قۇدىرەتتى، وسىزاماندانعان ينفورماتسيالىق كومەك قوسىنىن قۇرۋعا كۇش سالىپ، ارميامىزدىڭ تور - ينفورماتسيا جۇيەسى قۇرىلىسىنىڭ قارىشتاپ دامۋىن ىلگەرىلەتۋ كەرەك

12 - ايدىڭ 4 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ينفورماتسيالىق كومەك ءبولىمىن كوزدەن كەشىرىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان ينفورماتسيالىق كومەك ءبولىمىنىڭ 1 - رەتكى پارتيا قۇرىلتايىنىڭ اشىلعاندىعىن قىزۋ قۇتتىقتادى، ينفورماتسيالىق كومەك بولىمىندەگى بارشا وفيتسەر - اسكەردەن ىقىلاسپەن حال سۇرادى. سۋرەتتە: شي جينپيڭ ماڭىزدى ءسوز سويلەۋدە.

سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

12 - ايدىڭ 4 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ينفورماتسيالىق كومەك ءبولىمىن كوزدەن كەشىرىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان ينفورماتسيالىق كومەك ءبولىمىنىڭ 1 - رەتكى پارتيا قۇرىلتايىنىڭ اشىلعاندىعىن قىزۋ قۇتتىقتادى، ينفورماتسيالىق كومەك بولىمىندەگى بارشا وفيتسەر - اسكەردەن ىقىلاسپەن حال سۇرادى. سۋرەتتە: شي جينپيڭ ۋاكىلدەرمەن ىقىلاسپەن قول الىسۋدا.

سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

شينحۋا اگەنتتىگى، 12 - ايدىڭ 5 - كۇنى، بەيجيڭ (ءتىلشى مەي چاڭۋەي). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 12 - ايدىڭ 4 - كۇنى ينفورماتسيالىق كومەك ءبولىمىن كوزدەن كەشىرىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان ينفورماتسيالىق كومەك ءبولىمىنىڭ 1 - رەتكى پارتيا قۇرىلتايىنىڭ اشىلعاندىعىن قىزۋ قۇتتىقتادى، ينفورماتسيالىق كومەك بولىمىندەگى بارشا وفيتسەر - اسكەردەن ىقىلاسپەن حال سۇرادى. ول بىلاي دەپ باسا دارىپتەدى: جاڭا داۋىردەگى ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، بورىش ارقالاۋدى كۇشەيتىپ، باتىلدىقپەن جاڭالىق اشىپ، ناتيجە جاراتىپ، اسكەري ءبولىمنىڭ نەگىزىن بەكەمدەپ، قۇدىرەتتى وسىزاماندانعان ينفورماتسيالىق كومەك ءبولىمىن قۇلشىنا قۇرىپ، ارميامىزدىڭ تور - ينفورماتسيا جۇيەسى قۇرىلىسىنىڭ قارىشتاپ دامۋىن ىلگەرىلەتۋ كەرەك.

ينفورماتسيالىق كومەك ءبولىمى − ارميا، اسكەر تۇرلەرىنىڭ قۇرىلىمىن رەتتەۋ، رەفورمالاۋ بارىسىندا جاڭادان قۇرىلعان ستراتەگيالىق سيپاتتى اسكەر ءتۇرى، شي جينپيڭ بيىل 4 - ايدا ينفورماتسيالىق كومەك بولىمىنە ءوزى ارميا تۋىن تاپسىردى ءارى ءتالىم بەردى.

تۇستەن بۇرىن ساعات 10 مولشەرىندە شي جينپيڭ ينفورماتسيالىق كومەك ءبولىمى ورگانىنا كەلىپ، شاتىرلاعان شاپالاق ءۇنى ىشىندە ينفورماتسيالىق كومەك ءبولىمى 1 - رەتكى پارتيا قۇرىلتايىنىڭ بارلىق ۋاكىلىن ىقىلاسپەن قابىلداپ، كوپشىلىكپەن توپتىق ەستەلىك سۋرەتكە ءتۇستى.

وسىدان كەيىن شي جينپيڭ ينفورماتسيالىق كومەك ءبولىمىنىڭ قىزمەت مالىمەتىن تىڭدادى ءارى ماڭىزدى ءسوز سويلەدى. ول بىلاي دەپ اتاپ كورسەتتى: قازىر جاڭا كەزەكتى عىلىم - تەحنيكا توڭكەرىسى مەن اسكەري ىستەر توڭكەرىسى ۇشقان قۇستاي دامىپ، سوعىس فورماتسياسى جەدەل وزگەرىپ، تور - ينفورماتسيا جۇيەسىنىڭ وسىزامانعى سوعىستاعى ورنى مەن رولى بۇرىن بولىپ كورىلمەگەن دارەجەدە كورنەكتىلەندى. ينفورماتسيالىق كومەك ءبولىمى − ەڭ اۋەلى، جاۋىنگەر قوسىن، ارميانى قۇدىرەتتەندىرۋ، سوعىستا جەڭىسكە جەتۋ تۇرعىسىنان، تور - ينفورماتسيا جۇيەسى قۇرىلىسىنىڭ توتەنشە ماڭىزدىلىعىن، ارقالاعان تاريحي اۋىر مىندەتىن تولىق تانىپ، تور - ينفورماتسيا جۇيەسى قۇرىلىسى مەن قىزمەت وتەۋ، سوعىسقا دايىندالۋ، سوعىس جۇرگىزۋ قابىلەتىن جەدەل دامىتۋ كەرەك.

شي جينپيڭ بىلاي دەپ باسا دارىپتەدى: يدەيانى ازات ەتۋگە، شىندىقتى ءىس جۇزىنەن ىزدەۋگە، داۋىرمەن بىرگە العا باسۋعا تاباندى بولىپ، ءبىر تۇتاس جوسپارلاۋدى كۇشەيتىپ، دامۋ ۇلگىسىندە جاڭالىق اشىپ، امالياتتا بەلسەنە ىزدەنىس جاساپ، تور - ينفورماتسياسى جۇيەسى قۇرىلىسىنىڭ ءتۇرلى قىزمەتتەرىن تىڭعىلىقتى ويداعىداي ىستەۋ كەرەك. نازاردى سوعىس جۇرگىزە الۋعا، جەڭىستى سوعىس جۇرگىزۋگە شوعىرلاندىرىپ، ينفورماتسيالىق قىزمەت وتەۋدى قامتاماسىز ەتۋ ءتاسىلىن ساپالىلاندىرىپ، تور - ينفورماتسياسى الەۋمەتتىك قىزمەت وتەۋ تۇعىرى قۇرىلىسىن تەز، ورنىقتى قاداممەن ىلگەرىلەتىپ، ءتۇرلى ساندى مالىمەت ينفورماتسيالارىن توعىستىرا ويداعىداي پايدالانىپ، تور - ينفورماتسياسى حاۋىپسىزدىگىنە، قورعانۋىنا وسكەلەڭ ءمان بەرىپ، توعىسۋ جۇيەسىن، قوزعاۋشى جۇيەنى، قۋات ۇستەۋ جۇيەسىن جەدەلدەتىپ، قولباسشىلىق ۇلگىسىندە جاڭالىق اشۋعا، سوعىس جۇرگىزۋ تاسىلىندە بۇرىلىس جاساۋعا جەتەكشىلىك ەتۋ كەرەك. رەفورما مىندەتتەرىنىڭ تياناقتانۋىن ۇزدىكسىز ىلگەرىلەتىپ، قىزمەت اينالىمى مەحانيزمىن ورناتىپ، اقاۋسىزداندىرىپ، قاتىستى زاڭ - ەرەجەلەردى، تۇزىمدەردى سايكەستىرىپ كەمەلدەندىرىپ، بىرگە قۇراتىن، بىرگە پايدالاناتىن، بىرگە يگىلىكتەنەتىن تاماشا ەكولوگيا قالىپتاستىرىپ، تور - ينفورماتسيا جۇيەسى قۇرىلىسىنىڭ ساپاسى مەن ونىمدىلىگىن جوعارىلاتۋ كەرەك.

شي جينپيڭ بىلاي دەپ اتاپ كورسەتتى: ينفورماتسيالىق كومەك ءبولىمى العاشقى قۇرىلۋ مەزگىلىندە تۇر، ءوز قۇرىلىسىن جاپپاي كۇشەيتىپ، نەگىز قالاۋ، ۇزاق بولاشاققا تيىمدىلىك جاساۋ قىزمەتىن جاقسى ىستەۋگە ءمان بەرىپ، ءبولىمنىڭ دامۋ نەگىزىن بەكەمدەۋى كەرەك. ورتالىق اسكەري ىستەر كوميتەتى ساياسي قىزمەت ءماجىلىسىنىڭ رۋحىن ىشكەرىلەي دايەكتىلەندىرىپ، پارتيانىڭ ارمياعا شارتسىز باسشىلىعى سىندى ءتۇبىرلى پرينسيپ پەن تۇزىمگە تاباندى بولىپ، پارتيانىڭ جاسامپاز نازارياسىمەن قارۋلانۋدى كۇشەيتىپ، يدەيالىق تامىردى مىقتاپ يگەرە وتىرىپ يدەيالىق ستيل دۇرىستاۋدى تەرەڭدەتىپ، ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، ءبولىمنىڭ شارتسىز ادالدىعىنا، شارتسىز كىرشىكسىزدىگىنە، شارتسىز سەنىمدىلىگىنە شىنايى كەپىلدىك ەتۋ كەرەك. ينفورماتسيالىق كومەك ءبولىمىنىڭ تۇڭعىش كەزەكتى پارتكومى شارۋاشىلىق قۇرۋ تانىمى مەن ءورىس اشۋ رۋحىن كۇشەيتىپ، العاشقى جاۋاپكەرشىلىكتى ارقالاپ، ءار دارەجەلى پارتكوم باسشىلىق القاسىن ءدال تاڭداپ، كۇشەيتىپ، ءبىرىنشى شەپ قولباسشىلىق شتابى مەن ءبىرىنشى شەپتەگى جاۋىنگەرلىك قامالدى كۇشەيتىپ، پارتيا ۇيىمىنىڭ باسشىلىق قابىلەتىن، ۇيىمداستىرۋ قابىلەتىن، اتقارۋ قابىلەتىن جوعارىلاتۋى كەرەك. تۇتاس تىزبەكتى مىقتى يگەرۋ، قۇرۋ ۇستانىمىن دايەكتىلەندىرىپ، دارىندىلاردى تاربيەلەۋ ۇلگىسىندە جاڭالىق اشىپ، جوعارى ساپالى، ماماندانعان تور - ينفورماتسيا دارىندىلارى شەبىن قالىپتاستىرۋ كەرەك. قۇرۋدى دالمە - ءدال يگەرۋگە تاباندى بولىپ، عىلمي باسقارۋدى كۇشەيتىپ، تۇرلەر بويىنشا جەتەكشىلىك ەتۋگە ءمان بەرىپ، نەگىزگى ساتى قۇرىلىسىن تىڭعىلىقتى ويداعىداي يگەرىپ، اسكەري ءبولىمنىڭ جۇيەلى ءتارتىبى مەن حاۋىپسىزدىگىن، ورنىقتىلىعىن ساقتاۋ كەرەك.

شي جينپيڭ سوڭىندا بىلاي دەپ باسا دارىپتەدى: ورتالىق اسكەري ىستەر كوميتەتى جالپى جاعدايدى ءبىر تۇتاس جوسپارلاۋدى كۇشەيتىپ، اسكەري ىستەر كوميتەتى ورگانىنىڭ قاتىستى تاراۋلارى ىرىقتىلىقپەن الدىڭعى شەپتە تۇرىپ جەتەكشىلىك ەتۋى، ءارقايسى ورىندار بەلسەنە سايكەسىپ، سەلبەسىپ، ينفورماتسيالىق كومەك ءبولىمىن بىرگە ويداعىداي قۇرىپ، ارميامىزدىڭ تور - ينفورماتسيا جۇيەسى قۇرىلىسىنىڭ جاڭا جاعدايىن اشۋى كەرەك.

جاڭ يوۋشيا، حى ۋەيدۇڭ، ليۋ جىنلي، جاڭ شىڭمين قاتارلىلار قيمىلعا قاتىناستى.

كەلۋ قاينارى: حالىق تورابى