موڭعۇليادا تۇراتىن ەلشىحانا موڭعۇلياداعى جۇڭگو ازاماتتارىنا حاۋىپسىزدىك ساقتىعىن كۇشەيتۋدى ەسكەرتتى

تاياۋدان بەرى موڭعۇليادا اۋىر قىلمىستىق ىستەر دەلوسى مەن قاتەرلى قاتىناس شىرعالاڭى ارت - ارتىنان تۋىلىپ، جۇڭگو ازاماتتارى قازا بولدى جانە جارالاندى.

موڭعۇليا جاقتىڭ حابارلاندىرۋىنا نەگىزدەلگەندە، 12 – ايدىڭ 4 – كۇنى تاڭ سارىدە، جۇڭگو ازاماتتىعىنداعى ەكى قىلمىس كۇماندىسى موڭعۇليا ازاماتتىعىنداعى ەكى قىلمىس كۇماندىسىمەن بىرگە ۇلانباتىردا باسقا ەكى جۇڭگو ازاماتىن بارىمتالاعان، ءبىرى قازا بولىپ، ءبىرى جارالانعان. موڭعۇليا ساقشى جاعى دەلوعا قاتىستى 4 قىلمىس كۇماندىسىن قولعا ءتۇسىردى، قۇتقارىلعان جۇڭگو ازاماتىنىڭ دەنساۋلىعىندا پالەندەي ۇلكەن ماسەلە جوق. بۇدان سىرت، 11 – ايدىڭ 23 - كۇنى كەشتە، شىعىس ولكەسى بۇلعىن اۋدانىندا ەكى اۆتوكولىك سوعىلىپ، قاتىناس شىرعالاڭى تۋىلعان، ەكى جۇڭگو ازاماتى ناق مايداندا قازا بولعان، شىرعالاڭنىڭ سەبەبى تەكسەرىلۋ ۇستىندە.

موڭعۇليادا تۇراتىن ەلشىحانا موڭعۇلياداعى جۇڭگو ازاماتتارىنا، كاسىپورىن قۇرىلىمدارىنا حاۋىپسىزدىك تانىمىن ونان ارى جوعارىلاتىپ، جەرگىلىكتى ورىننىڭ اماندىق جاعدايىنا قاداعالاي نازار اۋدارىپ، قاتىناس حاۋىپسىزدىگىنە كوڭىل ءبولىپ، ءوزىن – ءوزى قورعاۋدى شىنايى كۇشەيتۋدى ەسكەرتتى. ەگەر قاتەرلى نەمەسە توسىن جاعدايعا تاپ بولسا، دەرەۋ ساقشىعا مالىمدەۋ ءارى موڭعۇليادا تۇراتىن ەلشىحانالارمەن بايلانىس جاساپ كومەك سۇراۋ كەرەك.

ۇنەمى قولدانىلاتىن بايلانىس جاساۋ ءتاسىلى:

1. موڭعۇليا ساقشىعا مالىمدەۋ تەلەفونى: 102

2. موڭعۇليا شۇعىل قۇتقارۋ تەلەفونى: 103

3. سىرتقى ىستەر مينيسترلىگىنىڭ الەمدىك كونسۋلدىق قورعاۋ جانە قىزمەت وتەۋ شۇعىل جاعدايعا توتەپ بەرۋ ىستىق لەنياسى (24 ساعات): +86-10-12308

4. موڭعۇليادا تۇراتىن ەلشىحانانىڭ كونسۋلدىق قورعاۋ جانە كومەك بەرۋ تەلەفونى: +976-99112578

5. زامىن - ۋدداعى باس كونسۋلحاناسىنىڭ كونسۋلدىق قورعاۋ جانە كومەك بەرۋ تەلەفونى: +976-9518699

كەلۋ قاينارى: حالىق تورابى