5 ءتۇرلى كورنەكتى ماسەلەنى ءتۇيىندى تۇردە جونگە سالادى! ورتالىق ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسى ارناۋلى ارەكەت ورىستەتۋ جونىندە ورنالاستىرۋ جاسادى 

ءتىلشىنىڭ 10 – ايدىڭ 31 – كۇنى ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسىنەن ۇعىسۋىنشا، قالا كولەمىنە ارنالعان ايدارشالاردا وڭاي تۋىلاتىن، ءجيى تۋىلاتىن ماسەلەلەردى شوعىرلى تۇردە جونگە سالادى، ينتەرنەت تەكشەلەرىنىڭ نەگىزگى تۇلعالىق جاۋاپكەرشىلىگىن شىنايى تياناقتاندىرىپ، قالا كولەمىنە ارنالعان ايدارشالارداعى ينتەرنەت ەكولوگيالىق ورتاسىن شىنايى پاكتەندىرۋ ءۇشىن، جۋىردا ورتالىق ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسى ۇقتىرۋ باسىپ تاراتىپ، ەلىمىز كولەمىندە 2 ايلىق مەرزىممەن ”پاكتەندىرۋ . قالا كولەمىنە ارنالعان ايدارشالارداعى ينفورماتسيالاردىڭ مازمۇنىندا ورىن تەۋىپ وتىرعان ماسەلەلەردى جونگە سالۋ“ ارناۋلى ارەكەتىن ورىستەتۋ جونىندە ورنالاستىرۋ جاساعان.

ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسىنىڭ قاتىستى جاۋاپتىسىنىڭ ايتۋىنشا، وسى رەتكى ارناۋلى ارەكەت الەۋمەتتىك جەلى، قىسقا كەسكىن، تىكە تاراتىلىم، اقپارات، ەلەكتروندىق ساۋدا، ىزدەۋ قوزعالتقىشتارى، توپتىق ساتىپ الۋ جانە باعا بەرۋ، ۇيلەنۋ – ماحابباتتاسۋ – دوستاسۋ، قاريتا جانە جولجەتەك، ساياحات جانە ءجۇرىس – تۇرىس، جەرگىلىكتى تۇرمىس، اۋا رايى جانە كالەندار، سپورت جانە دەنساۋلىق قاتارلى جاقتارداعى تەكشەلەردەگى قالا (جەرگىلىكتى ورىن) كولەمىنە ارنالعان تىزىمدىكتەردى، ستونداردى، ايدارشالاردى، ارنالاردى، سونداي – اق، جاعراپيالىق ورىنعا نەگىزدەلگەن قالا كولەمىندەگى ءتۇرلى ينفورماتسيالىق مازمۇندارمەن قامدايتىن نەمەسە وسى جاعىندا قىزمەت وتەيتىن جىلجىمالى ينتەرنەتتەگى قولدانىلمالى پروگراممالاردى قامتيدى.

وسى رەتكى ارناۋلى ارەكەت بارىسىندا، باستىسى، 5 ءتۇرلى كورنەكتى ماسەلە جونگە سالىنادى: بىرىنشىدەن، ينتەرنەتتە زۇلىمدىقتى دارىپتەيتىن مازمۇنداردى تاراتۋ. ەكىنشىدەن، ينتەرنەتتە وسەك – اياڭ جانە جالعان ينفورماتسيالادى قۇراستىرۋ. ۇشىنشىدەن، بادىك – دورەكى نىسايداعى مازمۇندار. تورتىنشىدەن، قالا كولەمىندە زاڭعا قايشى ارەكەتتەرگە جەتەلەۋ. بەسىنشىدەن، ينتەرنەتتەگى قولشوقپارلارعا قىزمەت وتەۋ.

كەلۋ قاينارى: حالىق تورابى