋقاستارمەن تىعىز جاناسقانداردى ىزدەۋ، باعىتتامالى ۆاكسينانى ەگۋ، كلينيكالىق جانە وتباسىلىق كۇتىمدەۋ، جۇعىمدالۋدان ساقتانۋ جانە تەجەۋ قاتارلى جاقتاردا جان – جاقتى قولداۋ كورسەتكەن.

مايمىل شەشەگى — ۆيرۋستىق سيپاتتاعى ادامدا دا، مالدا دا بولاتىن اۋرۋ. ادام مايمىل شەشەگىمەن جۇعىمدالعان العاشقى كەزدە قىزۋى ورلەۋ، باسى اۋرۋ، بۇلشىق ەتى سىزداپ اۋرۋ، ارقاسى اۋرۋ، ليمفانىڭ ءىسىپ ۇلعايۋى قاتارلى اۋرۋ بەلگىلەرى بايقالادى، وسىدان سوڭ بەت ءبولىمى مەن دەنەسىنىڭ كوپ جەرىنە بورتكەن شىعادى. كوپ ساندى جۇعىمدالۋشىلار بىرنەشە اپتا ىشىندە ساۋىعادى، الايدا، جۇعىمدالۋشىنىڭ ناۋقاسى اۋىر بولسا، ومىرىنە حاۋىپ توندىرەتىن جاعداي دا تۋىلادى.

كەلۋ قاينارى: حالىق تورابى