جۇڭگو كوممۋنيستىك پارتياسى ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى

شينحۋا اگەنتتىگى، 12 - ايدىڭ 9 - كۇنى، بەيجيڭ. 12 - ايدىڭ 6 - كۇنى جۇڭگو كوممۋنيستىك پارتياسى ورتالىق كوميتەتى جۇڭنانحايدا پارتيا سىرتىنداعى قايراتكەرلەردىڭ اڭگىمە ءماجىلىسىن اشىپ، بيىلعى ەكونوميكالىق جاعداي جانە كەلەر جىلعى ەكونوميكالىق قىزمەت جونىندە ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ پىكىرلەرى مەن ۇسىنىستارىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ اڭگىمە ءماجىلىسىن باسقاردى ءارى ماڭىزدى ءسوز سويلەپ بىلاي دەپ باسا دارىپتەدى: كەلەر جىل _ 14” - بەسجىلدىق“ جوبا اياقتالاتىن جىل، جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جۇڭگو كوممۋنيستىك پارتياسى 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال دايەكتىلەندىرىپ، جاڭا دامۋ ارناسىن جەدەل ورناتىپ، جوعارى ساپالى دامۋدى تىڭعىلىقتى ىلگەرىلەتىپ، رەفورمانى اناعۇرلىم جاپپاي تەرەڭدەتىپ، جوعارى دەڭگەيدەگى سىرتقا ەسىك اشۋدى كەڭەيتىپ، وسىزاماندانعان كاسىپ سالاسى جۇيەسىن ورناتىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، اناعۇرلىم بەلسەندى، ۇتىمدى ماكرولىق ساياساتتاردى اتقارىپ، ىشكى سۇرانىستى كەڭەيتىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسپالى دامۋىن ىلگەرىلەتىپ، ءۇي - جاي بازارىن، جارنا بازارىن ورنىقتىرىپ، ءتۇيىندى سالالارداعى حاۋىپ - قاتەر مەن سىرتقى سوققىدان ساقتانىپ جانە ونى جويىپ، مەجەنى ورنىقتىرىپ، ومىرشەڭدىك كۇشتى قاۋلاتىپ، ەكونوميكانىڭ ۇزدىكسىز جاقسارۋىن ىلگەرىلەتىپ، حالىقتىڭ تۇرمىس دەڭگەيىن ۇزدىكسىز جوعارىلاتىپ، قوعامنىڭ جاراسىمدىلىعى مەن ورنىقتىلىعىن ساقتاپ، ”14 - بەسجىلدىق“ جوبانىڭ نىسانالارى مەن مىندەتتەرىن جوعارى ساپامەن ورىنداپ، ”15 - بەسجىلدىقتا“ تاماشا باستامانى جۇزەگە اسىرۋعا بەرىك نەگىز قالاۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، ۋاڭ حۋنيڭ، ساي چي، ديڭ شۋەشياڭ اڭگىمە ماجىلىسىنە قاتىناستى. لي چياڭ جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن بيىلعى ەكونوميكالىق قىزمەتكە قاتىستى جاعدايلاردى حابارلاندىرىپ، كەلەر جىلعى ەكونوميكالىق قىزمەت جونىندەگى قاتىستى ويلاردى تانىستىردى.

اڭگىمە ماجىلىسىندە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى جىڭ جيانباڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى حى ۋەي، جۇڭگو ادىلەت پارتياسى ورتالىق كوميتەتىنىڭ ءتوراعاسى جياڭ زوجۇن، ”3 - قىركۇيەك“ ءىلمي قوعامى ورتالىق كوميتەتىنىڭ ءتوراعاسى ۋ ۋەيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى باۋ شينحى ىلگەرىندى – كەيىندى ءسوز سويلەدى. ولار جۇڭگو كوممۋنيستىك پارتياسى ورتالىق كوميتەتىنىڭ قازىرگى ەكونوميكالىق اۋقىم جونىندەگى تالداۋ، تۇجىرىم مەن كەلەر جىلعى ەكونوميكالىق قىزمەت جونىندەگى جوسپارىن، ويلاسۋىن بۇكىلدەي قولدادى ءارى جاڭاشا وندىرگىش كۇشتەردىڭ دامۋىن جەدەلدەتۋ، ماكرولىق تىزگىندەۋ تەبىنىن لايىقتى ارتتىرۋ، قازىنا قارجىسىنىڭ ونىمدىلىگىن جوعارىلاتۋ، عىلىم - تەحنيكادا جاڭالىق اشۋ ەكولوگيالىق قۇرىلىسىن كۇشەيتۋ، ەنەرگيا تۇتىنۋىنىڭ جاڭا ەكولوگياسىن قالىپتاستىرۋ، مەملەكەتتىك تاجىريبەحانا قۇرىلىسىن ىلگەرىلەتۋ، جاڭادان ارتقان تەحنيكالىق دارىندىلاردىڭ جۇمىستانۋىن جەبەۋ، حالىقتىق شارۋاشىلىقتىڭ اقاۋسىز دامۋىن جەبەۋ، ەكى جاعالاۋدىڭ توعىسپالى دامۋىن تەرەڭدەتۋ سياقتىلار جونىندە پىكىر جانە ۇسىنىستار قويدى.

كوپشىلىكتىڭ ءسوزىن مۇقيات تىڭداعاننان كەيىن شي جينپيڭ مىنانى ءبىلدىردى: كوپشىلىك بيىلعى ەكونوميكالىق قىزمەتتە قول جەتكەن ناتيجەلەردى تولىق تۇراقتاندىرىپ، كەلەر جىلعى ەكونوميكالىق قىزمەت جونىندە كوپتەگەن جاقسى ۇسىنىس - پىكىر بەردى. ءبىز مۇقيات كەڭەسىپ، قابىلدايمىز.

شي جينپيڭ بىلاي دەپ اتاپ كورسەتتى: بيىل ءتىپتى دە كۇردەلى حالىقارالىق جانە ەل ءىشى ورتاسى الدىندا، جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قىسىمعا توتەپ بەرىپ، قيىنشىلىقتاردى جەڭىپ، وزگەرىسكە بايىپتىلىقپەن توتەپ بەرىپ، جان - جاقتى شارا قولداندى، ەلىمىزدىڭ ەكونوميكالىق اينالىمى جالپى جاقتان ورنىقتى بولىپ، ورنىقتىلىق بارىسىندا ىلگەرىلەپ، ەكونوميكالىق، قوعامدىق دامۋدىڭ باستى نىسانا - مىندەتتەرى ءساتتى ورىندالىپ، جۇڭگو ۇلگىسىندەگى وسىزامانداندىرۋدا تىڭ دا نىق قادام تاستالدى.

شي جينپيڭ بىلاي دەپ باسا دارىپتەدى: بيىل جىل باسىنان بەرى ءارقايسى دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر نازاردى جۇڭگو ۇلگىسىندەگى وسىزامانداندىرۋدى ىلگەرىلەتۋگە شوعىرلاندىرىپ، ”جاڭاشا وندىرگىش كۇشتەردى دامىتۋ“، ”ەل ءىشى ۇلكەن اينالىمىن ىركىلىسسىزدەندىرۋ“ بويىنشا ءتۇيىندى تەكسەرۋ - زەرتتەۋ جۇرگىزۋدى بەلسەنە ورىستەتىپ، چاڭجياڭ وزەنىنىڭ ەكولوگيالىق ورتاسىن قورعاۋعا بايلانىستى دەموكراتيالىق باقىلاۋدى كۇشەيتىپ، جۇڭگو كوممۋنيستىك پارتياسى ورتالىق كوميتەتىنە ءتۇرلى تەكسەرۋ - زەرتتەۋ باياندامالارىن، پىكىر - ۇسىنىستاردى جولداپ، جۇڭگو كوممۋنيستىك پارتياسى ورتالىق كوميتەتىنىڭ عىلمي شەشىم جاساۋىن، ءونىمدى شارا قولدانۋىن ماڭىزدى پايدالانۋ ماتەريالىمەن قامدادى. شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان كوپشىلىككە شىن جۇرەكتەن العىس ايتتى.

شي جينپيڭ بىلاي دەپ اتاپ كورسەتتى: كەلەر جىلعى ەكونوميكالىق قىزمەتتى ويداعىداي ىستەۋدە، ەڭ الدىمەن، ءسوز جوق، جەڭىسكە جەتۋ سەنىمىن بەكەمدەۋ كەرەك. ەلىمىزدىڭ ەكونوميكالىق نەگىزى ورنىقتى، ابزالدىعى مول، كومەسكى قۋاتى زور، ۇزاق ۋاقىت جاقسارۋ تىرەكتىك شارت - جاعدايى مەن نەگىزگى بەتالىسى وزگەرگەن جوق. ءبىز ستراتەگيالىق تاباندىلىقتى ساقتاپ، وزىمىزگە ءتيىمدى سىرتقى ورتانى ىرىقتىلىقپەن تۇلعالاپ، ءوز ءىسىمىزدى تاباندىلىقپەن ويداعىداي ىستەپ، ءار جاقتاعى بەلسەندى فاكتورلاردى دامۋدىڭ ناقتى ناتيجەسىنە اينالدىرۋىمىز كەرەك.

شي جينپيڭ بىلاي دەپ باسا دارىپتەدى: كەلەر جىلعى ەكونوميكالىق قىزمەتتى ويداعىداي ىستەۋ بۇكىل پارتيانىڭ، بۇكىل قوعامنىڭ بىرگە قۇلشىنىپ، قاجىرلىلىقپەن كۇرەس جۇرگىزۋىن قاجەت ەتەدى. قازىر ەلىمىزدىڭ دامۋى كوپتەگەن تۇراقسىزدىقتار مەن سىندارعا ءدوپ كەلىپ وتىر، بۇعان ايرىقشا ءمان بەرىپ، شىن مانىندە شەشۋ كەرەك. قيىنشىلىقتار مەن سىن - سايىس جىل سايىن جارىققا شىعۋدا، ءبىراق ءبىز ەجەلدەن بوران - شاشىننىڭ سىناعىنان ءوتۋ بارىسىندا دامىپ، سىن - سىناقتى باستان كەشىرۋ بارىسىندا زورايىپ كەلەمىز. قىزمەت دايىندىعىن تولىق ىستەپ، قاجىماي - تالماي قۇلشىنۋ ارقىلى كەلەر جىلعى ەكونوميكالىق، قوعامدىق دامۋ نىساناسىن جۇزەگە اسىرىپ، ىستەردى دامىتۋدىڭ جاڭا جاعدايىن اشۋ كەرەك.

شي جينپيڭ دەموكراتيالىق پارتيا - توپتارعا، مەملەكەتتىك ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە 3 ءتۇرلى ءۇمىت ارتتى. ءبىرىنشى، ساياسي دەڭگەيدى جوعارىلاتىپ، پارتيا مەن ۇكىمەتتىڭ ەكونوميكالىق قىزمەتتى ويداعىداي ىستەۋىنە كومەكتەسۋ. جالپى جاعداي تانىمىن، جالپى جاعداي كوزقاراسىن كۇشەيتىپ، پارتيا مەن مەملەكەت قىزمەتىنىڭ جالپى جاعدايىندا ۇكىمەت ىسىنە قاتىناسۋشى پارتيانىڭ رولىن سانالى تۇردە تولىق ساۋلەلەندىرۋ كەرەك. بىرلىكساپتىڭ وزگەشە ابزالدىعىن ساۋلەلەندىرىپ، پارتيا مەن ۇكىمەتتىڭ ساياساتتى ۇگىتتەۋىنە، مەجەنى ورنىقتىرۋىنا، قايشىلىقتاردى شەشۋىنە كومەكتەسىپ، قالىڭ مۇشەلەردى جانە وزدەرى بايلانىس جاسايتىن بۇقارانى ەكونوميكالىق جاعدايعا، دامۋ اۋقىمىنا جان - جاقتى ديالەكتيكالىق تۇرعىدان مامىلە جاساۋعا، نەگىزگى اۋەندى اسقاقتاتۋعا، وڭ ەنەرگيا جەتكىزۋگە جەتەكتەۋ كەرەك. ەكىنشى، دارىندىلار توپتالۋ ابزالدىعىن ساۋلەلەندىرىپ، جۇڭگو كوممۋنيستىك پارتياسى ورتالىق كوميتەتىنىڭ شەشىم جاساۋىنا بەلسەنە اقىل - كەڭەس بەرۋ. رەفورماعا، دامۋعا، ورنىقتىلىققا ساياتىن شەشۋشى ماسەلەلەردى ىشكەرىلەي زەرتتەپ، بولجامپازدىققا جانە يكەمدىلىككە يە پىكىرلەر مەن ۇسىنىستاردى ورتاعا قويۋ كەرەك. دەموكراتيالىق باقىلاۋدىڭ سيپاتىن ءدال تۇراقتاندىرىپ، قىزمەتتى ءبىر تۇتاس جوسپارلاپ، سايكەسۋدى كۇشەيتىپ، ءتۇرلى مەملەكەتتىك ستراتەگيالاردىڭ اتقارىلۋىنا دەم بەرۋ كەرەك. ءۇشىنشى، وزىندىك قۇرىلىستى كۇشەيتىپ، ۇكىمەت ىسىنە ارالاسۋ، ۇكىمەت ءىسىن كەڭەسۋ قابىلەتىن ونان ارى كۇشەيتۋ. باسشىلىق القاسى مەن قوسىن قۇرىلىسىن كۇشەيتىپ، قاتاڭ تالاپ قويىپ، قاتاڭ تەجەپ، قاتاڭ باقىلاپ، شىرىكتەسۋ ارەكەتتەرى بايقالسا، اياۋسىز جازالاۋ كەرەك. نازاريامەن قارۋلانۋدى جانە ءبىلىمدى جاڭالاۋدى كۇشەيتىپ، امالياتتىق شىنىعۋدى كۇشەيتىپ، مىندەت وتەۋ قابىلەتىن جانە ۇكىمەت ىسىنە ارالاسۋ، ۇكىمەت ءىسىن كەڭەسۋ ورەسىن ۇزدىكسىز جوعارىلاتۋ كەرەك.

شى تايفىڭ، ليۋ گوجۇڭ، حى ليفىڭ، جاڭ گوچيڭ، ۋ جىڭلۇڭ، جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنىڭ جاۋاپتىلارى اڭگىمە ماجىلىسىنە قاتىناستى.

اڭگىمە ماجىلىسىنە پارتيا سىرتىنداعى قايراتكەرلەردەن تاعى شاۋ حۇڭ، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن جانە جاڭ ىندي، ان ليجيا، تيان شۋان قاتارلىلار قاتىناستى.

كەلۋ قاينارى: حالىق تورابى