قاتاڭ نارازىلىق بىلدىرەمىز! باتىل قارسى تۇرامىز! جۇڭگو جاق ا ق ش جاقتى بۇل ارەكەتىن دەرەۋ توقتاتۋعا قۋزايدى 

10 – ايدىڭ 28 – كۇنى، ساۋدا مينيسترلىگىنىڭ مالىمدەمەشىسى ا ق ش – نىڭ جۇڭگونىڭ ناقتى تۇلعالارىنا ەكسپورتتى باسقارۋ – تەجەۋ سىندى جازالاۋ شارالارىن اتقارعانى جونىندە ءتىلشىنىڭ سۇراۋىنا جاۋاپ قايتاردى.

ءتىلشى بىلاي دەپ سۇرادى: جۋىردا ا ق ش ساۋدا مينيسترلىگى جۇڭگونىڭ ناقتى تۇلعالارىن ”ناقتى تۇلعالار تىزىمدىگى“، ”ىسپاتتاۋدان وتپەگەندەر تىزىمدىگى“ قاتارلى ەكسپورتتى باسقارۋ – تەجەۋ جاعىنداعى جازالاۋ شارالارىنىڭ تىزىمدىگىنە ەنگىزگەن. جۇڭگو جاق بۇل تۋرالى قانداي پىكىر بىلدىرەدى؟

جاۋاپ: جۇڭگو جاق قاتىستى جاعدايعا نازار اۋدارىپ وتىر. ا ق ش جاق جۋىردا اتالمىش اسكەري ىستەرگە قاتىستى، يرانعا قاتىستى دەگەن سىلتاۋلارمەن جۇڭگونىڭ ناقتى تۇلعالارىنان 6 ورىندى ”ناقتى تۇلعالار تىزىمدىگىنە“ ەنگىزگەن ءارى جۇڭگونىڭ ناقتى تۇلعالارىنان 3 ورىندى ”ىسپاتتاۋدان وتپەگەندەر تىزىمدىگىنە“ ەنگىزگەن. جۇڭگو جاق بۇعان قاتاڭ نارازىلىق بىلدىرەدى، باتىل قارسىلىق بىلدىرەدى.

ۇزاق ۋاقىتتان بەرى، ا ق ش جاق مەملەكەت حاۋىپسىزدىگى دەگەن ۇعىمدى شەكتەن تىس دارىپتەپ، ەكسپورتتى باسقارۋ – تەجەۋ شارالارىن الباتى پايدالانىپ، جۇڭگونى قامتىعان باسقا مەملەكەتتەردىڭ كاسىپورىندارىنا قىسىم جاساپ، تەجەپ، كاسىپورىنداردىڭ زاڭدى ۇقىق – مۇددەسىنە اۋىر دارەجەدە زيان جەتكىزدى، دۇنيە جۇزىلىك كاسىپ سالاسى تىزبەگى مەن قامداۋ تىزبەگىنىڭ حاۋىپسىزدىگى مەن ورنىقتىلىعىن ءبۇلدىردى.

جۇڭگو جاق ا ق ش جاقتى قاتە تاسىلدەرىن دەرەۋ توقتاتۋعا قۋزايدى ءارى قاجەتتى شارالاردى قولدانىپ، جۇڭگو كاسىپورىندارىنىڭ ۇيلەسىمدى ۇقىق – مۇددەسىن باتىل قورعايدى.

كەلۋ قاينارى: حالىق تورابى