جياڭشي ولكەسى ۋاننيان اۋدانى شاڭفاڭ اۋىلدىق پارتكومنىڭ بۇرىنعى شۋجيى لي پەيشيا ءبىرىنشى سوتتا 3 جىلعا ۇكىم ەتىلدى

شينحۋا اگەنتتىگىنىڭ 11 – ايدىڭ 14 - كۇنى نانچاڭنان بەرگەن حابارى. 11 – ايدىڭ 14 –كۇنى جياڭشي ولكەسى حىڭفىڭ اۋداندىق حالىق سوت مەكەمەسى ۋانشيان اۋدانى شاڭفاڭ اۋىلدىق پارتكومنىڭ بۇرىنعى شۋجيى لي پەيشيانىڭ پارا الۋ دەلوسىنا ءبىرىنشى سوتتا اشىق ۇكىم شىعارىپ، ايىپكەر لي پەيشيانى پارا الۋ قىلمىسى بويىنشا 3 جىلدىق مەرزىمدى قاماۋ جازاسىنا ۇكىم ەتتى، وعان قوسا 200 مىڭ يۋان اقشالاي ايىپ سالدى، ونىڭ پارا الۋ جولىمەن تاپقان مال – مۇلكىن قۋزاپ قايتارىپ الىپ، مەملەكەت قازىناسىنا تاپسىرادى.

قاراۋ ارقىلى مىنالار انىقتالدى: 2019 ـ جىلى 4 ـ ايدان 2024 ـ جىلى 2 ـ ايعا دەيىن، ايىپكەر لي پەيشيا ۋاننيان اۋدانى شاڭفاڭ اۋىلدىق پارتكومنىڭ شۋجيى مىندەتىن وتەۋ قولايلىلىعىنان پايدالانىپ، باسقالارعا قۇرىلىس نىسانىن كوتەرمەگە الۋ، قۇرىلىس اقشاسىن بەرۋ سياقتى ىستەردە پايدا جەتكىزىپ، باسقالاردان جيىنى ءبىر ميلليون 650 مىڭ يۋان حالىق اقشاسىن زاڭسىز قابىلداعان.

حىڭفىڭ اۋداندىق حالىق سوت مەكەمەسى قاراۋ ارقىلى ايىپكەر لي پەيشيانىڭ ارەكەتى پارا الۋ قىلمىسىنا جاتادى، ونى زاڭ بويىنشا جازالاۋ كەرەك دەپ قارادى. لي پەيشيانىڭ سوتقا كەلگەننەن كەيىن قىلمىسىن قاز - قالپىندا مويىنداعاندىعى، قىلمىسىنا وكىنىپ، پوزيتسياسى جاقسى بولعاندىعى، ارام ولجانى بەلسەنە قايتارعاندىعى، پارا الىپ تاپقان مال - مۇلىكتەرىنىڭ تۇگەلدەي قايتارىپ الىنعاندىعى، زاڭدا بەلگىلەنگەن جەڭىل جازا بەرىلەتىن جاعدايعا سايكەسەتىن بولعاندىقتان، زاڭ بويىنشا جەڭىل جازالاۋعا بولادى. سوت مەكەمەسى جوعارىداعىداي ۇكىم شىعاردى. ايىپكەر لي پەيشيا سوتتا ۇكىمگە بويسۇناتىندىعىن ءبىلدىردى.

ايىپكەردىڭ تۋىس - تۋعاندارىنان، حالىق قۇرىلتايى ۋاكىلدەرىنەن، ساياسي كەڭەس مۇشەلەرىنەن، اقپارات قۇرالدارىنىڭ تىلشىلەرىنەن جانە ءار سالا بۇقاراسىنان 30 نەشە ادام ۇكىمدى سىرتتاي تىڭدادى.

كەلۋ قاينارى: حالىق تورابى