شي جينپيڭ ناميبيانىڭ سايلانعان زۇڭتۇڭى ندايتۆاعا قۇتتىقتاۋ تەلەگرامماسىن جولدادى

شينحۋا اگەنتتىگى، 12 - ايدىڭ 5 - كۇنى، بەيجيڭ. 12 - ايدىڭ 5 - كۇنى مەملەكەت ءتوراعاسى شي جينپيڭ نەتۋمبو ناندي - ندايتۆاعا تەلەگرامما جولداپ، ونىڭ ناميبيا رەسپۋبليكاسىنىڭ زۇڭتۇڭى بولىپ سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو ناميبيامەن ءداستۇرلى دوس. تاياۋ جىلداردان بەرى ەكى ەلدىڭ ساياسي سەنىمدىلىگى اناعۇرلىم بەكەمدەلىپ، ناقتى سەلبەستىگىنىڭ جەتىستىكتەرى قوماقتى بولدى، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى قولدادى. مەن جۇڭگو - ناميبيا قارىم - قاتىناسىنىڭ دامۋىنا ايرىقشا ءمان بەرەمىن، سايلانعان زۇڭتۇڭ ندايتۆامەن بىرگە قۇلشىنىپ، جۇڭگو - افريكا سەلبەستىك تالقى مىنبەرى بەيجيڭدەگى باسشىلار ءماجىلىسىنىڭ جەتىستىكتەرىن تياناقتاندىرۋدى وراي ەتىپ، ءداستۇرلى دوستىقتى ساۋلەلەندىرىپ، ءوزارا ءتيىمدى سەلبەستىكتى تەرەڭدەتىپ، ەكى ەلدىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ ۇزدىكسىز دامۋىن ىلگەرىلەتىپ، ەكى ەل حالىقتارىن اناعۇرلىم ويداعىداي باقىتقا كەنەلتۋدى قالايمىن.

كەلۋ قاينارى: حالىق تورابى