باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، تەڭ يگىلىككە كەنەلىپ دامۋدىڭ جاڭا ءورىسىن كەڭەيتەيىك

”’ءبىر بەلدەۋ، ءبىر جولدى‘ى بىرگە قۇرۋ جوعارى ساپالى دامۋدىڭ جاڭا كەزەڭىنە ءوتتى“. 4 - رەتكى ”ءبىر بەلدەۋ، ءبىر جول“ قۇرىلىسى قىزمەتى اڭگىمە ماجىلىسىندە باس شۋجي شي جينپيڭ ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاپ، جاڭا كەزەڭدە ءدوپ كەلگەن جاڭا ورايلاردى، جاڭا سىن - سايىستى كوزدە ۇستاپ، قازىر جانە مۇنان بىلايعى ءبىر مەزگىلدە ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋ جونىندە جان - جاقتى ورنالاستىرۋ جاساپ، ”اناعۇرلىم جوعارى دەڭگەيدەگى، اناعۇرلىم سەرپىمدى، اناعۇرلىم باياندى تەڭ يگىلىكتەنىپ دامۋ جاڭا ءورىسىن ۇزدىكسىز كەڭەيتۋدى“ باسا دارىپتەدى.

تار جول، تايعاق كەشۋلەردى بىرگە وتكەرگەن 11 جىلدا ”ءبىر بەلدەۋ، ءبىر جولدى“ بىرگە قۇرۋ جۇڭگونىڭ باستاماسىنان حالىقارالىق امالياتقا بەت الىپ، ۇستانىمنان ارەكەتكە، ”جاپپاي نوبايلاۋدان“ ”ەگجەي - تەگجەيلى جوباعا“، ”قاتتى بايلانىستان“ ”جۇمساق بايلانىسقا“، ”جۇرەكتەردىڭ توعىسۋىنا“ كەڭەيىپ، جوبا كارتاسىنان ناقتى كورىنىس كارتاسىنا اينالىپ، ناقتى، سالماقتى تابىستارعا قول جەتتى. 2023 - جىلى 10 - ايدا ءتوراعا شي جينپيڭ 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىندە جۇڭگو جاقتىڭ كەلەسى قادامدا قولداناتىن 8 ءتۇرلى ارەكەتىن جاريالادى، بۇل ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋدىڭ جاڭا كەزەڭىنە وتكەندىگىن كورسەتەدى. جوعارى ساپالى دامۋدىڭ جاڭا كەزەڭى − ازيا - ەۆروپا ۇلى قۇرلىعىنىڭ ستەرەولدى تۇتاسۋىنىڭ، جاسىل جىبەك جولىنىڭ جەتەكتەۋىنىڭ، سيفرلى جىبەك جولىنىڭ قۋات باعىشتاۋىنىڭ جاڭا كەزەڭى، ول جۇڭگو مەن ءار جاقتىڭ دۇنيە جۇزىندەگى ءار ەلدىڭ وسىزاماندانۋىن جۇزەگە اسىرۋ ءۇشىن بىرگە قۇلشىنۋىنىڭ جاڭا باستاماسىن كورسەتىپ، ادامزاتتىڭ العا باسۋىن كوزدەيتىن، دۇنيە ءجۇزىنىڭ ۇلى بىرلىگىن كوزدەيتىن كەڭ پەيىلدىلىك پەن دۇنيە ءجۇزىن كوكەيدە ساقتايتىن، داۋىرگە جەتەكشىلىك ەتەتىن ءىرى ەلدىك جاۋاپكەرشىلىكتى ايگىلەدى.

باس شۋجي شي جينپيڭ ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدىڭ جالپى تالابىن، جەتەكشى پرينسيبىن، امالياتتىق جولىن، ءتۇيىندى قىزمەتتەرىن تەرەڭ بايىمداپ، جاڭا كەزەڭدە ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋگە ماڭىزدى تياناق ازىرلەپ، العا باسۋ بەتالىسىنا جەتەكشىلىك ەتتى. ورنىقتىلىق بارىسىندا ىلگەرىلەۋ پارتيامىزدىڭ ەل باسقارۋداعى ماڭىزدى پرينسيبى ەكەنىن جەتە تانۋىمىز كەرەك. حالىقارالىق ورتا نەعۇرلىم كۇردەلى بولعان سايىن، ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان سولعۇرلىم جازباي، نىسان قۇرىلىسىن ورنىقتى ىلگەرىلەتىپ، سەلبەستىكتىڭ جاڭا سالاسىن ورنىقتى كەڭەيتۋ كەرەك. بىرگە اقىلداسۋعا، بىرگە قۇرۋعا، بىرگە يگىلىكتەنۋگە، اشىق، جاسىل، پاك بولۋعا، جوعارى ولشەممەن حالىق تۇرمىسىنا تيىمدىلىك جاساپ، باياندى تۇرمىسقا قول جەتكىزۋگە تاباندى بولۋ − ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدىڭ جەتەكشى پرينسيبى. ءبىز سەلبەسىپ تەڭ يگىلىككە كەنەلۋ ۇستانىمى مەن دۇرىس ادىلەت - مۇددە كوزقاراسىن بەلسەنە دارىپتەپ، ەسىك اشۋ قاسيەتىنە، جاسىل تۇسكە، پاكتىكتىڭ جارقىن تۇسىنە تاباندى بولىپ، ءار جاقتىڭ مۇددەسىنىڭ توعىسۋ ءتۇيىنى مەن سەلبەستىكتىڭ ەڭ ۇلكەن ورتاق بولشەگىن قاراستىرىپ، تەڭ يگىلىككە كەنەلەتىن دامۋدىڭ جاڭا ءورىسىن ۇزدىكسىز كەڭەيتۋىمىز كەرەك.

”ءبىر بەلدەۋ، ءبىر جولدى“ بىرگە قۇرۋ − ۇزاق پەريودتى، مەملەكەت شەكاراسىن اتتاعان، جۇيەلىلەنگەن دۇنيە جۇزىلىك ينجەنەريا، عاسىر ينجەنەرياسى. بولاشاقتى بەتكە الىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدىڭ 8 ءتۇرلى ارەكەتىن جەتەكشى ەتىپ، ۇلاستىرۋ - تۇتاستىرۋدى نەگىزگى جەلى ەتىپ، جوعارى ساپالى دامۋ مەن جوعارى دەڭگەيلى حاۋىپسىزدىكتى ءوزارا ۇشتاستىرۋعا، ۇكىمەتتىڭ جەتەكتەۋى مەن بازار اينالىمىن ءوزارا ۇشتاستىرۋعا، عىلمي ورنالاستىرۋ مەن يكەمدى ساپالىلاندىرۋدى ءوزارا ۇشتاستىرۋعا، ساننىڭ ارتۋى مەن ساپانىڭ جوعارىلاۋىن ءوزارا ۇشتاستىرۋعا تاباندى بولىپ، نەگىزدىك قۇرىلعىلاردىڭ ”قاتتى بايلانىسىن“، ەرەجە - ولشەمدەردىڭ ”جۇمساق بايلانىسىن“ جانە بىرگە قۇراتىن ەلدەر حالىقتارىنىڭ ”جۇرەكتەرىنىڭ توعىسۋىن“ ءبىر تۇتاس جوسپارلاپ تەرەڭدەتىپ، كەلەلى بوگەنايلىق ينجەنەريالار مەن ”شاعىن دا كوركەم“ حالىق تۇرمىسى نىساندارى قۇرىلىسىن ءبىر تۇتاس جوسپارلاپ ىلگەرىلەتىپ، ءداستۇرلى سالالارداعى سەلبەستىكتى بەكەمدەۋدى جانە جاڭادان گۇلدەنگەن سالالارداعى سەلبەستىكتى ورنىقتى كەڭەيتۋدى ءبىر تۇتاس جوسپارلاعاندا عانا، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋ بەتالىسىمەن ۇزدىكسىز العا باسۋىن ىلگەرىلەتۋگە بولادى.

ءتۇزىم قۇرىلىسى ءتۇبىرلى، جالپىلىق، ورنىقتىلىق جانە ۇزاق ۋاقىتتىق سيپات الادى. پارتيا 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسى ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ىلگەرىلەتۋ مەحانيزمىن كەمەلدەندىرۋدى العا قويدى. اڭگىمە ماجىلىسىندە باس شۋجي شي جينپيڭ ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ مەحانيزمى قۇرىلىسىن ىلگەرىلەتۋ جونىندە جۇيەلى ورنالاستىرۋ جاساپ، ”توعىز مەحانيزمدى“ كەمەلدەندىرۋدىڭ كەلەلى تالابىن ايقىندادى. وڭىرلەر، تاراۋلار، ورىندار ساياسي دەڭگەيدى جوعارىلاتىپ، دايەكتىلەندىرۋدى، تياناقتاندىرۋدى ويداعىداي يگەرىپ، ستراتەگيالىق ويلاۋدى، حاۋىپسىزدىك تانىمىن، جۇيە تانىمىن، حالىقارالىق كوز ايانى ۇزدىكسىز كۇشەيتىپ، ”ءبىر تۇتاستىققا“ اناعۇرلىم كوپ كۇش سالىپ، ”ناقتى“ بولۋ جاعىندا ونىمدىلىككە قول جەتكىزۋى كەرەك. جۇيەلىلەندىرۋدى، مەحانيزمدەندىرۋدى ىلگەرىلەتۋدى ماڭىزدى ءتۇيىن ەتىپ، جوعارى دەڭگەيدە جوبالاۋدى ۇزدىكسىز كەمەلدەندىرىپ، ناقتى شارالار بەلگىلەپ، سىرتپەن سەلبەستىكتى تەرەڭدەتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدىڭ ورنىقتى، باياندى بولۋىن ىلگەرىلەتۋ كەرەك.

”ءبىر بەلدەۋ، ءبىر جولدى“ بىرگە قۇرۋ ادامدار ارا دۇرىس جولمەن ءجۇردى، ىستەگەنى − ۇلى ءىس، بۇل ۇلى امالياتتى قاجەت ەتەدى. جاڭا جورىقتا جوبانى سوڭىنا دەيىن جاساۋعا تاباندى بولىپ، جۇمىستى بىرىنەن سوڭ ءبىرىن جالعاستىرىپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتسەك، ءسوز جوق، بىرگە قۇراتىن ەلدەرمەن ۇزاق بولاشاقتىق پايداسى بار، حالىققا باقىت جاراتاتىن باياندى جۇمىس ىستەپ، ادامزاتتىڭ اناعۇرلىم كوركەم بولاشاعىن اشا الامىز.

كەلۋ قاينارى: حالىق تورابى