بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2024.10.31 13:53 كەلۋ قاينارى : حالىق تورابى
ءتىلشىنىڭ 10 ـ ايدىڭ 30 ـ كۇنى شينجياڭ اۋىل شارۋاشىلىق اۋا رايى ستانسياسىنان ۇعىسۋىنشا، 2024 ـ جىلعى شينجياڭنىڭ تابيعي ءشوپ ءتۇسىمىن مەجەلەۋ ناتيجەسىنە نەگىزدەلىپ، شينجياڭنىڭ پايدالانۋعا بولاتىن جايىلىم كولەمى، مالدىڭ كۇندىك جەم - ءشوپ مولشەرى جانە جايىلىمنان پايدالانۋ مولشەرى سياقتىلارمەن ۇشتاستىرىپ قاراعاندا، مەجەمەن 2024 - جىلعى شينجياڭنىڭ تابيعي جايىلىمىنىڭ جىلدىق مال سيىمدىلىعى 14 ميلليون 97 مىڭ 900 تۇياق (ولشەمدى قوي بىرلىگى) بولىپ، بىلتىرعىدان %27 ارتقان.
قوي بىرلىگى دەگەنىمىز مال شارۋاشىلىق ماۋسىمىندا دەنە سالماعى 40 كيلوگرام كەلەتىن ءبىر ءىرى ساۋلىقتى جانە ونىڭ ەمىزەتىن ءبىر قوزىسىنىڭ ورتا ەسەپپەن ءبىر كۇندە جەيتىن ءشوبىن كورسەتەدى (جاس شوپتەن 5 تە 7.5 كيلوگرام).
بۇل قورىتىندى 2024 – جىلعى جايىلىمنىڭ كوكتەۋ ماۋسىمىنا (4 – ايدان 9 – ايعا دەيىن) نەگىزدەلىپ جاسالعان، مۇندا بۇكىل شينجياڭداعى باسىم كوپ ساندى مال شارۋاشىلىق رايوندارىنىڭ اۋا تەمپەراتۋراسى قالىپسىز جوعارى، جاۋىن - شاشىنى كوبىرەك، كۇن نۇرى از تۇسكەن، اۋا رايى شارت - جاعدايى جالپى جاقتان ءشوپتىڭ وسۋىنە ءتيىمدى بولعان.
شينجياڭ اۋىل شارۋاشىلىعى اۋا رايى ستانسياسىنىڭ ينجەنەرى حۋاڭ جۋان بىلاي دەدى: جايىلىمعا ەكولوگيالىق اۋا رايى شارت ـ جاعدايىن باعالاۋ ارقىلى جايىلىمنىڭ ءوندىرىس قۋاتى مەن مال سيىمدىلىعىن دۇرىس مەجەلەپ، شەكتەن تىس مال باعۋدان تۋىلعان جايىلىمنىڭ تۇياق كەستى بولۋى مەن ەكولوگيانىڭ بۇلىنۋىنەن ساقتانۋعا بولادى. بۇدان سىرت، قاتىستى تاراۋلاردىڭ جايىلىمنىڭ بايلىق جاعدايى مەن اۋقىمدىق وزگەرىس بەتالىسىن دەر كەزىندە يگەرىپ، جايىلىمدى قورعاۋ جانە قالپىنا كەلتىرۋ شارالارىن باعىتتامالى تۇردە بەلگىلەپ، جايىلىمنىڭ تۇياق كەستى بولۋى، توپىراقتىڭ شايىلۋى سياقتى ماسەلەلەردى دەر كەزىندە بايقاپ جانە شەشىپ، جايىلىمنان ءۇرتىس پايدالانۋ مەن ەكولوگيانى قورعاۋدى جەبەۋگە ءتيىمدى.
شينجياڭ اۋىل شارۋاشىلىق اۋا رايى ستانسياسى مىنانى ەسكەرتتى: مال شارۋاشىلىق رايوندارى ءشوپ ساقتاۋ، ماتەريال دايىنداۋ قىزمەتىن مىقتى يگەرۋمەن بىرگە، ەگىس داقىلدارىنىڭ سابان ـ توپانىن دەر كەزىندە تاسىپ، جيناپ الىپ ساقتاپ، مال شارۋاشىلىق رايوندارىندا لايىقتى مولشەردە قولدا قالاتىن مال سانىن ساقتاپ، قىس، كوكتەم ماۋسىمدارىندا قورادا باعۋدى ويداعىداي ىستەۋ كەرەك. سونىمەن بىرگە، قىستا تۋىلاتىن تەمپەراتۋرانىڭ قاتتى تومەندەۋىنەن جانە قار جاۋۋ بارىسىنان ساقتانۋعا كوڭىل ءبولىپ، مالدىڭ قىستان امان وتۋىنە كەپىلدىك ەتۋ كەرەك.
كەلۋ قاينارى: حالىق تورابى
