لي چياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى

جوعارى ساپالى دامۋدى ىلگەرىلەتۋدى جالپىلىق باقىلاۋ ـ تەكسەرۋ جاعدايى جونىندەگى مالىمەتتى تىڭدادى، حۋاڭحى وزەنى الابىنىڭ ەكولوگياسىن قورعاۋعا قاتىستى قىزمەتتەردى اقىلداستى، «جۇڭحۋا حالىق رەسپۋبليكاسىنىڭ حالىقتىق اۆياتسيا زاڭىن (وزگەرىس ەنگىزىلگەن جوبا)» تالقىلادى

شينحۋا اگەنتتىگى، 12 ـ ايدىڭ 6 ـ كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 12 ـ ايدىڭ 6 ـ كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، جوعارى ساپالى دامۋدى ىلگەرىلەتۋدى جالپىلىق باقىلاۋ ـ تەكسەرۋ جاعدايى جونىندەگى مالىمەتتى تىڭدادى، حۋاڭحى وزەنى الابىنىڭ ەكولوگياسىن قورعاۋعا قاتىستى قىزمەتتەردى اقىلداستى، «جۇڭحۋا حالىق رەسپۋبليكاسىنىڭ حالىقتىق اۆياتسيا زاڭىن (وزگەرىس ەنگىزىلگەن جوبا)» تالقىلادى.

ءماجىلىس بىلاي دەپ اتاپ كورسەتتى: وسى رەتكى جالپىلىق باقىلاۋ ـ تەكسەرۋ نازاردى جوعارى ساپالى دامۋدى ىلگەرىلەتۋگە، تۇتاس جىلداعى ەكونوميكالىق، قوعامدىق دامۋدىڭ نىسانا ـ مىندەتتەرىن قۇلشىنا جۇزەگە اسىرۋعا شوعىرلاندىرىپ، رەفورما مەن دامۋدىڭ بوگەلۋ ءتۇيىنى، قيىن ءتۇيىنى ماسەلەلەرىن، كاسىپورىن مەن بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن بايقادى ءارى شەشۋدى ىلگەرىلەتتى، ناتيجەسى تۇراقتاندىرۋعا تاتيدى. باقىلاۋ ـ تەكسەرۋدى، رەتتەۋ ـ تۇزەتۋدى وراي ەتىپ، ماسەلە ءتىزىمىن جاۋاپكەرشىلىك ءتىزىمى ەتىپ، ءار جاقتىڭ ۇسىنىس ـ پىكىرلەرىن قىزمەتتى جاقسارتۋدىڭ كۇش سالۋ ءتۇيىنى ەتىپ، باقىلاۋ ـ تەكسەرۋدە بايقالعان جالپىلىق ماسەلەلەردى ىشكەرىلەي زەرتتەپ، بىرەۋى ارقىلى وزگەسىن تۇسپالداپ رەتتەۋ ـ تۇزەتۋ جۇرگىزىپ، ءتۇيىن ارقىلى جالپى كولەمدى جەتەكتەپ، تياناقتاندىرۋدى ىلگەرىلەتۋ كەرەك. رەتتەۋ ـ تۇزەتۋ قىزمەتىندە مۇمكىندىكتىڭ بارىنشا العا ۇمتىلۋ، بيىل رەتتەۋ ـ تۇزەتۋدى تياناقتاندىرۋعا بولاتىندارىن كەلەر جىلعا دەيىن سوزباۋ، ۇزدىكسىز ىلگەرىلەتۋگە تۋرا كەلەتىندەرىنە قاراتا كەزەڭدىك نىسانانى ايقىنداپ، ماسەلەنى رەتتەۋ ـ تۇزەتۋدى قازىرگى قىزمەتتى ويداعىداي ىستەۋمەن تىعىز ۇشتاستىرىپ، تۇتاس جىلداعى ەكونوميكالىق، قوعامدىق دامۋدىڭ نىسانا ـ مىندەتتەرىن ورىنداۋعا اناعۇرلىم ويداعىداي دەم بەرۋ كەرەك. جالپىلىق باقىلاۋ ـ تەكسەرۋدىڭ قىزمەتتى ىلگەرىلەتۋ، جەبەۋ رولىن ساۋلەلەندىرىپ، قىزمەت ناتيجەسى جاقسى بولعانداردى ماداقتاۋدى، شابىتتاندىرۋدى كۇشەيتىپ، ۇنامدى تيپتەردى سومداپ، جاقسى تاجىريبەلەر مەن ادىستەردى جالپىلاستىرىپ، ءىس تىندىرىپ، شارۋاشىلىق قۇرۋ بەلسەندىلىگىن اناعۇرلىم ويداعىداي تاسقىنداتۋ كەرەك.

ءماجىلىس بىلاي دەپ اتاپ كورسەتتى: تاياۋ جىلداردان بەرى حۋاڭحى وزەنى الابىنىڭ ەكولوگيالىق ورتاسىنىڭ ساپاسى ورنىقتى جوعارىلاپ، سۋ حاۋىپسىزدىگىن قامتاماسىز ەتۋ قۋاتى ۇزدىكسىز كۇشەيدى. باس شۋجي شي جينپيڭنىڭ حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋدى جاپپاي ىلگەرىلەتۋ اڭگىمە ءماجىلىسىن باسقارىپ اشقانداعى ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، قورعاۋعا ءمان بەرۋ، باسقارۋعا ءمان بەرۋ ستراتەگيالىق تالابىن مىقتاپ يگەرىپ، سۋ مەن حالىق سانىنىڭ، استىقتىڭ، ەنەرگيانىڭ قاتىناسىن ويداعىداي ءبىر جاقتى ەتۋگە باسا ءمان بەرىپ، حۋاڭحى وزەنى الابىنىڭ ەكولوگياسىن قورعاۋدى ۇزدىكسىز ىشكەرىلەي ىلگەرىلەتىپ، قورشاعان ورتانىڭ لاستانۋىنان ساقتانۋدى جانە ونى باسقارۋدى كۇشەيتىپ، دامۋ ءتاسىلىنىڭ جاپپاي جاسىل ءتيپكە بۇرىلىس جاساۋىن ىلگەرىلەتىپ، حۋاڭحى وزەنىنىڭ تىنىشتىعىن بار كۇشپەن قامتاماسىز ەتىپ، حالىقتىڭ ىرىس - قۇتىن ورنىقتى ارتتىرىپ، حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋدىڭ ۇزدىكسىز تىڭ ساتىعا كوتەرىلۋىن ىلگەرىلەتۋ كەرەك.

ءماجىلىس «جۇڭحۋا حالىق رەسپۋبليكاسىنىڭ حالىقتىق اۆياتسيا زاڭىن (وزگەرىس ەنگىزىلگەن جوبا)» تالقىلادى جانە پرينسيپتىك جاقتان قابىلدادى، جوبانى مەملەكەتتىك حالىق قۇرىلتايى تۇراقتى كوميتەتىنىڭ قاراۋىنا ۇسىنۋدى ۇيعاردى. ءماجىلىس بىلاي دەپ اتاپ كورسەتتى: حاۋىپسىزدىكتى ءبىرىنشى ورىنعا قويۋعا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، باقىلاۋ ـ باسقارۋدى كۇشەيتىپ، تاسىمال ءوندىرىس كولەمى مەن حاۋىپسىزدىكتى قامتاماسىز ەتۋ قابىلەتىنىڭ ءوزارا سايكەسۋىنە شىنايى كەپىلدىك ەتۋ كەرەك. حالىقتىق اۆياتسيانىڭ قىزمەت وتەۋ ساپاسىن ۇزدىكسىز جوعارىلاتىپ، ەل ءىشى بازارىنىڭ كومەسكى كۇشىن اشىپ، قاتىستى كەلەلى قارجى قوسۋ نىساندارىن ويداعىداي اتقارىپ، عىلىم ـ تەحنيكالىق تىرەكتى كۇشەيتىپ، حالىقتىق اۆياتسيانىڭ جوعارى ساپالى دامۋىن جەبەۋ كەرەك. اشىق سەلبەستىككە تاباندى بولىپ، دۇنيە جۇزىلىك اۋە جولى تورابىنىڭ ورنالاسۋىن ۇزدىكسىز ساپالىلاندىرىپ، حالىقارالىق ەكونوميكا ـ ساۋدا بارىس ـ كەلىسى مەن گۋمانيتارلىق اۋىس ـ كۇيىستى جەبەۋ كەرەك.

ءماجىلىس باسقا ىستەردى دە اقىلداستى.

كەلۋ قاينارى: حالىق تورابى