ەلىمىزدىڭ ەنەرگيا زاڭى جاسالدى 2025 – جىلى 1 – ايدىڭ 1 – كۇنىنەن باستاپ اتقارىلادى

11 – ايدىڭ 8 – كۇنى، 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 12 – ءماجىلىسى «جۇڭحۋا حالىق رەسپۋبليكاسىنىڭ ەنەرگيا زاڭىن» داۋىسقا سالىپ ماقۇلدادى. بۇل زاڭ 9 تاراۋدان قۇرالعان، ونىڭ باستى مازمۇنى مىنالاردى قامتيدى: جالپى ەرەجە، ەنەرگيا پلانى، ەنەرگيانى اشۋ - پايدالانۋ، ەنەرگيا بازارى جۇيەسى، ەنەرگيا زاپاسى جانە شۇعىل جاعدايعا توتەپ بەرۋ، ەنەرگيا عىلىم - تەحنيكاسىندا جاڭالىق اشۋ، باقىلاۋ - باسقارۋ، زاڭدىق جاۋاپكەرشىلىك، قوسىمشا ەرەجە قاتارلىلار، 2025 – جىلى 1 – ايدىڭ 1 - كۇنىنەن باستاپ اتقارىلادى.

ەنەرگيا زاڭىندا بىلاي دەپ بەلگىلەنگەن: ەنەرگيانىڭ جوعارى ساپالى دامۋىن ىلگەرىلەتۋ، مەملەكەتتىڭ ەنەرگيا حاۋىپسىزدىگىن قامتاماسىزداندىرۋ، ەكونوميكانىڭ، قوعامنىڭ جاسىل، تومەن كومىر قىشقىل گازدى بولۋعا قاراي تيپىن وزگەرتۋ مەن باياندى دامۋىن جەبەۋ، كومىر قىشقىل گازىنىڭ شىعارىلۋىن وركەش مانىنەن اسىرماۋدى، كومىر قىشقىل گازىن بەيتاراپتاۋدى بەلسەنە، ورنىقتى ىلگەرىلەتۋ، جاپپاي سوتسياليستىك وسىزاماندانعان مەملەكەت قۇرۋدىڭ قاجەتىنە ۇيلەسۋ ءۇشىن، نەگىزگى زاڭعا ساي ەنەرگيا زاڭى جاسالدى.

ەنەرگيا زاڭى ەلىمىزدىڭ ەنەرگيا، بايلىق قاينارىنىڭ ءىس جۇزىندىگىن تياناق ەتىپ، ەنەرگيا دامۋىنىڭ جاڭا جاعدايىنا سايكەسىپ، ەنەرگيا سالاسىنداعى نەگىزدىك، كەلەلى ماسەلەلەر جونىندە زاڭ تۇرعىسىنان بەلگىلەمە جاسادى، ول ‐ ەنەرگيا سالاسىنداعى نەگىزدىك، جەتەكشىلىك سيپاتتى زاڭ.

كەلۋ قاينارى: حالىق تورابى