ۋاڭ حۋنيڭ ۆيەتنام كوممۋنيستىك پارتياسىنىڭ ۋاكىلدەر ۇيىرمەسىندەگىلەرمەن كەزدەستى

شينحۋا اگەنتتىگى، 12 - ايدىڭ 5 – كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ 12 - ايدىڭ 5 - كۇنى بەيجيڭدە ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق نازاريا كوميتەتىنىڭ ءتوراعاسى، حۋ جىميڭ مەملەكەتتىك ساياسي شۋەيۋانىنىڭ باستىعى رۋان چۇنشىڭ باستاعان ۆيەتنام كوممۋنيستىك پارتياسى ۋاكىلدەر ۇيىرمەسىندەگىلەرمەن كەزدەستى.

ۋاڭ حۋنيڭ مىنانى ءبىلدىردى: باس شۋجي شي جينپيڭ مەن باس شۋجي سۋليننىڭ ستراتەگيالىق جەتەكشىلىگىندە جۇڭگو - ۆيەتنام قارىم - قاتىناسى تاماشا دامۋ جاعدايىن ساقتادى. جۇڭگو جاق ۆيەتنام جاقپەن بىرگە ەكى پارتيانىڭ ەڭ جوعارى باسشىلارىنىڭ ماڭىزدى ورتاق تانىمىن تياناقتاندىرىپ، سوتسياليزم نازارياسىمەن قارۋلانۋدى جانە اۋىس - كۇيىس جاساۋدى، ءوزارا ۇلگى الۋدى بىرگە ۇزدىكسىز كۇشەيتۋدى قالايدى. جۇڭگو مەملەكەتتىك ساياسي كەڭەسى ۆيەتنامنىڭ وتان شەبىمەن قويۋ بارىس - كەلىس پەن سەلبەستىكتى ساقتاۋدى قالايدى.

رۋان چۇنشىڭ مىنانى ءبىلدىردى: كوپ جىلدان بەرى ۆيەتنام مەن جۇڭگو ەكى پارتيانىڭ نازاريالىق زەرتتەۋ - تالقى ءماجىلىسى اسا ناتيجەلى بولدى. ۆيەتنام كوممۋنيستىك پارتياسى پارتيا قۇرىلعاندىعىنىڭ 100 جىلدىعىنا نازار اۋدارىپ، جۇڭگو كوممۋنيستىك پارتياسىنىڭ ەل باسقارۋ تاجىريبەسىنەن ۇزدىكسىز ۇلگى الىپ، پارتيانىڭ جالپى بەتتىك باسشىلىعىن كۇشەيتىپ، ۆيەتنامنىڭ سوتسياليستىك دامۋداعى ءتۇزىلىس، مەحانيزمىن كەمەلدەندىرۋدى ءۇمىت ەتەدى.

شى تايفىڭ، ۋاڭ دۇڭفىڭ قاتارلىلار كەزدەسۋدە بىرگە بولدى.

كەلۋ قاينارى: حالىق تورابى