سىرتقى ىستەر مينيسترلىگى: جۇڭگو مەن جاپونيانىڭ قارىم – قاتىناسىنىڭ ۇزاق ۋاقىت بويى اقاۋسىز، ورنىقتى دامۋى ەكى ەل حالقىنىڭ ءتۇبىرلى مۇددەسىنە ۇيلەسەدى 

10 – ايدىڭ 28 – كۇنى سىرتقى ىستەر مينيسترلىگىنىڭ مالىمدەمەشىسى لين جيان كەزەكتى تىلشىلەر ءماجىلىسىن باسقارىپ اشتى. ءتىلشى جاپونيانىڭ قاۋىمدى پالاتاسىنىڭ 50 – كەزەكتى سايلاۋى وتكىزىلىپ، جاپونيانىڭ بيلىك باسىنداعى بىرلەستىگىنىڭ پارلامەنتتە جارىمنان استام ورىنعا يە بولا الماعانى تۋرالى سۇراۋ قويدى.

بۇل جونىندە لين جيان مىنانى ءبىلدىردى: ءبىز قاتىستى سايلاۋ ناتيجەسىنە نازار اۋدارىپ وتىرمىز، بۇل جاپونيانىڭ ىشكى ساياساتى، جۇڭگو جاق پىكىر بىلدىرمەيدى.

لين جيان مىنانى اتاپ كورسەتتى: جۇڭگو مەن جاپونيانىڭ قارىم – قاتىناسىنىڭ ۇزاق ۋاقىت بويى اقاۋسىز، ورنىقتى دامۋى ەكى ەل حالقىنىڭ ءتۇبىرلى مۇددەسىنە ۇيلەسەدى، جاپونيا جاقتىڭ جۇڭگو جاقپەن ءبىر باعىتتا قادام باسىپ، جۇڭگو مەن جاپونيانىڭ ءتورت رەتكى ساياسي قۇجاتىنداعى پرينسيپتەر مەن ورتاق تانىمعا بويسۇنىپ، ەكى ەلدىڭ ستراتەگيالىق جاقتاعى ءوزارا تيىمدىلىك جەتكىزەتىن قارىم – قاتىناسىن جالپى بەتتىك ىلگەرىلەتىپ، جۇڭگو مەن جاپونيانىڭ جاڭا ءداۋىردىڭ تالابىنا ۇيلەسەتىن ناتيجەلى دە ورنىقتى قارىم – قاتىناسىن قالىپتاستىرۋعا كۇش سالۋىن ءۇمىت ەتەمىز.

كەلۋ قاينارى: حالىق تورابى