2025 - جىلعى ەكونوميكالىق قىزمەتكە تالداۋ جاساپ، زەرتتەۋ جۇرگىزىپ، پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ قىزمەتىن اقىلداستى جانە ورنالاستىردى

شينحۋا اگەنتتىگى، 12 - ايدىڭ 9 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 12 - ايدىڭ 9 - كۇنى ءماجىلىس اشىپ، 2025 - جىلعى ەكونوميكالىق قىزمەتكە تالداۋ جاساپ، زەرتتەۋ جۇرگىزدى؛ ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ قىزمەت مالىمەتىن تىڭدادى، 2025 - جىلعى پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ قىزمەتىن اقىلداسىپ ورنالاستىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

ءماجىلىس بىلاي دەپ قارادى: بيىل − ”14 - بەسجىلدىق“ جوبانىڭ نىسانا - مىندەتتەرىن جۇزەگە اسىرۋداعى شەشۋشى جىل، شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، وزگەرىسكە بايىپتىلىقپەن توتەپ بەرىپ، كەشەندى شارا قولداندى، ەكونوميكالىق اينالىم جالپى جاقتان ورنىقتى بولىپ، ورنىقتىلىق بارىسىندا ىلگەرىلەپ، ەلىمىزدىڭ ەكونوميكالىق قۋاتى، عىلىم - تەحنيكالىق قۋاتى، جالپىلىق مەملەكەت قۋاتى ۇزدىكسىز كۇشەيدى. جاڭاشا وندىرگىش كۇشتەر ورنىقتى دامىپ، رەفورما جاساپ، ەسىك اشۋ ۇزدىكسىز تەرەڭدەپ، ءتۇيىندى سالالارداعى حاۋىپ - قاتەرلەردى شەشۋ ءتارتىپتى، ءونىمدى، حالىق تۇرمىسىن قامتاماسىز ەتۋ تىڭعىلىقتى، پارمەندى بولدى، تۇتاس جىلداعى ەكونوميكالىق، قوعامدىق دامۋدىڭ باستى نىسانا - مىندەتتەرى ءساتتى ورىندالۋ الدىندا تۇر.

ءماجىلىس بىلاي دەپ باسا دارىپتەدى: كەلەر جىلعى ەكونوميكالىق قىزمەتتى ويداعىداي ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، جاڭا دامۋ ارناسىن جەدەل ورناتىپ، جوعارى ساپالى دامۋدى تىڭعىلىقتى ىلگەرىلەتىپ، رەفورمانى اناعۇرلىم جاپپاي تەرەڭدەتىپ، جوعارى دەڭگەيدە سىرتقا ەسىك اشۋدى كەڭەيتىپ، وسىزاماندانعان كاسىپ سالاسى جۇيەسىن قۇرىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، اناعۇرلىم بەلسەندى، ۇتىمدى ماكرولىق ساياساتتاردى اتقارىپ، ىشكى سۇرانىستى كەڭەيتىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسا دامۋىن ىلگەرىلەتىپ، ءۇي – جاي بازارىن، جارنا بازارىن ورنىقتىرىپ، ءتۇيىندى سالالارداعى حاۋىپ - قاتەرلەر مەن سىرتقى سوققىدان ساقتانىپ جانە ونى جويىپ، مەجەنى ورنىقتىرىپ، ومىرشەڭدىك كۇشتى قاۋلاتىپ، ەكونوميكانىڭ ۇزدىكسىز قالپىنا كەلۋىن ىلگەرىلەتىپ، حالىقتىڭ تۇرمىس ورەسىن ۇزدىكسىز جوعارىلاتىپ، قوعامنىڭ جاراسىمدىلىعىن، ورنىقتىلىعىن ساقتاپ، ”14 - بەسجىلدىق“ جوبانىڭ نىسانالارىن، مىندەتتەرىن جوعارى ساپامەن ورىنداپ، ”15 - بەسجىلدىقتا“ تاماشا باستامانى جۇزەگە اسىرۋعا بەرىك نەگىز قالاۋ كەرەك.

ءماجىلىس بىلاي دەپ اتاپ كورسەتتى: كەلەر جىلى ورنىقتىلىق بارىسىندا ىلگەرىلەۋگە تاباندى بولىپ، ىلگەرىلەۋ ارقىلى ورنىقتىلىقتى جەبەپ، تۋراشىلدىقتان جازباي جاڭالىق اشىپ، الدىمەن ورناتىپ، ونان سوڭ كۇشىنەن قالدىرىپ، جۇيەلى، شوعىرلى، سايكەسىمدى بولىپ، اناعۇرلىم بەلسەندى قازىنا ساياساتىن جانە لايىقتى كەڭ اقشا ساياساتىن اتقارىپ، ساياساتتىق قۇرال - جابدىق ساندىعىن تولىقتاپ، كەمەلدەندىرىپ، داعدىدان تىس كەرى پەريودتىق رەتتەۋدى كۇشەيتىپ، ساياساتتىڭ ”كەشەندى شارالارىن“ ويداعىداي اتقارىپ، ماكرولىق رەتتەۋ - مەڭگەرۋدىڭ بولجامدىلىعىن، باعىتتامالىلىعىن، ونىمدىلىگىن جوعارىلاتۋ كەرەك. تۇتىنۋدى بارىنشا سەرپىلتىپ، قارجى قوسۋ ونىمدىلىگىن جوعارىلاتىپ، ىشكى سۇرانىمدى جان ـ جاقتى كەڭەيتۋ كەرەك. عىلىم - تەحنيكادا جاڭالىق اشۋ ارقىلى جاڭاشا وندىرگىش كۇشتەردىڭ دامۋىنا جەتەكشىلىك ەتىپ، وسىزاماندانعان كاسىپ سالاسى جۇيەسىن قۇرۋ كەرەك. ەكونوميكالىق ءتۇزىلىس رەفورماسىنىڭ جەتەكتەۋ رولىن ساۋلەلەندىرىپ، نىشاندىق رەفورما شارالارىنىڭ تياناقتانىپ، ونىمدىلىك كورسەتۋىن ىلگەرىلەتۋ كەرەك. جوعارى دەڭگەيدە سىرتقا ەسىك اشۋدى كەڭەيتىپ، سىرتقى ساۋدانى ورنىقتىرۋ، شەتەل قارجىسىن ورنىقتىرۋ كەرەك. ءتۇيىندى سالالارداعى حاۋىپ - قاتەردەن ءونىمدى تۇردە ساقتانىپ جانە ونى شەشىپ، جۇيەلىك حاۋىپ - قاتەر تۋىلماۋدىڭ تومەنگى شەگىن مىقتاپ ساقتاۋ كەرەك. كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەپ، كەڭەيتىپ، جاڭاشا قالا - قالاشىقتاندىرۋ مەن اۋىل - قىستاقتى جاپپاي گۇلدەندىرۋدى ءبىر تۇتاس جوسپارلاپ ىلگەرىلەتىپ، قالا مەن اۋىلدىڭ توعىسپالى دامۋىن جەبەۋ كەرەك. وڭىرلىك ستراتەگيانى اتقارۋ تەبىنىن ارتتىرىپ، وڭىرلىك دامۋدىڭ ومىرشەڭدىگىن ارتتىرۋ كەرەك. كومىر قىشقىل گازىن تومەندەتۋدى، لاستاۋدى ازايتۋدى، جاسىلدىقتى كەڭەيتۋدى، ارتۋدى جوعارىلاتۋدى سايكەستى ىلگەرىلەتىپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن جەدەلدەتۋ كەرەك. حالىق تۇرمىسىن قامتاماسىز ەتۋ جانە جاقسارتۋ سەرپىنىن ارتتىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ كەرەك.

ءماجىلىس بىلاي دەپ باسا دارىپتەدى: پارتيانىڭ ەكونوميكالىق قىزمەتكە باسشىلىعىن كۇشەيتىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتى تياناقتانۋىنا شىنايى كەپىلدىك ەتۋ كەرەك. ءار جاقتىڭ بەلسەندىلىگىن تولىق جۇمىلدىرىپ، كادرلاردىڭ ءىس تىندىرىپ، ناتيجە شىعارۋداعى ىشكى قوزعاۋشى كۇشىن جۇمىلدىرۋ كەرەك. شىندىققا جۇگىنىپ، ناقتى ءىس ىستەۋگە تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، سايكەسۋدى، ىقپالداسۋدى كۇشەيتىپ، مەجەلى باسقارۋدى كۇشەيتىپ، ساياساتتىڭ جالپى تۇلعالىق ونىمدىلىگىن جوعارىلاتۋ كەرەك. حالىق تۇرمىسىن قامتاماسىز ەتۋ مەن حاۋىپسىزدىككە، ورنىقتىلىققا قاتىستى ءتۇرلى قىزمەتتەردى ويداعىداي ىستەپ، قوعامدىق جالپى جاعدايدىڭ ورنىقتىلىعىنا شىنايى كەپىلدىك ەتۋ كەرەك.

ءماجىلىس بىلاي دەپ اتاپ كورسەتتى: شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى جانە ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، باس شۋجي شي جينپيڭنىڭ پارتيانىڭ وزىنە توڭكەرىس جاساۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، پارتيا مەن مەملەكەتتىڭ وزەكتى مىندەتىن ارقاۋ ەتىپ، ساياسي باقىلاۋدى ۇزدىكسىز كۇشەيتىپ، ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرۋدى ىشكەرىلەي ىلگەرىلەتىپ، پارتيا ءتارتىبىن ۇيرەنۋ تاربيەسىن تىڭعىلىقتى ورىستەتىپ، ورتالىقتىڭ ”8 ءتۇرلى بەلگىلەمەسىنىڭ“ رۋحىن دايەكتىلەندىرۋدىڭ، تياناقتاندىرۋدىڭ تەرەڭدەۋىن، ناقتىلانۋىن ىلگەرىلەتىپ، بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى وڭاپ، شىرىكتەسۋدىڭ ءوسىپ - ونەتىن ورتاسىن جانە شارت - جاعدايىن كۇش سالا الاستاپ، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدى، پارتيا مەن مەملەكەتتىڭ باقىلاۋ جۇيەسىن كەمەلدەندىرۋدى ىلگەرىلەتىپ، نەگىزگى تاقىرىپتىق تاربيەنىڭ جانە تاربيەلەۋ - رەتتەۋدىڭ جەتىستىكتەرىن بەكەمدەپ، كەڭەيتىپ، جاڭا جورىقتا ءتارتىپ تەكسەرۋ، باقىلاۋ قىزمەتىنىڭ جوعارى ساپالى دامۋىن ىلگەرىلەتۋدە تىڭ تابىستارعا قول جەتكىزدى.

ءماجىلىس بىلاي دەپ باسا دارىپتەدى: ءتارتىپ تەكسەرۋ، باقىلاۋ - تەكسەرۋ ورگاندارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، شىرىكتەسۋدى جازالاۋدىڭ، جونگە سالۋدىڭ تەگەۋرىندى كۇيىن باستان - اياق ساقتاپ، شىرىكتەسۋگە قارسى تۇرۋ كۇرەسىن بۇلجىماستان ىشكەرىلەي ىلگەرىلەتىپ، پارتيانى جاپپاي قاتاڭ باسقارۋدىڭ جاڭا ناتيجەلەرى ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋگە پارمەندى كەپىلدىك ازىرلەۋى كەرەك. نازاردى ”ەكىنى قورعاۋعا“ شوعىرلاندىرىپ، ساياسي باقىلاۋدى كۇشەيتىپ، ساياسي ءتارتىپ پەن ساياسي قاعيدانى قاتايتىپ، ەلەۋلى رەفورمالاردىڭ تياناقتانۋ جاعدايىن باقىلاۋ - تەكسەرۋ جانە شارلاۋ، شارلاپ تەكسەرۋ مازمۇنىنا ەنگىزىپ، پارمەندى باقىلاۋ ارقىلى رەفورمانىڭ ءساتتى ىلگەرىلەۋىن قامتاماسىز ەتۋ كەرەك. پارتيا ءتارتىبىن ۇيرەنۋ تاربيەسىنىڭ تابىستارىن بەكەمدەپ، تەرەڭدەتىپ، پارتيانىڭ ءتارتىپ تاربيەسىنىڭ تەجەۋ، قامتاماسىز ەتۋ، شابىتتاندىرۋ رولىن جان - جاقتى ساۋلەلەندىرۋ كەرەك. بۇرىس ستيل مەن شىرىكتەسۋ ماسەلەسىن بىرگە تەكسەرۋ، بىرگە جونگە سالۋ مەحانيزمىن اقاۋسىزداندىرىپ، ستيلدى دۇرىستاپ، شىرىكتەسۋگە قارسى تۇرۋدىڭ ءبىر تۇلعالانىپ تەرەڭدەۋىن كۇش سالا ىلگەرىلەتۋ كەرەك. بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن جونگە سالۋدى ۇزدىكسىز تەرەڭدەتىپ، قالىڭ حالىق بۇقاراسىنىڭ رەفورما، دامۋ جەتىستىكتەرىنەن اناعۇرلىم جاقسى، اناعۇرلىم ءادىل يگىلىكتەنۋىن ىلگەرىلەتۋ كەرەك. پارتيانى جاپپاي قاتاڭ باسقارۋ ساياسي جاۋاپكەرشىلىگىن كۇشەيتىپ، قاتاڭ نەگىزگى اۋەننىڭ تۇبەگەيلى تياناقتانۋىن كۇش سالا ىلگەرىلەتۋ كەرەك. ءتارتىپ تەكسەرۋ، باقىلاۋ - تەكسەرۋ قىزمەتىن ارناعا ءتۇسىرۋ، زاڭمەن باسقارۋ، جۇيەلىلەندىرۋ قۇرىلىسىن كۇشەيتىپ، ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن تەرەڭدەتىپ، ادال، كىرشىكسىز، جاۋاپكەرشىلىك ارقالايتىن، كۇرەس جۇرگىزۋگە باتىل دا شەبەر ءتارتىپ تەكسەرۋ، باقىلاۋ - تەكسەرۋ قۇرىش قوسىنىن قالىپتاستىرۋ كەرەك.

وسىدان بۇرىن باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتىنىڭ 2024 - جىلعى قىزمەت جاعدايى جانە پارتيا 20 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىنە دايىندالۋ جاعدايى جونىندەگى مالىمەتتى تىڭدادى.

ءماجىلىس پارتيا 20 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ءماجىلىسىن كەلەر جىلى 1 - ايدىڭ 6 – كۇنىنەن 8 – كۇنىنە دەيىن اشۋعا ماقۇل بولدى.

ءماجىلىس باسقا ىستەردى دە اقىلداستى.

كەلۋ قاينارى: حالىق تورابى