2 تاراۋ ورتالىقتىڭ جاراتىلىستىق اپاتتان قۇتقارۋ قارجىسىنان 5 ميلليارد 272 ميلليون يۋان ءتۇسىردى

شينحۋا اگەنتتىگىنىڭ 12 – ايدىڭ 6 - كۇنى بەيجيڭنەن بەرگەن حابارى. ءتىلشىنىڭ 12 - ايدىڭ 6 - كۇنى قازىنا مينيسترلىگىنەن ۇعىسۋىنشا، قازىنا مينيسترلىگى، شۇعىل جاعدايعا توتەپ بەرۋدى باسقارۋ مينيسترلىگى تاياۋدا ورتالىقتىڭ جاراتىلىستىق اپاتتان قۇتقارۋ قارجىسىنان 5 ميلليارد 272 ميلليون يۋان ءتۇسىرىپ، جەرگىلىكتى ورىنداردىڭ اپاتقا ۇشىراعان بۇقارانىڭ قىس پەن كوكتەمدەگى ۋاقىتتىق تۇرمىس قيىنشىلىعىنا كومەك بەرۋ قىزمەتىن ورىستەتۋىنە قولداۋ كورسەتىپ، اپاتقا ۇشىراعان بۇقارانىڭ تۇرمىس قيىنشىلىعىن شىنايى شەشىپ، اپاتقا ۇشىراعان بۇقارانىڭ قىستان حاۋىپسىز، جىلى وتۋىنە كەپىلدىك ەتۋدى ورنالاستىرعان.

قازىنا مينيسترلىگى، شۇعىل جاعدايعا توتەپ بەرۋدى باسقارۋ مينيسترلىگى قاتىستى رايونداردىڭ قازىنا، شۇعىل جاعدايعا توتەپ بەرۋدى باسقارۋ تاراۋلارىنان بەلسەنە ورنالاستىرۋ جاساپ، مۇقيات تياناقتاندىرىپ. ”تۇرگە ءبولىپ قۇتقارۋ، ءتۇيىندى قۇتقارۋ، دالمە - ءدال كومەكتەسۋ“ پرينسيبى بويىنشا، قۇتقارۋ جوباسىن عىلىمي، ۇيلەسىمدى جاساپ، قىس پەن كوكتەمدەگى قۇتقارۋ ـ كومەكتەسۋ قىزمەتىن ناقتى، ەگجەي ـ تەگجەيلى ىستەپ، قارجىنى باقىلاۋ ـ باسقارۋدى كۇشەيتىپ، ۇستاپ قالۋعا، باسقاعا جۇمساۋعا قاتاڭ تيىم سالىپ، قارجىنىڭ ساياساتتىق بەلگىلەمە بويىنشا اپاتقا ۇشىراعان بۇقاراعا دەر كەزىندە تاراتىلۋىنا كەپىلدىك ەتىپ، قارجىنىڭ ونىمدىلىگىن شىنايى ساۋلەلەندىرىپ، اپاتقا ۇشىراعان بۇقارانىڭ قىستان امان وتۋىنە كەپىلدىك ەتۋدى تالاپ ەتتى.

كەلۋ قاينارى: حالىق تورابى