شي جينپيڭ جولداستىڭ «حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەسى» باسپادان شىعىپ تاراتىلدى

شينحۋا اگەنتتىگى، 12 - ايدىڭ 8 - كۇنى، بەيجيڭ، جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە قۇجات زەرتتەۋ ورنى رەداكسيالاعان شي جينپيڭ جولداستىڭ «حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەسى» تاياۋدا ورتالىق قۇجات باسپاسىنان باسىلىپ شىعىپ، بۇكىل ەل كولەمىندە تاراتىلدى.

وسى ارناۋلى ماقالالار جيناعىنا شي جينپيڭ جولداستىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى 37 ماڭىزدى ماقالاسى ەنگىزىلدى، مۇنىڭ ىشىندە ءبىر ءبولىم ماقالا تۇڭعىش رەت اشىق جاريالانىپ وتىر.

حالىق قۇرىلتايى ءتۇزىمى _ ەلىمىزدىڭ ءتۇبىرلى ساياسي ءتۇزىمى، جۇڭگو توپىراعىنان ءوسىپ شىققان شىت جاڭا ساياسي ءتۇزىم، ادامزاتتىڭ ساياسي ءتۇزىمى تاريحىنداعى ۇلى جاسامپازدىق. پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى جاڭا تاريحي بەلەستى تياناق ەتىپ، پارتيانىڭ حالىق قۇرىلتايى قىزمەتىنە باسشىلىعىن جاپپاي كۇشەيتىپ، جالپى بارىستىق حالىق دەموكراتياسىن كۇش سالا دامىتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى بەلسەنە ىلگەرىلەتىپ، حالىقتىڭ وزىنە - ءوزى قوجايىن بولۋ ءتۇزىمى جۇيەسىن اناعۇرلىم اقاۋسىزداندىرىپ، داۋىرمەن بىرگە العا باسىپ، نەگىزگى زاڭعا وزگەرىس ەنگىزىپ، پارتيا تاريحىنداعى ورتالىقتىڭ تۇڭعىش رەتكى حالىق قۇرىلتايى قىزمەتى ءماجىلىسىن اشىپ، حالىق قۇرىلتايىنىڭ ۇيىمدىق ءتۇزىمى مەن قىزمەت ءتۇزىمىن اقاۋسىزداندىرىپ، حالىق قۇرىلتايى قىزمەتىندە تاريحي تابىستارعا قول جەتكىزۋدى ىلگەرىلەتتى. شي جينپيڭ جولداس پارتيانىڭ باسشىلىعىنا تاباندى بولۋ جانە ونى كەمەلدەندىرۋ، جۇڭگوشا سوتسياليستىك ءتۇزىمدى بەكەمدەۋ ستراتەگيالىق تۇرعىسىن شىعار ءتۇيىن ەتىپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، سوتسياليستىك دەموكراتيالىق ساياسيدىڭ دامۋ زاڭدىلىعىن تەرەڭ يگەرىپ، پارتيانىڭ سوتسياليستىك دەموكراتيالىق ساياسي قۇرىلىستى كۇشەيتۋدەگى امالياتتىق تاجىريبەلەرىن جۇيەلى قورىتىندىلاپ، حالىق قۇرىلتايى ءتۇزىمى نازارياسى مەن امالياتىندا جاڭالىق اشۋدى ۇزدىكسىز ىلگەرىلەتىپ، ءبىرقىدىرۋ جاڭا ۇستانىمداردى، جاڭا يدەيالاردى، جاڭا تالاپتاردى العا قويىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن قالىپتاستىرىپ، جاڭا ءداۋىردىڭ جاڭا جورىعىندا حالىق قۇرىلتايى تۇزىمىنە ويداعىداي تاباندى بولۋعا، ونى ويداعىداي كەمەلدەندىرۋگە، ويداعىداي جۇرگىزۋگە ءتۇبىرلى تياناق ازىرلەدى.

كەلۋ قاينارى: حالىق تورابى