لي چياڭ باستى حالىقارالىق ەكونوميكالىق ۇيىمداردىڭ جاۋاپتىلارىمەن ”10+1“ سۇحپات ءماجىلىسىن وتكىزدى

شينحۋا اگەنتتىگى، 12 - ايدىڭ 9 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ بەيجيڭدەگى دياۋيۇيتاي مەملەكەتتىك قوناق ۇيىندە جاڭا اشۋ بانكەسىنىڭ باستىعى روسەف، دۇنيە ءجۇزى بانكەسىنىڭ باستىعى پىڭ انجيە، حالىقارالىق اقشا قورى ۇيىمىنىڭ باسالقاسى گەورگيەۆا، دۇنيە جۇزىلىك ساۋدا ۇيىمىنىڭ باسالقاسى يۆيللا، بىرلەسكەن مەملەكەتتەر ۇيىمىنىڭ ساۋدا جانە دامۋ كەڭەسىنىڭ باس حاتشىسى گرينسپان، حالىقارالىق ەڭبەك ۇيىمىنىڭ باسالقاسى حۇڭ بو، ەكونوميكالىق سەلبەستىك جانە دامۋ ۇيىمىنىڭ باس حاتشىسى كورمان، حالىقارالىق ەسەپ ايىرىسۋ بانكەسىنىڭ باس ديرەكتورى كاستەنس، فينانستى ورنىقتىرۋ القالار كەڭەسىنىڭ ءتوراعاسى نوت، ازيا نەگىزدىك قۇرىلعىلارعا قارجى قوسۋ بانكەسىنىڭ باستىعى جين ليچۇن قاتارلىلارمەن ”10+1“سۇحپات ءماجىلىسىن وتكىزىپ، ”دامۋ جونىندەگى ورتاق تانىمدى ۇيىستىرىپ، دۇنيە ءجۇزىنىڭ بىرگە گۇلدەنۋىن جەبەۋ“ نەگىزگى تاقىرىبى توڭىرەگىندە ىشكەرىلەي پىكىر اۋىستىردى.

لي چياڭ مىنالاردى ءبىلدىردى: قازىر دۇنيە ءجۇزى ەكونوميكاسىنىڭ ارتۋى دارمەنسىز، ەكونوميكانىڭ جاھاندانۋى مەن كوپ جاقتىلىق كەدەرگىگە جانە سايىسقا ۇشىراپ، تۇراقسىزدىق ونان ارى ارتا ءتۇستى. ءتوراعا شي جينپيڭ: دۇنيە ءجۇزىنىڭ بارابار، ءتارتىپتى كوپ ۇيەكتەنۋىن، ەكونوميكانىڭ جالپىعا ءتيىمدى، سيىسىمدى جاھاندانۋىن جەبەۋ كەرەك، _ دەپ اتاپ كورسەتتى. ءار جاق نازاردى دامۋعا ونان ارى شوعىرلاندىرىپ، بەيبىت، ورنىقتى دامۋ ورتاسىن بىرگە قالىپتاستىرىپ، دۇنيە جۇزىلىك جونگە سالۋ دەڭگەيىنىڭ جوعارىلاۋىن جەبەپ، دۇنيە جۇزىلىك ءوندىرىس - قامداۋ تىزبەگىنىڭ ورنىقتىلىعىن، ىركىلىسسىزدىگىن قورعاپ، ەكونوميكالىق ارتۋدىڭ جاڭا قوزعاۋشى قۋاتىن جەتىلدىرۋى كەرەك.

لي چياڭ بىلاي دەپ باسا دارىپتەدى: جۇڭگو _ ەكونوميكانىڭ جاھاندانۋىنىڭ، كوپ جاقتىلىقتىڭ باتىل قورعاۋشىسى. ۇزاق ۋاقىتتان بەرى جۇڭگو ەكونوميكاسى دۇنيە ءجۇزى ەكونوميكاسىنا ۇزدىكسىز پارمەندى قوزعاۋشى كۇش قوسىپ، وزىندىك دامۋدىڭ ايقىن ەرەكشەلىگىن كۇن سايىن ايگىلەدى. ءبىرىنشى، ورنىقتى ارتۋ اينالىم مەحانيزمى بولۋ، ورنىقتىلىق بارىسىندا ىلگەرىلەۋگە، ۇزاق بولاشاقتىق پلانعا تاباندى بولۋ كەرەك. ءبىز كەرى پەريودتى رەتتەۋ تەبىنىن ارتتىرىپ، ماكرولىق ساياساتتى كۇش سالا اتقارىپ، ءتۇرلى ءادىس - امالمەن ىشكى سۇرانىمدى كەڭەيتىپ، تۇتىنۋدى سەرپىلتىپ، كورنەكتى ماسەلەلەردى شەشۋگە كۇش سالىپ، ەكونوميكانىڭ ۇزدىكسىز جاقسارۋىن ىلگەرىلەتەمىز. ەكىنشى، باياندى ءوسىپ - جەتىلۋ كەڭىستىگى بار، جاڭا سۇرانىس، جاڭا قوزعاۋشى كۇش ۇزدىكسىز قالىپتاسادى. ءبىز رەفورمانى ونان ارى جاپپاي تەرەڭدەتىپ، بۇكىل ەل بويىنشا بىرلىككە كەلگەن ءىرى بازار قۇرۋدى جەدەلدەتىپ، عىلىم ـ تەحنيكادا جاڭالىق اشۋدى، كاسىپ سالاسىندا جاڭالىق اشۋدى كۇش سالا ىلگەرىلەتىپ، ەكونوميكانىڭ ىشكى قوزعاۋشى كۇشىن ۇزدىكسىز كۇشەيتەمىز. ءۇشىنشى، بەلسەندى دە دۇرىس سىرتقا كەڭەيۋ اسەر بار، باستان - اياق دۇنيە جۇزىمەن دامۋ ورايىنان بىرگە يگىلىكتەنەمىز. ءبىز جوعارى دەڭگەيدە سىرتقا ەسىك اشۋدى تاباندىلىقپەن ىلگەرىلەتىپ، اناعۇرلىم كوپ دەربەس ەسىك اشۋ جانە ءبىر جاقتى ەسىك اشۋ ساياساتىن شىعارىپ، دۇنيە جۇزىنە بەت العان جوعارى ولشەمدى ەركىن ساۋدا رايونى تورىن كەڭەيتىپ، بازارلانعان، زاڭمەن باسقارىلاتىن، حالىقارالانعان ماڭداي الدى ساۋدا ورتاسىن ۇزدىكسىز قالىپتاستىرامىز. جۇڭگو ەكونوميكاسىنىڭ جوعارىلاۋ، جاقسارۋ ءتۇپ لوگيكاسى وزگەرگەن جوق، دۇنيە جۇزىنە پايدا جەتكىزۋ باعىت، پرينسيبى وزگەرگەن جوق، بۇل جۇڭگو ەكونوميكاسىنىڭ دۇنيە ءجۇزى ەكونوميكاسىنا قوساتىن ەڭ ۇلكەن تۇراقتىلىعى.

لي چياڭ بىلاي دەپ اتاپ كورسەتتى: جۇڭگو جاق ءار جاقپەن بىرگە حالىقارالىق قارىم - قاتىناستىڭ نەگىزگى ولشەمىن جانە كوپ جاقتى ساۋدا ءتۇزىلىسىن قورعاۋدى قالايدى. جۇڭگو جاق ءارقايسى حالىقارالىق ەكونوميكالىق ۇيىمداردىڭ دۇنيە جۇزىلىك باسقارۋدا ماڭىزدى رول اتقارۋىن قولدايدى، ءوز قۋاتىنا ساي كەلەتىن حالىقارالىق بورىشتى بەلسەنە ارقالاپ، دۇنيە ءجۇزى ەكونوميكاسىنىڭ اقاۋسىز، ورنىقتى دامۋىن بىرگە ىلگەرىلەتەدى.

حالىقارالىق ەكونوميكالىق ۇيىمداردىڭ جاۋاپتىلارى جۇڭگونىڭ دامۋدا قول جەتكىزگەن وراسان زور تابىستارىن ايرىقشا القاپ، مىنالاردى ءبىلدىردى: جۇڭگو ەكونوميكانى ۇزدىكسىز جاقسارتىپ، جوعارى دەڭگەيدە سىرتقا ەسىك اشۋعا تاباندى بولىپ، دۇنيە ءجۇزىنىڭ بەيبىتشىلىگى مەن دامۋىنا باعالى ورنىقتىلىق جانە پارمەندى قوزعاۋشى كۇش قوستى، جۇڭگو ەكونوميكاسىنىڭ تيپ جاڭالاۋىنا بولاشاعىنا تولىق سەنىم ارتامىز. ءارقايسى جاق جۇڭگو جاقپەن سەلبەستىكتى كۇشەيتىپ، كوپ جاقتىلىقتى جانە جاھاندانۋ اياق الىسىن بىرگە قورعاپ، كەڭەس تاقىرىپتارىن الدىمەن دامىتىپ، ەركىن ساۋداعا تاباندى بولىپ، وركەندەپ كەلە جاتقان ەلدەردى قولداۋدى كۇشەيتىپ، كليمات وزگەرىسى سياقتى دۇنيە جۇزىلىك سىن ـ سايىسقا توتەپ بەرىپ، دۇنيە ءجۇزى ەكونوميكاسىنىڭ سيىسىمدى ارتۋىن ىلگەرىلەتىپ، بىرگە گۇلدەنىپ ـ كوركەيۋدى جانە باياندى دامۋدى جەبەۋدى قالايدى.

كەلۋ قاينارى: حالىق تورابى