”تۋىندامالى الۋمين بولشەكتەرى“ كادىكتى ەكەن، گۋاڭجوۋ كەدەن مەكەمەسى شەتەلدەن ەنگىزىلگەن 51.77 توننا قوقسىقتى تەكسەرىپ انىقتادى 

”كەدەن اقپاراتتارى“ ۋيشين تەكشەسىنىڭ حابارلاۋىنشا، جۋىردا گۋاڭجوۋ كەدەن مەكەمەسىنە قاراستى فوشان كەدەن مەكەمەسىنىڭ قىزمەتكەرلەرى ”تۋىندامالى الۋمين بولشەكتەرى“ دەگەن اتپەن يمپورت ەتىلگەن زاتتاردى تەكسەرگەن كەزدە، وسى توپتاعى زاتتاردىڭ اراسىنا كوپ مولشەردەگى جاراقسىز سۋلياۋ، جاراقسىز كاۋچۇك، كونە نۇسقاداعى ەلەكتر تىزبەگى تاقتاسى قاتارلى زاتتار ارالاستىرىلعانىن بايقاعان. الىنعان ۇلگىنى تەحنيكالىق قۇرىلىمداردىڭ ساراپتاۋىنا جىبەرۋ ارقىلى جوعارىداعى زاتتاردىڭ مەملەكەت شەتەلدەن يمپورت ەتۋگە تيىم سالعان قوقسىقتار ەكەنى تۇراقتاندىرىلدى، بۇل قوقسىقتاردىڭ سالماعى 51.77 توننا ەكەن.

قازىر كەدەن مەكەمەسى زاڭ بويىنشا وسى توپتاعى زاتتاردى كەرى تاسىمالداۋعا بۇيرىق بەرۋ جولىمەن ءبىرجاقتى ەتكەن.

كەدەن مەكەمەسى مىنانى ەسكەرتەدى: ەلىمىز شەتەلدەن ءارقانداي فورمامەن قوقسىق يمپورت ەتۋگە تيىم سالادى، شەتەلدىڭ قوقسىقتارىن ەلىمىزگە اكەلىپ توگۋگە، ۇيۋگە، ءبىرجاقتى ەتۋگە تيىم سالىنادى، قاتىستى بەلگىلەمەلەرگە قايشى كەلگەندەرگە «جۇڭحۋا حالىق رەسپۋبليكاسىنىڭ قاتتى قوقسىقتارمەن ورتانى لاستاۋدان ساقتانۋ جانە ونى جونگە سالۋ زاڭى» قاتارلى زاڭ – تۇزىمدەردەگى بەلگىلەمەلەرگە ساي، كەدەن مەكەمەسى كەرى تاسىمالداۋعا بۇيرىق بەرەدى ءارى اقشالاي ايىپ سالادى؛ قىلمىس قالىپتاستىرعانداردىڭ قىلمىستىق ىستەر بويىنشا زاڭدىق جاۋاپكەرشىلىگى قۋزاستىرىلادى.

كەلۋ قاينارى: حالىق تورابى