شي جينپيڭ ۋرۋگۆايدىڭ سايلانعان زۇڭتۇڭى ورسيگە قۇتتىقتاۋ تەلەگرامماسىن جولدادى

شينحۋا اگەنتتىگى، 11 - ايدىڭ 28 - كۇنى، بەيجيڭ. 11 - ايدىڭ 27 - كۇنى مەملەكەت ءتوراعاسى شي جينپيڭ ورسيگە تەلەگرامما جولداپ، ونىڭ ۋرۋگۆاي شىعىس جاعالاۋ رەسپۋبليكاسىنىڭ زۇڭتۇڭى بولىپ سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن ۋرۋگۆاي − ءبىر - بىرىنە سەنەتىن جاقسى دوستار، سەلبەسىپ تەڭ يگىلىككە كەنەلەتىن جاقسى سەرىكتەر. ديپلوماتيالىق قارىم - قاتىناس ورناتقان 36 جىلدان بەرى ەكى ەل ءوزارا قۇرمەت ەتۋگە، تەڭ تۇرعىدا مامىلە جاساۋعا، ءوزارا پايدا جەتكىزىپ، تەڭ يگىلىككە كەنەلۋگە باستان - اياق تاباندى بولىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى باتىل قولداپ، ءار سالاداعى ناقتى سەلبەستىكتە سۇبەلى تابىستارعا قول جەتكىزىپ، ەكى ەل حالىقتارىنىڭ دوستىعى جۇرت جۇرەگىنە تەرەڭ ۇيالادى. مەن جۇڭگو - ۋرۋگۆاي قارىم - قاتىناسىنىڭ دامۋىنا ايرىقشا ءمان بەرەمىن، سايلانعان زۇڭتۇڭ ورسيمەن بىرگە قۇلشىنىپ، جۇڭگو - ۋرۋگۆاي دوستىعىن جالعاستىرىپ، جۇڭگو مەن ۋرۋگۆايدىڭ جان - جاقتى ستراتەگيالىق سەرىكتەستىك قارىم - قاتىناسىنىڭ اناعۇرلىم كوپ جەتىستىكتەرگە قول جەتكىزۋىن ىلگەرىلەتىپ، ەكى ەل حالىقتارىن اناعۇرلىم ويداعىداي باقىتقا كەنەلتۋدى قالايمىن.

سول كۇنى مەملەكەت ءتوراعاسىنىڭ ورىنباسارى حان جىڭ ۋرۋگۆاي زۇڭتۇڭىنىڭ ورىنباسارى بولىپ سايلانعان گاۋسكە قۇتتىقتاۋ تەلەگرامماسىن جولدادى.

كەلۋ قاينارى: حالىق تورابى